¹ Nejjata Dioso jumaitsi Moisés jawabelia: " Táemeya Faraón tsipaebare baja ra ponü, Dioso, hebreomona piaja Diosonü, má jumaitsi: "Netó kopare tájiwi tane barrüyá taenejja. ² Itsa apo gémanü tsane tsiteka apo asiwamü tsane, ³ Nejjata Dioso kobe rukaena nija vakáta wayafota pebüjjü tototália nija caballatá, burruta, camellutatsikirrijji jawá ayei bitsaütonü jawata piayei domae kaüjüpaenatsi. ⁴ Diosonü tó naítajjüto jematsiana Israelmonae piaja vacá bitsaütonü nejjata Egipto pijiwi piaja vacábitsaütonü tó Israel monae piaja vacábitsaütonü kaenü ata apoyá jiwünü tüpae tsane. ⁵ Dioso kató ruta pakuijinae nejja: Jumaitsi Merrawia tsinü tsane jjüaje piarrataje." ⁶ Dioso itsi pakuenia juamaitsi itsa matakabi vaja yananianáina: Egipto pijiwi tajjita piaja vacá dajjita werre werreka. Jané baitsi Israél monae piaja vacá kaenüata apoyajiwinü tüpae. ⁷ Faraón yanijioba, tanukajopa, Israél monae piaja vacá kaenüata apotó yajiwünü tüpaetsi. Baitsi jané bitsó ajamatabü saü, itsiata apató kopatsi. ⁸ Nejjata Dioso jumaitsi Moisés Aarón jawábelia: pirre ipuma jota zetabiaba otobiájjuare atübüyó Faraón taéjitsia. ⁹ Nejjata púma pumaükaena Egipto pijiwi piaja irra juma werreka. Baja rajjua juma furrajawia ejjanae natsi tsapu tsapuwia reka jiwi baca jawdá dajjita Egipto pijiwi." ¹⁰ Baja rapakuenia tsibeje Moisés Aarónbeje pitabeje ipumana pezeta biabijáwita nukabeje pitabara welia. Nejjata Moisés otoliá jjuaba atübüabetsia. Baja ra pá ipumama juma furrajawia ejjanaenatsi tsapu tsapuwiareka jiwi riaja bacá ata. ¹¹ Wájumeta pena jorrobinüjji baja apokanepaetsi Moisés pefurrajawi cobejjae, tsipaji baja ra ponüjji juma furrajawatsi yajawa dajjita Egipto pijiwi. ¹² Diosonü ajaniatabü atajaya ejjana Faraón, baja raitsi Faraón apo jumetae Moisés Aarón ata. Diosonü rabja maje Dioso jjua tsipaebatsi Moisés itsane raja Faraón jaitsi. ¹³ Nejja Dioso jumaitsitsi Moisés:" Nonotapúnare bajayakanua, nukata békare pitabarrá welia Faraón, majumaitsimü tsaneje:Diosonü, Hebreowü piaja Dioso, jumaitsi: Netó kopare tájiwi nenawaju kaenejja. ¹⁴ Tsipaji mapaeto kuijinaeje jjanü katsi rutsianatsi dejjita jjuabeje pebisiá domaebeje panapona, nija pianiwitaniajiwi ata. Janü itsinü tsane majjuje neyapütaenejja ajibi itsanü jjanü wekua pairrataje. ¹⁵ Majótaje, jjanü bajaya kasiwá namajjü yota jjuabitsi kabijiá paitsipatsi niájiwi yájawa domaeta, awümü jibimü tsipae pairrataje. ¹⁶ Tsipaji baja rajjua jjanü kató rutatsi neyá asaünejja: mapakueniaje jjanü taka natsita ütajütsi nejja takapane paenü, tawü ponae nejja dajjita pairrataje. ¹⁷ Jamü abajjü atajamü tsanukae ápo netópü kopatanü kaemü tajiwi. ¹⁸ ¡ Nejumetáema! merrawiá, paborataje, jjanü katsi mata kapatsianatsi wanali éma ayei tsane, káeto ata apopane táejawa Egiptota, petajjujjuabi kuajinae