¹ Moisés pe eweta ponaponae jota pajjuyo Jetro, piaja ovejajji bitsaüto Madián piaja sacerdotenü. Moisés bajara pa bitsaüto petsewi ira tusato jawabereka kapóna patajopa Horeb jawata, Dioso piaja unu juma tsuto. ² Bajara jota Angelenüta Diosonü tsita naetajüta nae matakono kotia jawata. Moisés tane, naükoba pematakono pe jurujai jawa, baitsi jane apo weriajai. ³ Moisés jumaitsi, "Pe mujjune welia nukaenajü taenajü jjua pejjania jawaje, tsipaji pe matakono apo weriajai:" ⁴ Pakujinae Diosonü tane pe natsatsi jawa pe tae nejja, Diosos junata pematakono jawerena y jumaitsitsi, "Moisés, Moisés." Moisés jumaitsi, "Nukajü." ⁵ Dioso jumaitsi, "¡Pütsa imojjoyotame! Nenatajju jjatatsi jawa natajju jonore, tsipaji tsajota nukame ajara pa ira jjanü nejja." ⁶ yajawa jumaitsi, " JJanü raja piaja Dioso nü ajja jiwi, Abraham piaja Dioso, Isaac piaja Dioso, yajawa Jacob piaja Dioso." Nejjata Moisés naitabara akata; tsipaji kujunawa Dioso pe naükotsi jawa. ⁷ DIOSONÜ jumaitsi, "JJanü taniji pe bijiobi jawa bitsó taja tomara pe jinawanapaewi Egipto jotalia. JJanü jumetaniji tane nawajukae jawa pe matakajinawanapaewi yabara, tsipaji JJanü yapütaniji pebijiobi kuene. ⁸ JJanü najetaru kajü tajutsi nejjarena Egipto pe kobé werena bajara pa ira werena, pejjania wajaberena, pinija irá berena, pa ira pitsapa pemi upi rá yajawa jabu rá; piaja nakua kananeowi, hititawi, amoroewi, ferezeowi, hewewi yajawa jebuseowi. ⁹ Jumataniji ayai jumenüta penawajükae jawa Israel piaja jiwi. Pijinia; JJanü taniji pakuenia Egipciowi kenetsia itsitsi. ¹⁰ Aekonojjaeta nejjata; JJanü ka itorobialiatsi Faraón jawabelia tane tó jutsi nejjaremena taja tomara, Israelitawi, Egipto wekua. ¹¹ Baiti jané Moisés jumaisti Dioso jawabelia, "¿Patsanü jjanü, Faraón jawabelia talía nejja y takarena nejja Israelitawi Egipto jawerena?" ¹² Jume pitatsi Dioso, "JJanü kayaja tsanetsi. Bajara pakuenia yapütaename taka itorobi kuene. Pakujinae jutsianame taja tomara Egipto jawerena, pajjamü panetó barüyamü tsane pa unutaje:" ¹³ Moisés jumaitsi Dioso jawabelia, "Pakujinae ponaenajü Israelitawi jawabelia y jumaitsinü tsane, 'Pa nija monaewimi piaja Dioso ne itorobarena pa jjamü jawaberena', pakujinae pamonaeje neyanijobiana, ¿De pawünü? ¿De jumaitsi tsane?" ¹⁴ Dioso jumaitsi, JJANÜ RABAJA SAYA BAJARA PONÜNÜ." Dioso jumaitsi, "Jumaitsimü tsane Israelitawi; JJANÜ RABAJA SAYA ne itorobarena pajjamü jawaberena." ¹⁵ Dioso pijinia jumaitsi Moisés jawabelia "Jumaitsimü tsane Israelitawi, 'DIOSONÜ, pa nija monaewimi piaja Dioso, Abraham piaja Dioso, Isaac piaja Dioso, Jacob piaja Dioso, ne itoroba pajjamü jawaberena. JJua rabaja maje tawünü dajjita matakabi jawabeliaje, bajara pakuenia nena Jamatabüná pitsiana dajjita wai jawanü jawabelia. ¹⁶ Barü nakaetuare pe naweretsiwi Israel pia jiwi. jumaitsimüre bajara pamonae, 'DIOSONÜ, pa nija monaemü, Abraham piaja Dioso, Isaac piaja Dioso, Jacob piaja Dioso, ne tsita naitajüta y jumaitsi, "JJanü paka naitajjuto kaewetatsi, taniji jjua paka itsi Egipto. ¹⁷ JJanü pakajutsianatsi bitsó pa peka itorobi jawetsina Egipto pia jiwi pa iranü jawabetsiaje cananeowi, hititawi, amoreowi, ferezeowi, heveowi yajawa Jebuseowi, pa ira pitsapa be pemito upi ranü yajawa jabü ranü." ¹⁸ Bajara Pamonae kajumetaena. JJamü y penaweretsiwi Israel pia jiwi reinü Egipto jawabelia pa ponaename, pa jumaitsimü tsane, 'DIOSONÜ, Hebreowi piaja Dioso, pane tajjitajaraba. Nejjata pa ponaenajü akueyabi pamatakabi beje petsewi ira jawabelia, pane itorobi kuenia DIOSONÜ pató bejitsianü, pataja Dioso.' ¹⁹ Baitsi jané jjanü yapütaniji Egipto piaja reinü apo paka kopatsi tsana, kae jawa ta kobe saüta. ²⁰ JJanü siwá nakobe yotsialiajü Egipto pia jiwi jaî jai tsane kaeto ata apo petae jawanüta itsinü tsane bajara pamonaeta. ²¹ JJanü pa tomara pia jiwije itsinü tsane perajutsi nejjatsi Egipciowi, pakujinae paponajetsiamü, kobesá pütsa panawiabame. ²² Kae wá kanakujitsia wajükaena penamatamatsi jawanü oro, palata yajawa pese panemujjuneneta egipcio wanü pe jinawanapaewi jawabelia itajjutejema wá ata bajara jota pe nukaewa. Pajjamü pa tsijuma jebiana pa nejji. "Pakueniaje pa wekua notsinameje Egipciowi jawabelia:"