¹ Dioso Moisés jawabelia jumaitsi: ² "Tsanare matapijiwi Israel monae pejji, jiwi pijinenia pekobe kowü pewitsatsiwi penae jjanaewi kopiya tájawa tsipaji. ³ Moisés jumaitsi piajiwi: "pánajamatabü-ná pirre pá-matakabi ppitsapamé Egipto wekua, papeka kentsia itorroba jejébiwimü, pekobeta asaü kuenia Diosonü paka juta. Ápo pajjaemü baja tsane piajátu perrianü. ⁴ Pajjamü pawekua pitsapáename Egipto wekua pá-matakabita, Abib piaja juámetota. ⁵ Pakujinae Diosonü pakabarrü ponaena Cananeos monae piaja irrábelia, Hititawi, Amorreoswi, Heveoswi Jebuseo monae jawabelia, perrajutsi írra pá-nija monaemi apoyá imüjjü itojorrobi jjae paka rajutsianatsi pajjamü pejjania irra panewitsatsi nüjjü pamí letsi apaename pá-ubianame basué pejjai káe benonü pajukaename, nejjata jjaniawaetsia táename má-jjuaje páne itsi jawaje pajuameto taje. ⁶ Siete (7) pamatakabi beje jjaepónaeme ü malisika pérriyo; pewerre werrekae séptiimo (7) matakabita barruyá táe nejjanáename Diosonü nejja ⁷ Wü nejjae pónaponae nejja malisika perriyo pekaüjütsi siete (7) matakabi beje, apo pataemü tsane abajjü mulujui perri pajjamü jawata. Abajjü pütsa panamitsa menia rúbame mulujui pajjamü jota pajina wanapame. ⁸ Baja pamakabita tsipae bianame nejji: jjuabeje itsi jjanüta pakuijinae pitsapajü Egipto wekua. ⁹ Má-jjuaje nenajamatabü-na pita biábinejja katsikobe ruta nitapa taitota itsajawa nenajamatabü-na pita biabinejja. Má-jjuaje peka itaweta biábi jawa Diosonü netsipáeba biabi nejja kae matakabi kanakuijitsia tsipaji asüta Diosonü kajüta Egipto wekua. ¹⁰ Dé-pakuenia maje eveta ponaponaename peka itawetsi jawa ata pewerre werrekáejawa pekató kaüjutsi jawa, kae wai kanakuijitsia. ¹¹ Ata ü peka pünajjuabi jawabelia Cananeo monae piaja irrábelia, pakuenia tó najúme kapanepa jjamüta pakuenia pijinenia nijamonaemi pakuíjinae pakató kanawia tsiana panija irra. ¹² Pana kojji tsatsianame matapijinü pijinenia pejjitoyo pane kobe kawünüyo ponüyo bá-naejjana namata jjainaya pebitojji Diosonü piajanüjji tsane. ¹³ Dajjita burruji comuakáename ponüy ba naitaüjuta namatajjainaya canüyo ovejayo yajawa tsaponae tsane, apo itsa comuatsimü tsane nekanawiatsi nejja, nejjata najjuabianame jjamü. káejiwi kanakuijitsia nejji kanakuijitsia komuakae ejjaname pekanawiatsi. ¹⁴ Pakuijinae nejji ka-yanijiobiana katsia: "¿Dejjua ma juitsiji tsiaje?" jumaitsimü tsane: "asaüyata kajuta Egipto werrena, peka kentsia itórroba biabiwi jawa werrena. ¹⁵ Pakuijinae Faraón anaepana papekapü kopatsi yeniwa, Diosonü werrebiaba dajjita matapijiwi Egipto, jiwi pekobekowü nüjji ata pejji. Baja ra jjuajitsia jjanü tó sebajü pebitojji Diosonü nejja, tsipaji baja rá jjuajitsia jjanü komuakajü tajji tató kanawiabi nejja. ¹⁶ Katsi kobe kopatsianatsi nenajamatabü napita biabijitsiamü nítapá tjaitota nenayá pütaenejja, tsipaji kajena naka juta asaüta Egipto werrena. ¹⁷ Pakujinae jané baja kopata jiwi peponae nejja, Diosonü kapona namüto jawá Filisteos monae piaja irrália, pikani baja rá pá-irra tajü apowekua jinawánapae, tsipaji Diosonü jamatabü jumaitsi: Belia nawia bé-kaejitsipa pakuijinae yajiwünü werre werréka najetarrubena penawiabi yéniwa Egipto jawabelia." ¹⁸ Baja jjuajitsia Diosonü kanajetarruka unü piajibi jawália pejjaíkae merra jawábelia. Israelita monaebaja wekua póna Egipto irrawekua bé péna-wajabitsaütsiwi pakuenia bá tsimajjü póna. ¹⁹ Moisés kapona José petaipa sitoyo, tsipaji José jumaitsi ejjana Diosonü jawabelia pakuijinae jumaitsi: "Diosonü pánekapane paename, jumaitsi yajawa itsa tüpaenajü tasitoyó ata pá-kaponae name." ²⁰ Israelita mona warrapa Sucot jawabelia patta Etam jawata apo waja kopia tájetabo jota upi werre werreka. ²¹ Diosonü natajjai nánuka póna matakabita malí itarrürrübota jjoya najetarrüka baja rá jjoya najetarrubena. Merrawi peyéne jaí tsarru kaetsika pena yájiwi taenejja. Tsipaji baja pakuenia káejawa apo nubena otopae najetarrubena matakabi jebi pijinenia merrawi jebi. ²² Dioso apo wekua tijjitsi tsiteka najetarruka baja pá-itarrürrübo matakabita peyéne jaijawa apo ajibi tsojopae merrawi ata.