¹ Nejjata Moisés yajawa tomarra Israel piiwi najjiana ma pawajije piaja tujjjanenü. Baja rá pamonae najjia na: "Jjanü tonajjianajü taja tujjanenümi, tsipaji bajá ita ponü amonajaba ayeikuenia, caballónü pe jumae naivi baja rá ponü bijjanalia manuameja jawalia. ² Taja tujanenü raja taseü taja waji, baja rá ponü mna ejjana tane kapanepaenü. Ma ponü raja taj Dioso, jjanü adorabianajü baja rá ponü, tajja piaja Dioso, jjanü wunü yeiyétaenujü. ³ Petújjanenü raja penabenü; petujjanenü raja pewunü. ⁴ Baja rá ponü bijjá bajaraba carruanü piaja wajabitseüwi Faraón manua mejawalia piaja oficial wi pita petsiwi Faraón nejjata bubuna cañas munuamene jawata. ⁵ Mera mata akábatsi, baja rá pamonae rununeka mene bü jjüpanareku iboto kuene. ⁶ Jjamü nekobé kuejenenia taja tujjanenumü tsipaji pejjania ayei jamatabü kuenenümü, nakobé kuejenenia, taja tujjenenümü, werebiabame takueyawi. ⁷ Nija ayei jamatabü kueneta amóneyabame pamonae kawekua nali waisitane jjamü wekua. Itorobame neujae panaekuene, weriapame be bujjü. ⁸ Nepumu jumalita mera nakaetuata; pena watsi mera apo nawatsi manua mene jamtabü ü tsutota. ⁹ Pekueyawi jumaitsi: "Jjanü pü bara jinaenajü, jjane namatajjünaenajü, tsanaenajü ta wekua notsijawa; ta jitsipaekuene nejjania tabukuene jjane panaya bara pamonaeta; dibujabianajjü taja espada; takobe werebiabiana." ¹⁰ Baisi jané jjanü ü fünabé nija jowibota, manuamene mata akat; nejjata baja rá pamonae bubúna be plomo peayeimarata. ¹¹ ¿Jipatsú bé jjmü taja tu jjanenü mü itsa Diosowi wekua? ¿Jipatsá bé jjamü, pinijiyamü itnekonijibinü, pekayeitaenü, pejjania kuene ne ejjanaenü? ¹² Jjamü namata jjüname nekobe kuejenenia, ira kue jane. ¹³ Nenajume liweisi kupanepana jawata matakaponame pa tomara pijiwi nekapanepaiwi. Neseüta matakapone me pejjania santo jawata itsu jota ponaponame. ¹⁴ Baja rá pa tomara pijiwi jumetaina, yajawa baja ra pomonae nekone kojeitsane, junawibo keüjipaenatsi Filistea monae peji nonopaewi. ¹⁵ Nejjanata pene makaitórobiwi Edom junaviana; Moab piaja wajabitsüwi neko nekojeitsane; dajjita pejinini paewi Canaán pijiwi na tsanaena. ¹⁶ Junawibo keüjipaitsi ayeikuenia baja ra pamonae tsane. Nija pinijijümatabü kuene nekobeta, baja ra pamonae naviábiana kaekuwütu be iboto itsa nija tomara pijivo pónaelia, taja tujjanenü itsa nija tamara pijiwi ponaelia nekaponapaewi. ¹⁷ Jjamü karena namütsane yajawa ubianame nejjinae únuta, baja rá jota taja tajjanenü, jjamü itsimü pejjino nopoene jjabajara jota, nijabó, pata tujjanenümi nekobé pena kuenutsijiwa. ¹⁸ Baja rá ponü pe tú jjenenü reinabiana dajjita matakabineja. ¹⁹ Tsipaji Faraón piaja carruanü pona caballo yajawa pejumajinaewi manuu me jawaliu baja rá ponü petújjanenü itóroba kae wuu mera manuame baja ra pamonae wekua. Itsiata Israel monae petajjuta ponalia petswi irralia manuamene tutúajialia. ²⁰ Miriam profetisawü, peya pijiva, pita kae tamburinajawa yajawa dajjita petiriavi kapona tamburina jawanü najuá yawajiba baja ra pona yajawa. ²¹ Múiriam tonü jjiana: "Pona jjiánare petújjanenü, tsipaji baja rá ponü pejjania kuene ejjana. Piaja caballonü yajawa ppejuma jinaevi baja ra ponü bijjunalia manuamene jawalia." ²² Nejjata Moisés matakapona Israel monae pewajinaya Cañas manumene kuijinae. Baja rá pamonae pona Shur piaja petu sato jáwa. Baja rá pamonae najetarubena a kueyabi pa matakabi beje tutujua petusato jawa apo namatajjünae merra. ²³ Baja rá jjüa kuijina pata Mara jawata, itsiata apo keujipaetsi mera pe apo nejja baja ra jota tsipaji merra atsája. Nejjata baja ra jota wunü ruba Mara. ²⁴ Nejjata baja ra pamonae baráunaepona Moisés yabará jumeitsi: "¿Denejjata jjüa pajapaenujü ?" ²⁵ Moisés wajuta piaja tújjanenuta, piaja tujjanenü tsiteüjütatsi kae naejawanae. Moisés jjualia baja ra pamera jawalia, baja ra jjüu kuejinae bajarapa mera jjaikeya ejjana pe apaenejja, baja ra jota raja petu jjanenü rajúta baja ra ponü jumatabü kuene ujüba. ²⁶ Baja rá ponü jumeitsi: "Itsa pajjamü pa etsianu yapaateya panija tujja nenü Dioso pe jume pa itsimütsane pejjaneponue kuene pitabünejawa, pajjamünuja panamujünae ewetsianame jjüu pa itoróba yajawa pa jumekowunütsianame tajjita piaja liwaisi, jjunü apó itórobinü tsane kuebitaneyoata jjanü tsijuuabajú egipcios pijiwi tsipaji raja janü petújjanenunü paka jumeyabatsi pu jjanenü." ²⁷ Nejjata bajrapa tomara pijiwi ponarna Elim, jawaberena, itsa jota doce (12) panaja tóbeje yajawa setenta (70) pa pona mabotobeje. Baja ra pammonae jinonupa baja ra jota imojjoyó jawata mora.