Joseeliezerr123-guh_exo_text

Capitulo 24

¹ Bajara jjua kujinae Diso jumaitsitsi Moisés: "junaimina jjanü javatsina, Aarón, Nadab, Abiú y 70 paperujujivi Israel pijivi be tatüyo nematabakabüta ne jo nukare. ² Kaenü Moisés tane imojjoyotsinü tsane, itsamonae pütsa nena imojjoyota, dajjita jivi patsa najunaina. ³ Nejjata Moisés pijajivi javabelia pona pija decreto nuatsipaeba dajjita bajara pamonae be kaejiviyo jume kanaviata nejjata jumaitsi: Pajjanü raja pa ejjanaenajü jjua detujjanenu jumaitsi. ⁴ Nejjata Moisés yakina dajjita Dioso jume livaisi. Bajaya kunua, Moisés ibo najuma jeba ibo tabütsutota ibo naisiturtonü nakuenaba, pekuene kataenü kaenütsutota 12 pa Israel viriavi. ⁵ Bajara ponü itoroba pewüjüavi Israelitavi peto tsakiepae nejja bajara pa dajuvi Dioso nejja. ⁶ Moisés kaituata pejana vajjianüta epaka: penaka patsira petsakiepae tajjunaeta tsimata epaka peyajani nakepaitsira ibo jamata itsajota tsakiapanaba Dioso to. ⁷ Bajara ponü pita kuyalato bajjuto penanatano tsi livaisi kuene yajava to yoroba ayai jumete pija tomara bajara pamonae jumaitsi: pajjanü pa ejjanaenajü dajjita jjua petujjanenü jumaitsi jjamüta. pajjanu pata jume kowünütsivitsane. ⁸ Bajara jjua kujinae, Moisés pejana kaetuata tsiepabajaraba bajarapa tomarata Bajara ponü jumaitsi:" Mara pa pejanaje kae livaisi pejjainaejava Dioso jjua itsi pajjamü jawaberia, rajuta yeiyataeya pena jume livaisi rajutsijava dajjita livaisi." ⁹ Bajara jjua kujinae Moisés, Aarón, Nadab, Abiú, 70 pa Israel pa perujivibeje yajava petsuta jumatsia juna. ¹⁰ Bajara pamonae tane Israel pija Dioso. petajju büjüpana zafiro ibo tonü ejjana irata, itabojjo pakuenia napebefa. ¹¹ Dioso apo anaeta pemata kanubenae Israelitavi javaberia Israel pe mate kanubenaevi Dioso apo bara anaepanae bajara pamonae Dioso tane, bajara pamonae nabane apa nua ¹² Moisés petujjanenü jumaitsitsi: "Petsuto javabetsina jjanü javabetsina junaimina bajara jota nukaename jjanu karajutsianatsi iboto pebeje ta kato yakinae livaisi, jjamü nekujarubinejja." ¹³ Bajara pakuenia Moisés pona Josué beje Moisés pe püyatsinütsi beje Dioso pija petsuto jumatsi jumayabeje. ¹⁴ Moisés perujunüjji jumaitsi ikanu: "ma jotaje pa nubenare pajjanü pane evere pata patsijava pajjamü java beria. paka yajava tsane Arón, Hur beje. itsa jivi beje itsa nabara anaepona, pakapare pe ponaejava bajara pamonae javaberia." ¹⁵ Bajara pakujiruta Moisés petsuto jumatsia junaya itarürübo yakaranatatsi. ¹⁶ Sinaí tsutota petujjanenü kotia naitayota itarürübo yakaramatatsi yakovamatatsi kae kobe kaejava yajava pa matakabibeje. kae kobe anija matakabibeje yajava bajara ponü junatatsi Moisés ita rürübo ünü javaverena. ¹⁷ Petujjanenü pekotia be isoto be petajuitsi kotia kuenia Israelitavi itabarata petsuto jumata. ¹⁸ Moisés junua itarürübota junaya petsüto jumatsia bajara ponü nukaya petsuto jumatsi 40 pamatakabibeje 40 pa meravibeje yajava.