¹ De jjuá kujjinae Diosonü jumaitsi Moisés jawabelia: "Abajjü ra tó saikatsi itsa domae Faraón jawáta Egiptola. Baja rá jané jjuá kuijinae kapú kopatsiana jotawekua-je, pakuijinae jané kapü kopatsiana baja, kapüna jjuabiana wayafuabelia. ² Tsipaebare niájiwi dajjita jiwi pebijiwi petirriawi ata pewajükae nejja baja rá pamonae jjuanü jjaina palata oro ata. ³ Baja rá saya pá-horata Diosonü Egipcio monae barrüyaya jamatabü yawenona israel monae abajjü, nakuene itajüta pébikuene, Moisés nakuene itájjüta pekápane páejawa pitabü néjewa dajjita pemitsa nakuenebiwi Faraón Egipto pijiwi. ⁴ Moisés chipaeba: "Diosonü majjua jumaitsije: "Mukaponáenajü merawi tutújuta Egipto jawá. ⁵ Dajjita matapijinüjji ra wereweré kaena Egipto irayawata pena itajütsiwi, Faraón pejjünato welia kuijinae, pekowüta peweteka biábinü, pejjünato ata pemitsa nakueneba bíbiwatsi pekakiata biabiwá molinota vacá ata ponü bá-naitajüta namatá jjainaya. ⁶ Wawájai tsarrutsi itsa jjoyá irakopiá ruka Egipto irra, káeto ata apo panetáejawa matawüjua ata ikatsia apo pataenü tsane. ⁷ Jimá kajena bé kae awiri ata ao pakajóbi tsane pá-Israel monaemü, jiwi ata o caballu ata pakueniaje yapütaena taitsi jawa itsakuenia Egipciawi juya pejjania kuenia taena Israel monae. v ⁸ Dajjita pekamitsa nakuenebiwi, Faraón ata, nejúme kowünütsiana pematabaka büta nenawajükaena jjanü jawá berena. Baja rá ra-pamonae jumaitsane: "¡Pa-ponare baja, pá-dajjijtamü papeka jamatabü jüpaewi yájawa! Be abajjüyo kuijinae jjanü pitsapae liajü." Dejjüa kuijinae jané baja, pitsápalia anaya pitabará welia Faraón. ⁹ Diosonü tsipaeba Moisés: "Faraón apo kajumejjania táe tsane. Tsipaji jjanü táe ejjanajitsianü ápo pé-taejawa Egipto ira jawata." ¹⁰ Moisés Aarön beje táe ejjana ápo petáejawanü pitabüta Faraón. Dé itsiata Diosonü ajamatabü ataja ejjana Faraón, ikatsia apo pükopatsi jiwi pepitsapae yéniwa israelmonae piaja ira wekua.