¹ Dioso barrü naliwaisata Moises má-jumaitsij, ² "Jumaítsi mürre Isarael jiwi jawabelia pematá wakwtsi nejja nejjata nubena otopaena pátsinejewa pihairot jawábelia, imgjoyo Migdol mar pijineniá werrenaje bé tuatujuta pátsi néjewa Baal Zefón. papatsiáname pajjamü abajjü mar itapá welia papekayá karranatsi merra itapá jawata pihairot welia. ³ Faraón siwá jamatabü jumaitsi tsane Israelita jiwi yábarra, bajarra pamonae najjuaba wanapa baja pá irrárreka. Bajarrá pá-tajeto írra yá karranatatsi. ⁴ Jjanü pejamatabü üküto atajaya ejjanáe najü Faraón, nejjata baja rá ponü kaba rá ponaena. Jjanü nayai tae ejjanaenajü apo tane natsi yeitaejjae Faraón pijimeniá dajjita piaja wajabitsaü ata. Nejjata Egipciowi neyapütae jitsia takapanepae Kuene janü DIOSONÜNÜ" Baja rá pakuenia abajjü nubena otopa Israelitawi pakuenía paitsimü tsane pejai kuijinatsi. ⁵ Pakuijinae jumaitsitsi Rey Egipto pijinü baja ra makajena pewá rapaewi ponáje. Jaitsi, Faraón jamatabü liwaisi pünü yorro tatsi. Piajiwi barrá jamatabü natsi paebatsi. Baja ra pomonae jumaitsitsi "dejjuajitsia pükopatatsi Israél jiwi waja nakató nakaueneba biabiwi wajjaitsi? ⁶ Nejjata géjai Farón tsijja niawaeta piaja karrojji caballota perrobobó kaemonü baja ea ponü piaja wajabitsaü yajawa. ⁷ Kapóna 600 pamóbeje pitapetsi monü dajjitav moyóbeja Egipto pejjaináe moyobeje Kaemó ata ápo nakopatsi, wajabitsáü káemo kána kuijitsia kapóna. ⁸ Diosonü najamatbü saütsia ejjana faraón, reinü Egiptota, rey barrápona Israél jiwi. Pepuá panepae baja. ⁹ Itsiata Egipto pijiwi barrápona, piaja caballuta barrápona tsika pona karranü pekana wiabi nejja, pebijiwí saikaya piaja caballuta póna. Baja rá pamona pü namatá jjüna Israelitawi penubena otopaewi mar itapata pejjaneneyó jawárreka pihairot itsa mujjunene jawa werrena Baal Zefón. ¹⁰ Pakuijínáe Faraón imojjoyata, Israélwi nawüyo barrüküpa atübüá betsia yakanawüyo barrüküpa atübüá betsiayákajematatsi. táne pepü kajjnáe jawatsi, nábe najaka ayai kueina Israelitawi wawájai Diosonü jawábelia. ¹¹ Moises jumaitsitsi, " kajená meta Egipto jawata ajibí írranü waja naka mutükae nejja, panejutame tajetabua berrena páta werre werrekae nejja? dejjujitsa pane itsimü, panejukame Egipto wekua?. ¹² Baja kajemá majjuaje apo paka tsipae bitsi Egipto taliaje? paka tsipae batsi, panekoparre jámatejema, patatpó nakuenebi nejja Egipciowi. panetó jjanepanae jitsipa pajjanü patató nakueneba nunúbe nae nejja baja pamonae itsiat jane bitsó ayaí pata werre werrekáejawa bitsó tajetabo juma werreka." ¹³ Moises jumaitsi piajiwi jawábelia. pütsa junawamé. pjamatabü jjaniámüre pataename paka kapane paena Diosonü pakuijirru taename pajjamü ajena. tsipaji baja apo pá taemü tsane matawüjüa Egipcio nüjji ajena pamonae patame. ¹⁴ Diosonü pakayá matamotsiana káejawa saya pajjamü káejawata patame. Diosonü pakayá matamotsiana káejawa saya pajjamü káejawata panube naename. ¹⁵ Nejja Diosonü jumaitsi Moisés jawábelia, "Dejjuajitsia nejja kanuta jjamü, Moisés, abajjuyó nejewa nejunata poname ? Israelitawi itorrabarre namáta jjainaya ejjanare. ¹⁶ Yotukaya kanúkarre nija naebo, ita