¹ Ajena konojjae tató najumekopatsi liweisi jjamü raja tsitiüjitsianame baja ra pamonae pitabarata: ² Itsa paka muatsianame hebreonü panija pianinü nejja, baja ra ponü pakató nakuenabiana kaekobe kaekobesito yajawa baja rá jjüa kuijinae kaekobé aniaja kobe sitobeje pa wiekuijinae baja ra ponü pitsapaena amaneja anatamo jibia. ³ Itsa baja ra pa patójopa kaenü, baja rá ponü be pitsaba amoneya kaenü; itsa baja rá ponü pena kojiabinü, nejjata piajawá be yajawa pitsapa amoneya bajará ponü. ⁴ Itsa piaja tujjanenü rajutatsi piajawa itsa baja rapowa pejjibarri jjeina (pebijiwi yajawa petimawi) piajiwa yajawapejji peijujiwitsane piaja tujjarenü baja ra powa, nejjata baja ra ponü pitsa kuena amaya kaenü. ⁵ Beitsijane itsa piaja pianinü ita penene kaya jumaitisi tsane: "Jjanü jjipajü taja tujjanenü, tajawa yajawa tajji; jjanü apo wuekua pitspetsitsane amoneya", ⁶ Nejjata piaja tujjanenü kaponuena Dioso jawabelia. Baja rá ponü piaja tujjanenü bekarrena baupü jawaberrena baupa kuaebojotatsipae, nejjata piaja tujjanenü mujjü wojorutsiana pepumusojeijawata, nejja baja ra pa pianinü to nakuena ponaponae nejja dajjita tanatkabi jawabelia nejja amoneya. ⁷ Itsa pebi kanajetsia pianiwa nejja, baja rá powa apo be pitsapae amoneya, pakuenia pianiwi pebijiwi itsitsabiabi. ⁸ Itsa baja rá powa apotsita jjanepanaetsi tsane, tsipaji pitorrobi kueniatsi bajjar ponü nejja, nejjata baja rá ponü be kopata pekomuatsi nejatsi kaewua. Baja rá ponü apo jjeinae baja rá pa kuene pekanajetsi nejja saekaya itsa nakua pijinü jawabelia. Baja rá ponü apojjeinae baja rá pakuene, tsipajiraju baja rá panü éweta najumetsintiaya. ⁹ Itsa pia tujjanenü tsikopa be piajawa kuenia pejjunato nejja, baja rá ponü be éweta namatajüpaya pakuenia be pejjünatoyo. ¹⁰ Itsa pitsiana itsawa piajawa baja rá ponü nejja, baja rá ponü apo rajutsi bepiajawa pejjaejawa, pena jjutabijawa pena nu matawenu naejawa piajawa kuenia. ¹¹ Beitsi jane baja rá ponü itsa apo rajutsi tsane akuayabi jjuabeje baja rá powá nejja, nejjata baja ra powá kuene keüjipatsi pepitsa puenejja amoneya amatamojibi nejawa. ¹² Pajiawi tsakibiabiana pebi itsa baja rá ponü tjüpaena, nejjata baja rá paji nabeyajjüábiana. ¹³ Itsa baja rá papebi apo itsi naja matabü napitsiaya, beitsi jane itsa jématsia, nejjata jjanü tajjünae jjanewaitsianajü itsajota baja rá ponü penaje ta rubinejja. ¹⁴ Itsa kaenü pebi anaya beyajjüabiaba piaja banunüitsabeya jjüaba najumatabüji paya kuijinae pé-bitsójinaenü kuenia, nejjata pá waetabianame, itsa itsa baja rá ponü nuka Dioso piaja atar jawata, petüpaenejja baja rá ponü. ¹⁵ Ponü bena pajja pena ata baja rá ponü raja pabeyajjüa bianame. ¹⁶ Ponü matáyatsia vaitabiana kue jiwitonü kanajitsiana pajiwi na matajünainatsi kobena na matajjü kajjitaja bianatsi, baja rá pa ponü jiwi matayabi be pabeyajjua bame. ¹⁷ Ponü itatüpajunitsiana pajja pona yajawa be pabeyajjüabame. ¹⁸ Itsa pebijiwi nabia itsa itsano tsakibiaba itsanü ibotota pakobetanuu, itsa baja ra ponü apotüpae tsane, bokaenubitso piaja camata. ¹⁹ Nejjata baja rá ponü itsajume tsane kuene keüjipaenatsi pa nukaponae nejja piaja naebo