¹ Dioso jumaitsi Moisésta jawelia: "Pitsapare jjamü nija jiwi pamonae barü patame egipto jawaverena, pa ponare pa ira belia jjua najume kapare panejü Abraham jawabelia, Isaac Jacob jawabeli ata, pakujinae jumaitsinü; Carajutsianatsi nija wiria nejja. ² Itoro bianajü angelnü pane wajunaya, kapitsapaenajü Cananeo monae, Amorreos, Hititas, Ferezeos, Heveos yajawa Jabuseos monae, ³ Pá ponare itsa jota pitsapa pemi upira, jabüra yajawa, jjanü bajarabelia apo paka yajawa ponai tsanetsi, tsipaji saya apo pane jume taiwi, nejjata paka yajawünü itsa kuene ejjana jitsipatsi namuto jawa." ⁴ Itsa nejjata jiwi jumetane pebisia jume, jamatabü notsonina. Nejjata kaijiwi ata opa naitabutsi oro jawanüta, ⁵ Dioso baja kajena jumaitsa bara jjüa Moisés jawabelia "Jumaitsimüre bara jjüa Israelistami jawabelia, pajjanü soya apo pane jume kowünütsiwi, nejja itsa paka yajatsi kae epatoyo, jjanü paka yajjabü itsa kuene ejjanaitsipatsi ayai kuenia, nejjata baja kajena, Pana wekua ponare pane naitabütsi jawanü. Tsipaji apoyapütainü jjüa paka itsijitsiatsi pajjamü. ⁶ Bajara kujinai Israelistawi apo naitabütsi joya jawanüta oreb unu jawa werena kujinae. ⁷ Moisés pita Caiboyo nuta tajü tajjunae wekua tajü weka tajjunae, wunü ruta wara pa boyo waja nakaituatsibo, dajjita pajiwi wajütabiabi Dioso jawabelia bajara pa boyo jawabelia pona biaba penükaibo tajü wekua tajjunae. ⁸ Pakujinae Moisés pona boyo jabelia, dajjita jiwi nubenabiabo baupa itapa jawata Moisés pe tai nejja boyo jawaliu, pejone jawa. ⁹ Kai kana kujutsia pakujina beje joneyabiaba boyo jawata. ¹⁰ Runa biaba ita rürübo ya karabanata biaba boyo baupa. Nejjata Dioso bajarajota Moisés barü naliwaisita biabatsi. ¹¹ Dioso barü naliwasita biabatsi Moisés naitabare taitsia pa kuenia baja penaya pütainübejeba naliwasitabaje. Bajara jjüa kujina Moisés nawiata biaba tajjünae jawaberena. Josué piaja pianinü Nun pejjünato péjana witsabinü nuka biaba boyo jawata. ¹² Moisés jumaitsi Dioso jawabelia. "Taima pakuenia nejumaitsinü: Barü ponare bajara pamonae baitsiu jane apo netsipaibümü pa jiwiyo Itorobijitsiamü tapüta jumaitsimü saya. Kayapütanetsi newüta bara jjuata pejjania kuene taneme taita jjutua. ¹³ Bara jane namata jjünajü pejjania kuene nita jjütua, netsitajüre nija namuto taka yapütainejja jumatejema tanamata jjünai ponainejja pejjania kuene nita jjütua. Najamatabü napire parakuaraja nija tomara. ¹⁴ Dioso jume pitatsi "Jjanü raja kayajawa tsanetsi, kana kuero ewetsi ejjanainatsi, ¹⁵ Moiesés nejjata jumaitsi pakueniaje" itsa apo pane yajamü, pütsa nejjata pane kapitsapame. ¹⁶ Depakuenia nejjata, nayapütaina nija tomatora kuene jjanü yajawa nitajjutua. ¿Itsapanayajawa poname jjanü nayapütajitsia nija tomara kuene jjanü yawa patana yapütai nejja dajjita nakua pijiwi wekua? ¹⁷ Dioso jumaitsi pakueniaje Moisés jawabelia: Nejjata itsinü tsane pakuenia newajutame, tsipaji namata jjüname pejjania kuene taitajjutua, tsipaji yapütanijü newünü." ¹⁸ Moisés nejjata jumaitsi: "Nitajjuto tsonia taima netssitajüre nija pejjania kuene" ¹⁹ Dioso jume pitatsi pakueniaje: "Itsinü tsane nejjata taja pejjania jamatabü kuene nitabara wajünaya, tsipaibianaju tawunü Diosonü. Nejjata napejjania jamabü kuene ejjanainajü itajjuto tsonia tainajü pajiwi yo itajjuto tsoniatanijü." ²⁰ Nejjata Dioso jumaitsi: "Apo ne itabara taimü tsane, tsipaji itsi jiwiyo ata apo be netai ta poponaijaba ²¹ Dioso jumaitsi: taima, tajjünai takanakujitsia jawata, jjamü rabaja nukainame bajara pa ibota matatsunuta. ²² Itsa ta kuene bajara jjoyo, najetarükaena jjanü katsi rutsianatsi iboto tsebokoto takobeto ata taponae jawabelia. ²³ Bara jjua kujinae nakobe kopatsianajü saya baja nejuma-epa taename, baitsi jane apo nitabara taimü tsane itsa jiwi ata.