karropire manuá mene tsat jjuabianame beje najuá neniá beje, Baja rá pakuenia jiwi penikabi nejja petsewi irralia. ¹⁷ Payapütaema jjanü rabaja jamabü jemá ejjanaenajü Egipciowi baja rá pakuenía jamatéjema barrá jonejitsiá lia baja rá pamonae nayai tae ejjanaenajü jumai tsijitsa dajjita kuene pejjanaenü jaijitsia faraón dajjita piaja wajabitsaü nüyobeje, carrojji, pijinenia piajiwi caballuta peponaewi. ¹⁸ Nejjata egipciowi yapü taejitsia Diosonü kuenenü pakuijináe baja yapütae najü jjanü tane yaitae jawa tane jamabü fáfane taejawa Farón, piaja mojji, pebíjíwí caballuta peponaewi". ¹⁹ DIOSONÜ piaja angl, penamata jjaina biábinü Iraelitawi pewajü naya. natijjita juya koto kaewa. pita rürrübo juya nukaika irrabetsika itakaüna natijjita pewajü naya pepünü welia najeta ruka. ²⁰ Pita rürrübo rukaika tutua júatsika tsatatsi beje Egipciowi tó kirrijatsi juya tó itayotsi merrawi Israelwi nejja. Baja rá pakuenia kaenina nejjat apo natáe ejjanaetsi beje sajjita merrawi. ²¹ Baja rajané Moisés siwa namajju yota manuá méne. DIOSONÜ kaewüalía kanawiatsi ejjana manua méne ayai jowibo jjanetota pemuto wtsina dajjita merrawi na upi kajjina baja manua mene irra petsewi na upi kajjina baja manua mene irra petsewi jawalia. pakuenia pajume táneme baja ra itsi merra mawekua natsata beje. ²² Israelitawi pónalia manuá mene nikába pé-irra beje baja rá pamonae nejja pekajuá nenia petsaweno nenia pijinenia. ²³ Egipciwi apo barrá jjuabitsi. Panepalipá pepüta ata tuatuju jawátalia, dajjita caballoyobeje Faraón piajawa, carroyabeje, pebi jiwi caballuta. ²⁴ Baitsi jané naniá naeta pakuijinae bajaya kanua tsina, DIOSONÜ tane wajabitsaü Egipciowi pitsa parrena baja pekirri jai itarrürrübo peyena jai, jawá berrena, Diosonü nekoneko jai ejjana pekajunawi Egipciowi. ²⁵ Piaja carrojji tó tajju jjata pajúna junuatsi jumaitsi "jimá baja panekorre pana wiabeka jitsianü Israeliwi wekua, tsipaji DIOSONÜ piajiwi yamatámota pá werre werrekae najü" ²⁶ DIOSONÜ jumaitsi Moiseta, " siwa namajjü yorre manuá méme merra baja pekowü kuenia nakopa tijitsía bubú naejitsía Egipciowo, piaja karrojji, piaja pebijiwi caballota peponaewi". ²⁷ Baja rá itsi Moisés nakobe yotsia itarropita manua mene, pekowü kuenia nakopata pakuijinae bajaya kanua tsina. Egipciowi nawiabe kajita merra yakarranatsi DIOSONÜ torrobalía tutuyá belia. ²⁸ Merra baja namatá yupalia merra matá jjuaba faraón piaja carruanü, pebijiwi caballuta peponaewi, dajjita piaja wajabitsaü pebarrü ponae nüyóbeje carroyobeje pikaewa manua yabelia. Kaenü ata apo panepae. ²⁹ Itsia baitsi jané, Israelitawi tsiteka nubena pona petsewi jawá manua tutujawá. Merra pitapá janito baja rá pamonaenejja pekajuá nenia petsaweno niá ata. ³⁰ Baja rá pakuenía kapanepa DIOSONÜ Israeliwi baja rá pamata kabitalia peisi welia Egipciowi, tane Israélwi pekoto sana narrube naejawa Egipciowi manua itapá jawá rubena. ³¹ Pakujinae Israeliwi táne DIOSONÜ pesaü nakui jirru itajüta Egipciowi jawábelia, pebarrü ponae jiwi matapanía yaitane DIOSONÜ nejjata baja rá pomanae jume kowunüta DIOSONÜ pijinenía Moisés ata aisonü piaja pianinü.