kobena ponü konibiaba bé mátamota petó najjüábijawatsi pamatakabi, baja rá ponü be matamota dajjita pejúméyabara betsi jane baja rá pa pebi, baja rá papebi aponanekonitsi be beyajjuabijawa. ²⁰ Itsa pebi konitajjuabiana piaja pianinü piaja piuniwa ata naebota itsa piaja pianinü tüpaena pekonibiabi jawatatsi nejjata baja rá papebi baja rá ponü pana nekonotsi ejjanaename. ²¹ Beitsi jane, itsa petó jayábintsi ponapona kae matkabi aniaja matakabije, baja rá ponü apo naneko nitsitsane, tsipaji raja baja rá ponü bitsó nabijiobitsiana petó najjuabi jjuetsi piaja pianinü. ²² Itsa pebijiwi nabia itsa bijia poeta petirriwa peyakotajinaewa itsa baja rá powa wekuajopatsi, beitsi jane itsa kuenia bitsi baja rá powáta, nejjata baja rá papebi pejana, tabükuijirrütsane kuene keujipatsi jjanewaitsia kueneia bematámota, bematamoto pakuenia piaja jawa pejjeinaenü to keüjitatsi, nejjata baja rá ponü be matamota pekuenia tonajume jeititsi juecewi. ²³ Beitsijane itsa bijiopeita bitso, nejjata beitüpame ne beya jjüábijjae, ²⁴ Itsa itajjuto bijianatsi, juya paita jjütobi jianuename, itsa wonobijianatsi, juya pawonobijianame, itsa tajjübijionaename, juya patajjü bijionaename, ²⁵ itsa tajuita isotota, juyo patajuitsiana isotota, itsa wujinü ejjanatsi, juya pawajunü ejjanaename itsa paka bijiopüta, juya pabijia peirre. ²⁶ Itsa pebi itajjüto bijiopüta piaja pianinü piaja pianinü ata pa itajjüto bijiánaename, nejjata baja ra ponü be kopta piaja pianinü pepitsapaenejja pitujjuto yabará. ²⁷ Itsa wono jútsianame nija piuninü nija pianiwa ata baja rá ponü be tó kopata pepitsupaenejja piaja pianinü amoneya pewonoto yabara. ²⁸ Buey pemataetota itsa kakuatatsi pebi petiriwa ata itsa ya tüpaena, baja ra pa buey pa tsekonuename ibotonüta, pewi putsa pa jjáneme; putsa pana nekotsia ejjaname buey pejjeinaenü. ²⁹ Baitsijane itsa buey yaputane pekakuetsinü pemata itota pewajinaya, pejjeinaenü jumeitsitsi itsiata apoyá jjatanutsi, baja rá pa buey peyajjuaba pebi piatirnü ata bé yajawa beyajjüabame. , ³⁰ Itsiata itsa matamota pebeya jjuabi yaniwatsi, baja rá ponü matomotsiana pakuenia to kanajitatsi pematamotsinejja. ³¹ Itsa pabueya kakuata pejjünato pejjunagoyó ata baja rá pa pebi, pejjeinanü baja rá pa buey be itsi pakuen ia pa liweisi to kanapitatsi pe matamotsinejja. ³² Itsa baja rá buey kakuata pianiwa ata, baja rá ponü pejjeinaenü baja rá pa buey be matamota palata treinta (30) ponübeje, nejjata baja rá pa bueya pa tsakonaename ibotonüta. ³³ Itsa pebi mütü eta pebi kuena nejjata apo akatsa tsane, itsa buey asno ata jópáreka baja rá pa mütsiareka. ³⁴ Pejjeinaenü be matámota penajjuabi yabará. Baja rá ponü be rajuta palata dajúbi pejjeineijanü pe tü paenü, baja rá pa ajubi petüpaenü jjámü niaja nütsane ³⁵ Itsa pebi piaja buey to kakua tsiana itsa bebi piaja buey nejjata tüpaena, nejjata baja rá pamonae be kanájeta baja rá pa buey piaseünü natsi kobetsanu buey petüpaenü. ³⁶ Itsiata yapütaeata pekakuatsijawa yapütaeata pewajinaya apo yakaira natanutsi, ponü be matámota buey baja rá pitsinü buey, nejjata baja rá pa dajubi petü paenü najjeinayabiana jjanü nejja.