¹ Moisés jume pita: "¿Itsa apo nejume jjania jai tae o apo ne jume jejai, itsa ne jumaitsi saya: 'Diosonü raja apo katsita naitajütsi?'" ² DIOSONÜ jumaitsi bajara ponü jawabelia: "¿De jjua kobená nukameje'?" Moisés jumaitsi: "Naebo". ³ DIOSONÜ jumaitsi: "Irata buatajarabare". Moisés irabelia buatajaraba, jomo naejjana junua: Moisés kobejjae najetabijirewa. ⁴ DIOSONÜ jumaitsi Moisés jawabelia: "Nakobe yore pebosotualia waetabare". Nejjata bajara ponü nakobe yota y waetaba jomo. Kae Wüalia naebo naejjana pekobeta. ⁵ JJua ra maje bajara pamonae jjaniajai tajetsia DIOSONÜ, pa nija monaewimü piaja Dioso, Abraham piaja Dioso, Jacob piaja Dioso, ka tsita naitajüta". ⁶ DIOSONÜ pijinia jumaitsi: "Na kobe jjataremelia nenajuma akatsi napa jawalia". Nejjata Moisés nakobe jjatalia pe najuma akatsi pana jawalia. Pakujinae nakobe jurena, tane, kobe osiosiwa, niojai be niewe jawanü. ⁷ DIOSONÜ jumaitsi: "Kae wüalia ikatsia nakobe jemelia". Nejjata Moisés nakobe jeya, pakujinae nakobe jurena, ajibi baja itsakuene jawa ata, be peperübüto kuenia. ⁸ DIOSONÜ jumaitsi: "Itsa bajara pamonae apo kajume jjaniajai tae tsane-- pamonaeje apo jejai tsane kopiaya tatsita itsi jawata o apo jjaniajai tae tsane, nejjata pamonaeje jjania jai tane tatsita itsi jawa ajara jjua kujinae. ⁹ Itsa pamonaeje bajara jjuanü ata apo jjania jai tae tsane, apo kajume ate tsane, nejjata pitsianame atsi mene piaja merayo, epatajarabianame matatsinüta. Pe apae mera matatsinüta naejjanaena pejana". ¹⁰ Nejjata Moisés jumaitsi DIOSOSNÜ jawabelia: "Diosonü, jjanü kaeto ata apo jume liwaisi ponaenü, bajayatami ata, ni matakabi barükuikuijamü nija pianinü. JJanü apo kapanepaenü ta kuikuijai jawa". ¹¹ DIOSONÜ jumaitsi bajara ponü jawabelia: "¿De ipatsa kubi ejjana jiwitonü jawabelia? ¿De ipatsa ejjana apo pekuikuijainü, o apo pejumetaenü, apo petaenü, o pitajjuto jibinü? ¿Apo jjanü tsaja, DIOSONÜNÜ? ¹² Nejjata aekonojjae liamüre, JJanü kakuikuijai ejjanaenatsi, kajumaitsi tsanetsi jjua jumaitsimüjitsia". ¹³ Baitsi jané Moisés jumaitsi: "Diosonü, pejjania kuenia itorobare itsa jiwiyo, pa jiwi jamatabü itorobame". ¹⁴ Nejjata DIOSONÜ jamatabü bara anaepanatsi Moisés. Bajara ponü jumaitsi: "¿Jiká jané Aarón, ne juya pijinü, Lewitanü? JJanü yapütanejü bajaraponü pejjania kuenia pe kuikuijainü. Taename, bajara ponü ka kajjitajara bojopaerena, pakujinae ka taena, bajara ponü jamatabü kuene barüyatsane. ¹⁵ JJamü barükuikuijai tsane pa liwaisi jumaitsijitsia. JJanü ka kuikuijai ejjanenatsi bajara pakuenia tsane bajara ponü jawabelia, JJanü paka tsipaebianatsi beje jjua pa jumaitsimüjitsia beje. ¹⁶ Bajara ponü barü kuikuijai tsane jiwi. Bajara ponü paebiana pa liwaisi jumaitsimü y jjamü be jjanümü tsane, Diosonü kuenia. ¹⁷ JJamü kaponaename ponaeje nekobeta. Bajara ponaeta tsita itsimü tsane. ¹⁸ Nejjata Moisés nawialia Jetro, pajjuyota jawabelia, y jumaitsi: "Ponaenajü rabaja, nawiatsinajü taja monae jawabelia pe jinawanapaewi Egipto jotalia, taejitsianü itsa abajjü asaü tsawanapae." Jetro jumaitsi Moisés jawabelia: "Jamata ejema ponekare". ¹⁹ DIOSONÜ jumaitsi Moisés jawabelia Madián jawata: "Liamüre, nawiare Egipto jawabelia, dajjita pa pebi jiwi jamatabü kabeyajjuaba tüpa baja". ²⁰ Moisés pita piaja wá y pejji buro tsijuma jebaya. Bajara ponü Egipto nakua yabelia pona, Dioso piaja naebo kobena pona. ²¹ DIOSONÜ jumaitsi Moisés jawabelia: "Pakujinae nawiatsianame Egipto jawabelia, taya ejjanaename Faraón dajjita kaeto ata apo pe taejawanü katsi kobe kopatsi. Baisti jane ajamatabü tajja ejjanae najü, bajara ponü apo kopatsi tsane pa tomaraje. ²² Ne jumaitsimü tsane Faraón: 'JJua maje jumaitsi DIOSONÜ: Israel raja tajjünato, matapijinü, ²³ y JJanü kajumaitsitsi: Kopare tajjünato, tane barüya tae nejja. Baitsi jane apo kopatijitsipaemü, JJanü nejjata beyajjuabianajü nejjünato, matapijinü'". ²⁴ Namutualia, pakujinae pamonaeje nubena otjopa merabi, DIOSONÜ na kajjitaraba Moisés beje piaja beyajjuabijitsiatsi. ²⁵ Nejjata Séfora iboto kusiupa pitaba boupi maüto kajjiuna jjuba pejjünato, tsitajju juma buatajaraba. Nejjata bajara powá jumaitsi: "JJamü taja jaranümü pa jana yabaraje". ²⁶ Nejjata DIOSONÜ naetajjuto jematanuta. Bajara powa jumaitsi: "JJamü taja jaranümü pa jana yabaraje" ta boupi maü kajjiunaejjae. ²⁷ DIOSONÜ jumaitsi Aarón jawabelia: "Tajeta majjü irábelia liamüre kajjitajara bianame Moisés". Aarón tayojopalia, kajjitaraba Dioso piaja unuta, y naitabara kataita beje. ²⁸ Moisés jumaitsi Aarón jawabelia dajjita jjuanü DIOSONÜ itorobatsi pe jumaitsi nejja yajawa dajjita pe itajütsi nejja pesaü DIOSONÜ jjua itorobatsi pe tsita itsi nejja. ²⁹ Nejjata Moisés y Aarón beje kaetuata dajjita Israelitawi pe naweretsinüanü. ³⁰ Aarón tsipaeba dajjita pa liwaisi DIOSONÜ jumaitsitsi Moisés. Bajara ponü pijinia tsitajüba jjua tsita itsitsi DIOSONÜ jiwi itabü nejewa. ³¹ Baja pa jiwi jjaniajai tane. Pakujinae pamonaeje jumetane DIOSONÜ pe naitajjuto kaewetsi jawa Israelitawi y pe tae jawa pe bijiobi ejjanae jawatsi, nejjata pamonaeje irataya jjuaba jamatabü kuene barüyaya.