matapania. ¹⁹ Baja rajane wékae, itarrabáre pebijiwi pekaetuatsi nija vacá dajjita jjuabeje jjainame wayafotalia kaetuatanure jota bápane pánubena. Dajjita jiwi vacáata pejinawana paewi wáyafotalia pakaetuare bóyaberrena. tsipaji wanali éma tsimata runaenikatsi, baja rapamonae werre werrékaena". ²⁰ Nejeta, pamonae Faraón piajapiánijiwi jume konümüta penajume itorrojáwa Diosonü bepijia siwápona pekentsia itorrobinujji piaja vacá boyáberrena. ²¹ Jané pamonae namüjjü jemata penajume itórrobijawa Dioso apo jume yeitae apo siwáponae petó nakuenebi nüjjitsi vacá ata wayafotalia. ²² Baja rajane Dioso jumaitsi Moisés jawabelia: " nákabe yorre atübüa betsia otopaejitsia wanali jjuayá kopia ruka Egipto irra jiwi jawá vacá jawá, unuanü wayafojjiya jjuaya kopiá ruka Egipto irra." ²³ Moisé siwá namajjü yotajjuaba itakarropitaba atübüá betsia, Dioso itorrobika yamajjü, wanali binibinejai irrá betsika. Kopatsika wanali éma egipto irrátsaka. ²⁴ Baja pakuijanae otopaüka wananali bini binijaiyá runaika bitsó ayei pakueni apo taetsi kaeto ata pairra taje penajjanae kuijina ma panakuaje. ²⁵ Jjuayá kopia ruka Egipto irra, wanali ema bitsó tsikababa ayeikuenia dajjita penakueneba biabijawa, baja rappakuenia jiwi vacábitsaütonü ata. Tsika ruka ayeikuenia naejawanü jjuaya nakueneba biaba tsikaka kaenae kanakuijitsia. ²⁶ Kaéjawa Gosén irratalia, jota jinawana Israélmonae wanali éma ápo patsi. ²⁷ Nejjata Faraón itorrobalia piaja benijiwi juntsia ejjanaliá Moisés yajawá Aarón. Jumaitsi baja raponübeje jawabelia: Jjanürajané bajanató bijianajü mapakijinae. Diosonü pejjania jainü, jjanü ata tajiwi bitsó páta akuene bejéwi. ²⁸ Barrü kuaikuijamure Dioso, tsipaji apopata kapatsianajü, pajjamü bajajota apo pajiwanapaemü tsane bajayayo." ²⁹ Moisés jume kanawiata baja raponü:" bajamá ponatabia najü tajüwekua patomarraje jjanü nakabe yotajjua bianajü Dioso jawabelia. Ajilia tsajuni tsane pebini binijai jawa, ajibi bajatsane wanali ema. Baja rameta mapakkueniaje yapütaena Dioso piaja irrakuene. ³⁰ Jané baitsi jjamü niájiwi yájawa, jjanü yapütaniji apo pane jume kowütsi kuene jjaniawaetsia Diosonü." ³¹ Ajenakonojjae baja lino naejji cebada pabianü tajibi üpetoferto bajo boka, cebada üpekaetuatsi, lino naejji mamatonta ájeni. ³² Itsiata juya trigo centeno pabibeje apo bijianae tsipaji baja jjua bábejjua rubena. ³³ Pakuijinae Moisés Faraón wekua pona tomara, baja raponü nakobe yota Diosojawábelia yamajjü wanali ema ajibirrika, copatabaja ema. ³⁴ Pakuijinae Faraón tane pekaewi jáwa ema wanali, yamajjü jume kopata, ikatsiá najamatabü liwaisi bijiana najamatabü jüpa piaja pianüjji yájawa. ³⁵ Piaja jamatabü ütüto Faraón bitsó ataja, baja rapakuenia ata apo kopatsi Israelmonae.Baja raitsa biabitsane jai Diosonü Moisés jawabelia Faraón rá itsabia tsane.