¹ Dioso pekuikuijawata dajjita mapali liwaisi: ² "Jjane ra pinija Dioso tujjanenünü, ponü paka wekua jjuta Egipto irrawerena. Itsajoto pikaniamo neya suekaya pabo amanejaitsa pató nakuenaba wanapame. ³ Apo bé jjeinaemü itsa Dioso jjanü wekua. ⁴ Pajjamü raja apo bepaitsimü jjamü nejja pejuno pe kutaenü pesibinunü apo pejüpaenü itsiata atjibuyó itobojjótatasia, jjuü jjeina irrabüjjüpananü, jjüa menebüjjüpana. ⁵ Pujjumüputsa putsa pató nubenamé pane mata baka büta baja ra pejuma pe katae nüanü jawabelia, tsipaji ra jjanü panija tu jjanenünu Dioso, jjanüraja Diosonünü ta kuene übünü, jjanü raja tomara nekotsi ejjanaunü pebisiakuene pane wajünai pijiwi kapona pena nekonitsikuene paniaja virianejja akueyabi yajawa penayantsi wunamato pamonaeni itoya. ⁶ Beitsijane jjanü tomakuene itaujitsünü tanaliweisi kopatsijawa ayeibitsaüto jjanü jawawerena nejitsipa yajawa jjanewaeta tájumeliweisi. ⁷ Pajjamü apobépa jjeinaemü ta wunü, pa niaja tu jjanenünü Dioso, jemá soya, tsipaji raja jjanü apo kopatsinütsane nane konitsia ejjanaenejawa nü itsa nüata tane wunü kuakuaijei jemüsaya . ⁸ Panajanatabu napitabiabianame penakuere ewetsi matakabi, yajawa patsarre jjanü nejja. ⁹ Pana kuenababianame sies (6) pumatakabije. ¹⁰ Beigtsi jané séptimo matakubita tana kuere ewetsi matakabi. Panija Dioso tujjanenünü baja rá pamatakabi apo benakuenabimü itsa kuene jawayó, jjamü nejjünato, nejjünatoyo, nija pianinü nija pianiwa, nija baká itsa nukuu pijini ata pena ponaponaenü nija bota. ¹¹ Tsipaji seis (6) matakabita jjanü panija tujjanenünü, itsinü itabojjo, irra, yajawa manuumene dajjtia weretajü dajjita jjua panekuene taneme, nejjata nakuere ewetajü séptimo matakabita.Baja rá jjuatajjunü paniaja tújjane nünü bendiciabajü pena kuere ewetsi matakabita, tsatajü jjanü nejja. ¹² Yeiyataima ajja yajawa ena, pujjanü nejjata pajino nopaenejja bajaya jebi irrata jota jjunü, paniaja Dioso tújjanenü, pakaratatsi. ¹³ Pajjamü pütsa pa beya jjuubame jiwitonü. ¹⁴ pajjamü apobe pa.ejjanaemü pitsi siukuene pane witota. ¹⁵ Pajamü putsa pató nakobeta jjatame itsa jiwiyo ata. ¹⁶ Pajjamü apóbe pabarrá kuekuejeimu itsanü wekua. ¹⁷ Pajjamü pütsa pató itajjutua jiname itsanü piaja bo pijiwa; pajjamü putsa pató itajju tuajina-name itsanü piajawa ata, piaja pienünü pebi piujupieniwa petirriwa piaja bueyi, piaja burro, itsa kuene jawata pejjeinejawa itasnü. ¹⁸ Dajjita jiwi tane emajjéneto yajawa yumajjü, yajawa jumetane trompeta beobi jumé, yajawa tane pemata tsijjü pitsapaejawa petsuto juma tatsia.Itsajiwi tame, baja ra pamo nekonejojei nejjata tajü nubena. ¹⁹ Nejjata baja ra pamonae jumaitsi Moisés jawabelia paneto kuekuejemurre pajjánü jawaberrena, nejja ta panamujjünae ewetsianame , putsa kopatame Dioso pa tanetó kuekuejawa, pajjanüraja patüpajitsipaja. ²⁰ Moisés jumaitsi jiwi jawabelia, "putsa pejunu wame, tsipajirá Dioso rena papeka jamatukuene üjü binejja peyeyetaejawatsi baja ra ponü paka jajawatsia pajjamuta, nejjata pajjamü putsa pa itsimü pebisia kuene. ²¹ Nejjata jiwi tajú núbena, Moisés imojoyota itakirribajjaneeto, itsa jota Dioso ponapona. ²² Peú jjanenü jumaitsi Moisés jawabelia, marra pakuenia jumeitsi mutsane Israel monae jawabelia pajamu rabaja putaneme jjunü ta kuekuejawa pajjanünejjja itijubü wétsika. ²³ Pajjamü apo paitsimutsane pajjamünejja itsa diosowi tumujjuneneta, diosowi oro nuunü, yajawa diosowi palata nuunü. ^{25 24} Pajjamü bépa itsimu kae atsa altar jjanü nejja pajjamü patajuitsianame panija ofrenda altar jawata ofrenda pena yanasi kuene, ovaje yajawa bueyawi, kaetajjunae jawata itsa jota jjanü tawunü pena yeyitae nejja. Jjane renanü tsane ujjamu jawabelia. Itsa panetó itsimü tsane altar iboto, apo pekaubi , apo bé kunakuenabimu penekaukubi ibotonü, itsa pajjamü puitsimutsane panekona kuenabijawanü bajja ra jjuanü pa abéje ejjanaemonae. ²⁶ Pajjam apo bipajúnaemu pajjuna ponáenima taja altar ju mubetsia, tsipajira itsa pajunajitsi pame paka uratai jitsipatsi.