¹ Diosonü Moisés jawábelia jumaitsi: "táemeya Faraón, tajamatabü atajaya ejjanáejawa pijinenia pemitsa jayaba biabiwitsi. Itsinü bajara pamonae ata táejitsia tasü dajjita jiwi tutújuta. ² Má jjua itsinüje penakojji tsipaebi nejja pemomojji jjuabeje itsinü, asaíü kuenia táe ejjanajü Egiptota nabole táe ejjanajü baja rapamonae. Má pakueniaje nayapü táe ejjanajü Diosonü kuenenü ³ Baja rajjua kuijinae Moisés Faraonbeje póna Faraón jawábelia jumitsibeje: "hebreowi piaja Diosonü majjua jumaitsi: ¿Dépaepato wajüto ajamatabü saü tsane kabi jiobi ejjana taita bünejewa? pepü kopatsinejja tájiwi tanebarrüya táe nejja. ⁴ Nejjata itsa kawekua asiwa tsane ápo katsipü kopatsi tsane, nejumme taema, merrawiá kopatsiá renajü sérreserrewa bitsaütonü piaja irrábelia. ⁵ Má pabitsaütonü dajjita írra yawünü kaena írra ápo napebetsi tsane. Jjaejitsia peyá asaüwi wnali émata, pijinenia jaena dajjita wayafo pijinaenü. ⁶ Serrecerrewa kató yawünü kaena nijabó jjiya, pekamitsa jukabiábiwi piajabó jawá dajjita niajiwi piajabó jawá_jjuá ápotae ajja ámo káeto ata. Apotae jinawana paeata pairra jawata matapania pá matakabi taneje. Ikatsia Moisés natijjita wekua pona Faraón. ⁷ Pemitsa nakueba bibiwitsi Faraón jumaitsitsi: "¿Depaepato wajüto jjania naka atiaba pona ponaena baja raponü? to kopare baja israelitamonae pebarrrüyá taenejja piaja Diosonü ¿Ma abajjü ápojume taemü Egipto bja ajibi tsaponae?" ⁸ Moisés Aarón ikatsia kaparrenatsi Faraón jawáberrena, jumaitsiji tsiatsi: Paponare pabarrüyá taename panija Diosonü. Nejjata ¿Depabitsaütoyo beje ponaena? ⁹ Moisés jume kanawiata: "Paponaenajü taja pewüjüawi petirtowi, patajji pebijiwi, petirriawi. Pakaponaen ajü pataja ovejawi, vacá, patana barruyá tae nejja patabarruyá taenejja pataja Diosonü. ¹⁰ Faraón na jumaitisi: "Diosonü paka yájawa tsane, itsa matakabi itsa pakakopatsianatsi paneja pejewajji yájawa. Pataema, itsa pakapü kopatatsi panesiwa najamatabü jjainame apopane patsijawa kaewüarena. ¹¹ ¡A jumel paponare ü papebijiwimü pajjamü pane barrüyá taenejja panija Diosonü, jamatejema pane barrüyátae nejja." Barrajané Moisés Aarón beje jútajjualiatsi Faraón piajabó welia. ¹² Dejjua kuijinae jumaitsi Dioso Moiseta: "itarropire nekobeta Egipto irrajuma irrajuma irrarreka perrubenaewi serreserrewá bitsaütonü, ma pabitsaüto jamatejemá tsimajjü ponajitsia Egipto irra penubena naenü baja rapairrata, pekopatsi naejji wanali ema." ¹³ Moisés itakarropita piaja naebota Egipto irrarreka Diosonü koparsina jowibo baja rá pamatakabi dajjita merrawi. Pakuijinae yananianaina, baja rá pajowibo kapütsina serreserrewá bitsaütonü. ¹⁴ Serreserrewa yakaüjüpa dajjita Egipto irra bijiana dajjita jawá. Káeto ata ápotae pitsi Serreserrewá bitsaütonü paittataje ikatsia baja matawüjüa ápo patsisane. ¹⁵ Juma yawünuka dajjita irra pekirri jainejja. Jjane kaenae kanakuijitsia baja rapairra pijinaenü dajjita baja raponaenü pekuai pekopatsijáwa wanali ema. Dajjita Egipto irrajawata ápo nakopatsi kaenaeta, naejaeanü ata peubi jáwa ata. ¹⁶ Abajjüyo néjewa bitsó Faraón junata jjuaba Moisés Aarón yajawa tsipaeba: "Pebisiá kuene ejjanajü Dioso pitajjútua panita jjutua pijinenia. ¹⁷ Jé janü rabaja, itsiata panitajjuto tsonia taema taja pebisiá kuene yábara patane yábara kuaikui jainejjamü panija Diosonü jawabelia abajjü bitsó itsiata tatüpae yéniwa. ¹⁸ Baja rá itsi pakuenia Moisés natijjita Faraón wekua barrü kuaikui jaijitsia Diosonü. ¹⁹ Diosonü kopatsika piayeisaü jowibo kaputijitsia dajjita Serrecerre watoyobeje petsobia manuá yábelia; kaenü ata áponakopatsi Egipto irrajawata. ²⁰ Jane baitsi Diosonü ajamatabü atajaya ejjana Faraón ikatsia apopü kopatsi israelita monae. ²¹ Baja rá jjua kuijinae jumaitsi Moiseta: "Nakobeyore atübüabetsia itabojjo kirrikirrí káetsia Egipto irra jawata, pamerrawi bitsó bá nayapütane pekirri jaijawa." ²² Moisés siwa namajjü yotsia itarropita itabojjo kirrikirrí kájunua pekirri kirrikae kuijinae aepapiá akueyabi pa matakabije. ²³ Káejiewiyo ata áponatae; itsajiwiyó ata apowekua pitsapae piajabó wekua akueyabi pa-matakabibeje, baja rá patuatujuta, istaelmonae tó tsitekatsi jjaniawaetsia matakabi jota jinawana-pa. ²⁴ Faraón junata jumaitsi Moisés jawabelia: "Ponáre baja nebarrüya taenü nija Dioso, ata nijamonae barrü ponare, batisi jané nija ovejawi nejjainae bitsaütonü nakopatsina." ²⁵ Nejjata Moisés jume kanawiata: "Jume pakaponaenajü patakobe kowü akuenebi patane wekua asíwa jawanü patató kaponae nejja pewünta patató bénejja Diosonü waja Dioso. ²⁶ Pataja vacá payajawa ponaenajü; kaenüyo ata apo panepü taenukae, tsipaji pajjanü pakaponaenajjü patabarrüyá tae ejjanae nejja Diosonü waja Dioso. Tsipaji abajjü pajjanü apopayápütaenü jjuata paatabarrüyá tae ejjanae nejja Diosonü payapü taenajü matapania itsa papatsianajü baja rá beliá." ²⁷ Nejjata Dioso ajamatabü atajaya ejjana Faraón ikatsia apopü kopatsi. ²⁸ Faraón jumaitsi Moisés jawábelia: "¡Pónarre baja jjanü wékua! jjania tsane káejawayo. pütsa baja mata wüyüa netaneme, tsipaji pamatakabi nítabarra táename tüpáename." ²⁹ Moisés júme kanawiata: "Jjamü nijakuata juítsimü. Jjanü baja matawüjüá ápokaita barrá tae tsanetsi."