¹ Pütsa penajametsinütsi livasi rajatame itsajiviyo yaaba. Pütsa na jamatabükuene yanatame pebisialivasi jainaenü nenakuene yanatsinejja nenakoneyenebeje neejja. ² Ayapübeje jivibütsaüto nenapüna ponae jawa pebisia kuene nena ejjanae nejja, nenajamatabü yautsinejja jivibütsaü pebisia kuene pe ejjanae nejja penamatamotsi livaisijawa. ³ Ayapübeje pebijiobinü nelivaisi yanatsijawa penamatavenonae kuene jawa. ⁴ Nekueyenü pijadajubinü itsa kajjitajarabame itsa jame peto najjuabi barü, to kanaviata ponare melia. ⁵ Pe kaitoya jiwiyo pija dajubi irata itsa joopa perewe yaabara, pütsa bajara pajawiyo naitajjüto jematame. Yawenonae pija dajubi yajawa. ⁶ Pütsa aitotjia ejjaname penamataamotsi livaisi itsa nija pebipobi tomara bajara pakuenia pebijiobinü namatawenona. ⁷ Pütsa najamatabü yanatame penajametsinütsi nekoni, pütsa beyajjüabame penekonijibinü itsajame pelivaisi jjanepanaenü, tsipaji raja jjanü apo kaitajjuto tsoniataenütsane. Pe akuene bejenü. ⁸ Pütsa pitame peyabijianaejawa tsipaji raja itsa pe aitotjia notsinü petaewi apo ba tae ejjanae, bisiakuene jawalia livaisi ejjana pe kuene jjanepanaenü pija livaisi. ⁹ Ayapübeje tajuwerena pe ponaenü, tsipaji raja yapütaneme pakuenia ponapona tajüwerena peponaenü, tsipaji pajjamü ata tajüwerena paneponaevi Egipto iratalia. ¹⁰ Kaekobe kae matakabi yajawa pavaibeje nejja paubianame irajawabelia bajara pakui pa notsianame. ¹¹ Baitsi itsiata kaekone kaematabi yajawa pa vai kujinae panakuene evetsianame pütsa paubame, tomara pija pebijiobiwi penajjae nejja. Jjua yajuni nakopaba, dajubi jjaejitsia. Bajara kuenia ejjanaename nija winedota nija olivo pabi ata. ¹² Kae kobe kaematabi yajawa nakuenebianame, baitsi itsiata kaekobe anijamatabibeje kujinaae nakue evetsianame. Ma jjua ejjanare jamatejema nija dajabi burü yajawa nakuero evetijitsia, bajara pakuenia papekoto nakuenebinü pejji na nakuere evetijitsia, itajjatejema jiwiyo tajü werena peponaenü nanakuere evetijitsia nua. ¹³ Namona evere dajjita jjua kajamaitsitsi. pütsa wünüjoname itsa dioso pewünü, pútsa kopatame bajarapa wünüanü itsamona jametane nekuibo jawawetsiina. ¹⁴ Ponabibiame akueyabi pawaibeje taneto yawajiwi nejjanü. ¹⁵ Neto yawa jiwi biabianame pan apo pe tsimataje jawanü levadura. pa kuenia ka itorobatsi, jjanü jjaename pan apo pe tsimataje jawanü levadura kaekobe anija matabübeje yajawa pamatakabibeje. Bajara matakabi, jjanü neto naitajïutsianame abib pija juemeto jawata, bajara pajuemeto kajena ruta bajarajjua nejja. Bajara pajuemetota Egipto werena pitsapame. Pütsa kobesa jjanü jawaberena poname. ¹⁶ Neto yawa jiwi biabianame pakuinae nae kui notame, penamatajjainae kui nenakuinebi matamo itsa naejja kaetuatame nija pabita. Bajara pakuenia pameto yavajibianame waikopiata pane kaetuatsi matakabi, pakujinae pane ubijawa pakutuatame panija pabi werena. ¹⁷ Dajjita panija pebi jiwi jjanü taitabara berena ponaena, petujjanenünü, akueyabi pa waibeje tsane. ¹⁸ Akuenebi pejana tsane rajutsijawanü netsakia paejawa jjanü nejja pan pematajurüatsi jawa levadura. yawajibijawata akuenebi meravijebi panenaü kotsijawa itsa matakabi jawabelia. ¹⁹ Namatajjainae kui taja boyaberena pameto kaponaerenena, petujjanenü pija boyaberena, jjanü jija Dioso. Pütsa setame pejana korderoyo pena pe ani u pirata. ²⁰ Jjanü taja angelenü katsiwajunae itorobianatsi pekaya evetsi nejja namutua. taka barüponae nejja taka tsiwajüna vertsi jawabelia. ²¹ Jjaniavaetsia neto taema metojumetaena nua. Pütsa anae ejjaname, tsipaji apo kanekoni naitajjüto tsonia taetsane. Tavünü raja bajara ponü yajawa. ²² Itsa pejjaniakuenia jume kowünütame ejjaname nua dajjita jjua kaitorobatsi, nejjata jjanü nekueyanü pija kueyenünütsane pekueyenünü nija kueyenü jawalia. ²³ Taja angelenü newa jünaya najetarakaena amorreovi kato karenatsane, Hititas, Ferezeos, Cananitas, Hetitas Jebuseos yajawa. Jjanü raja werebia bianajû. ²⁴ Pütsa to nabüjjütsutame pija diosovi, nemata bakabüta pütsa to nukame, pütsa ejjaname pakuenia bajara pamonae ejjana. Jjua wekua biji ira to penere to bijianare pija ibonaesiturtonü. ²⁵ Jjanü nematabakata neto nu kabiabianame, nija tujjanenünü, nija Diosonünü. Itsa ejjaname, jjanü pejjaniakuene karajatsianasi pan mera yajawa. Jjanü domae kuene kato ajibi ejjanaenatsi metatujuta. ²⁶ Kaewata ata apo akojjibitsane apo vekua atjopae tsanetsi irabelia. Katajatsianatsi ayai matakabi. ²⁷ Jjanü itorobianajû dajjita neyapütaevi, Jjanü ejjanaenajû nija wajabütsaünü pija espalda jjanü jawabelia wajajunavi kuenia. ²⁸ Jjanü enemanü katsiwajünae itorobianatsi perüpae ejjanae nejja Heveos monae, cananeos, Hititas ata newa jünaya. ²⁹ Kae waita apo kato tijjitsitsanetsi, itsajame ira pana tsipüjjuabi jitsipame, unu pija dajabi kato ayaikuenetsipae. ³⁰ Bajara pakowüta be ajjayo jjanü newajjinaya jutsianajû pekato wanükae kuene naekui jawalia nejjata pekatsipaebi ira karajutsiana. ³¹ Jjanü jjanetsianajû itsajota nija ira kato kopia ruka mar rojo welia filisteosvi pija mar jawalia kopia ruka, desierto jawabelia kujinae Eufrate mene jawabelia kopia pata. Jjanü pe asaülivaisi karajutsianatsi jiwi matatojjenetsitsiamü bajara pamonae. Jjanü püna torotsianame newajunae yabelia. ³² Jjanü akuenebi bajara ponae jawabelia panenajume rajutsijawa yeiyatae kuene pakuenia pija dioso jawalia ata. ³³ Akuenebi bajara pamonae nija irata pejinamapaejawa, itsajame bajara pamona pebisia kuene paka ejjanae ejjanaena jjamü jawaberena. pija dioso itsa to nu kame nematabakabüta, nejjata katsi ayaitsipae nenanekonitsi nejja jjanü jawaberena."