¹ Akeyabi pajjuametobeje pipipakuijinae Israel tomarra pijivi Egipto tomarra vekua, bajarrá pamutakabi ponanarrena Sinaí petasoto nakua javaverrenu. ² Pitsapa Refidín ponarrena Sinaí piaja petusatojavábelia, patu obapa petusato javata uno itabarrata. ³ Moisés lia Dioso javabeliá. Petújjanenu junutatsi unojavarrena yajava jumeitsitsi: Jumetsimutsane Jacobmajabo pijivi, israel tomarrapijivi: ⁴ Paumene jjanü jjuanü itsinü Egipciasmonaejavabelia, pakuenia pekorelebü jjüpanü pakakakaponatsi yajava pakakarenatsi jjanü javaberrena. ⁵ Ajenu ruju, itsa panejamekovanutsianume pajumetaenume taju jumelivaisi yajava pajjanevaitsianame taneja, meliveisikapanepaejume, nejjatü pajataja jivimütsane pataka asivavitsane tomarrapijivivekua. Tsipajji raja jjanu írra dajjita tájava. ⁶ Pajjamü pakae reinümatisan yajava santo nakuá jjanü nejja, bajarrama pajumeliveisi jumeitsimúre Israel tomarrajavabelia. ⁷ Nejjata Moisés junata ancianotomarra pijivi, tsiteujüta dajjita pajumé petujjunenü pitorón keniatsi: ⁸ Dajjita tomarra nújua jumepita jumeitsi: paitsunü tsane dajjita jjuanü petújjanenü jumaitsi! nejjata Moisés kaewüa petujjanenü javabelia jumeliveisi paeba pija tomarrapijivi petujjanenuta. ⁹ Petújjamenü jumaitsi Moisés juvabelia jjunü raja ponanajü jjamu javabelia. Peayeipajubo tuatuajavata peku jumetuenejja bujarrapa tomarra pijivi itsa kabarri huehuejei yajava peka jumekovünütsinejja dajita matakabi javabelia nejju. Nejjata Moisés jumaitsi pejumelivaisi petújjanenü javabelia. ¹⁰ petújjanenü jumaitsi Moisés javabelia pónarretomu rabelia. Ajena jajava merravia, tsanuenamerraja jjanü nejja, yajava kiatsi ejjanaemane piaja ése. ¹¹ Najjane vaitabenaena akueyabi pamatakabita nejja tsipaji akueyabi pamatakabita jjanü petujjanenunü tunárrekajü Sinaí ünuaberreka. ¹² Nabienameraja penaya kairantsiva uno matotoyorro tsia jivinejja. jumaitsimirre bajarrapamonae jacabelia: ¡Jjaniajane putsa pa imojjoyotame bajarrapa uno p"utsa pamujjunene jayatame pajiviyo jayatsiana bajarrapa uno pepakuene tüpaena! ¹³ Kaejiyoata apobejayatsi bajarrapa jivitonü. Baitsijanebe tupa petsekonae kuenia ibótonüta payenetu tsipere ato dajübi tsipae jivitonüata tsipae betupa itsa najumetsiana beóbijava pejumeitsi kuenia bajarrapamonae na imojjoyóbiana anujjanetó tabújavata. ¹⁴ Nejjata Moisés naviata uno javaverrena tomarra javabelia, tsata tomarra piaja tujjanenünejja yajava kiata piaja ese. ¹⁵ "Bajarraponü jumaitsi tomarrapijivi javabeli: pana jjanavaitsianame akueyabi pámotakabikujjinae, putsa pa barü mejitane paniaja vujivi" ¹⁶ Akueyabi pamatabijekuinae, itsabaja bajayakanua bajarrajota junujunujei yajava yamajjüyajava pitayei iturrürrübo ukata bajarrapa unojjaneto, nejjata, bajarra pujume jjaneto pé obi jumé. Dajjita bajarra bajarrapatomarrapi piaja tajjunuebona jieba. ¹⁷ Moisés kaponu tomarrapijivi wuayafuabelia piaja lajjünaebo vekua penamatajjünaenejja Dioso, nubena Otsopa uno jjaneto tabüjavata. ¹⁸ Bajarra pa uno Sinaí wunüka dajjita ütsijjü tsipaji petú jjanenü runeika bajarrajota isótata yajava ütsijjü. Bajarrapa ütsijjü júnayu beisoto petsijjüyajava dajjita uno janeto najieba piyeikuenia. ¹⁹ Itsa peobijava ayeijume, Moisés jumaitsi, nejjata DIOSO jame kana viatatsi pejumetue kuenia. ²⁰ Petú jjanenu junaya Sinaí unujumabetsia yajava junatatsi Moisés bajarrapa jumabetsia, nejjatu junayuMoisés. ²¹ Petu jjanenü jumaitsi Moisés javabelia Runaremeka yajava tsipaebarre tomarrapijivi tane Imojjoyó tsiyani va tane taenejja, tsipaji ayeibitsanto tüpaena. ²² Kopare sacerdotevi yajava ne Imojjóyotsiana jjanü javáberrena penü tsanaeneja, najjanevaetsianata putsinejja nejjata bajarra pakuenia jjanü patuka beyaniva. ²³ Moisés jumeitsi piaju tujjanenü: Bajarrapatoma rrupijivi apokuene keüjipaitsi peka imojjóyotsi nejja bajarra pa ünujjaneto javabelia, tsiapaji itórrobame to kaüjibarre unü matatoyorrotsia yajova to tsane petú jjanenünejja. ²⁴ Petu jjanenü jumaitsi: "Ponare, runarremeka unu vekua, yajava ponaename Aarón, putsa paponame pajume jumei tsinü pane pane ponaenejjrrena jjanu javáberrena, paka beyojebitsipatsi." ²⁵ Bajarrapitsi jjae runareka bajarra tomarrapijivi javabelia to kueikuijei.