¹ Baja rá pamonae Israel tomara pijwi narápabá Elim wekua yajawa dajjita baja ra pa tomara pijiwi Israelita monae pepatisnejja Sin, petúsa to nakua jawata, baja rá patusato boka Elim yajawa Sinaí, tsutobeje tuata jüta, bajarapa decimoquinto (15) matakabi anija juametobeje kuijinae pe pitsapaekuijuinae Egipto pija ira wekua. ² Dajjita tomara pijiwi Israel monae barü anaipana Moisés yajawa Aarón petusato nakua jawata. ³ Israel monae jumeitsitsi baja ra ponü jawabelia: "kajena tsuenu Dioso pekobeta pa tjüpaejipajü Egipto ira talia. Itsa pa patota pna jua enabiaba jü pewiwajjü mujjüneneta pajaibiabajü pan patopene jawabelia. Beiitsi jane pajjumü pane kaponume petusato nakua jawaberena patatjüpaenejja patajunita pa dajjitanü Israel monae." ⁴ Baja rá jjüa kijinae Dioso jumeitsi Moisés jawabelia: "Jjanü kopatsinu atjübü piji pejjaevajava be emu kuenia pu jjamü nejja. Baja rá pa tomara pitsa paena penotabiabinejja kae matakabi kana kuijitsia jju nü taüjübinejja tainajü itsa jinonopaijitsi pa tali waisita jumémeta. ⁵ Meta be sexto (6) mata kabita, baja rá pamonae natsiana mata to jjunetsia kaematabikana kuijitsia setsiuna penotsijawanü. ⁶ Baja rá jjüa kuijinae Moisés Aarón beje jumeitsi beje dajjita Israel monae jawabelia: "Kaniwiyó payáputae name petújjanenü ponü pakajüta Egipto piaja ira wekua. ⁷ Baja yu kanuu patae name pekuene petújjanenü pinijikuene pe ejjanaenü, baja rá ponü raja pakajümetane pane siwa jamutabu anae punabeje jawa baja ra ponü wekua pajjanü beje raja pijiwi to nanübeje akuenabi pa tsane siwa anaepa najawamübeje. ⁸ Baja rá jjüa kuijinae, Moisés jumaitsi: "Pajja mü payá majjuuje itsa pania tujjanenü itsa pa karujü tsiana pewi kananiwiyó jawa yajawa pan bajaya pane penénejja, tsipaji baja rá ponü paka júmetame pa nesiwa kueikuijawa baja ra ponü wekua. ¿Pajjanübeje raja Moisés, Aarón beje?pajjánübiraja apo pane siwa jamatabü kuene natsipaeba mebeje, pasi najamatabü natsipaeba me raja papnija tújjane nü. ⁹ Nejjata jumeitsi Aarón jawabelia: "Jumeitsimüre dajjita tomara pijiwi Israel monae, paimijoyó bare panija tújjunenü, tsipaji raja baja ra ponü paka jumetane pane siwa jamtabükuene natsi puebijawa. ¹⁰ Itsa abajjü Aarón to kuekui dajjita tómara Israel monae, baja ra pae epatota baja ra pamonae neükolia petusa to nakua jawabelia, tane baja, pekuene piaja tujjanenü penivenivenai kotia tsita naiteüjitatsi pajubota. ¹¹ Baja ra jjüa kuijinae petüjjanenü barikuekuejeitsi Moisés: ¹² "Jumetaniji tane yabara natsi paebajawa anayakuenia Israel tomara pajivi. Tsipaebare jumeitsimürenuu baja rá pamonae jawaabelia: "Kuniwiyó raja pajjuiname pewi yajawa bajáyakanuu pajjinapan pane penénejja. Nejjat a payápütaename jjanüra panija tujjane nü Dioso." ¹³ Nejjata baja itsakaniwiyo patábaja tsakani ayeibitseu to jjanetonü wünüka piaja tajjunae bowa. Baja rá kanua merra wia pitsajawata otjópa dono natüto yorotsia piaja tajjunaeba jawa. ¹⁴ Itsabaja dono pekuewikujinae, baja ra jota nejjata tu baja irajumawereka nakópada pitafaekae panajji betsikiri tsebolotojji iráta. ¹⁵ Itsa Israel monae tane najumeitsi: "¿Detsa ma pitsijawa? baja rá pamonae apoyaputae detsa ma pitsiijawa. Nejjja to Moisés jumeitsi: "Baja rá jjüa nébaja pan, paniju tajja nenü pakarrajuta pane jjuenejja. ¹⁶ Ma rajane naka itóroba wajja tujjanenü naka rájüta: Be panotame kaejiwi kanakuitsia papekakeijüpaekuenia pajjanü panejjaenejje, anija litrobeje kaejiwi kanakuijitsia pajiyo payajawa jinunopame. Baja rá pakuenia: Pané tsianame keüjipaya pane jjuenejja, kaejiwiyo kana kuijitsia poneyawa jinono paewi, panija bota ¹⁷ Baja rá tomara pijwi Israel monae ejjana. Baja rá pamonae yajuno nota pinijawanü, itsamonae nota be pia jawanü. ¹⁸ Itsa kaeüjütapona aniaja litrobeje kuenia, pamonae nota ayeijawanü, apo tóyajuno nakopatsitsi pijiniu pamonae nota be webelia jawana apo to sajinai ata tsi. Kaejiwi notapona pinijija vanü pejjaenejja. ¹⁹ Nejjata Moisés jumaitsi: "kuijiwiata apobeyajunojebi baja ra jjüanü itsamata kabijawabelianejja." ²⁰ Itsia jane, baja rá pa monae apojume kowünütsjui Moisés. Baja rá pa monae yajuno jebabiuba itsamatabijube nejja. Nejjata Moisés barü anapana baja rá pamonae jawabelia. ²¹ Baja rá pamonae bajaya kenua kanakkuijitsia nota biaba, kaejiwi kanakuijitsia notabiaba keiujüpayo pejjuejawa nejja baja rá pa matakabi nejja. Itsa ikotia tsabiabi pepo rá na ejjanabiabia. ²² Nejjata baitisijane sexto (6) pumatakabita baja rá pamonae nota pemata tsinüyo pan anija litro bejekuenia kaijiwi kanakuijitsia. Dajjita pe ewetsiwi tomara putanejetarubena . Nejjata tsipaeba Moisés jawabelia. ²³ Baja rá ponü tsipaeba: "Baja rá pakuenia raejena na katonajume kopata waja tüjjanenü: "Meravia raja pa kuero ewetsi matakabi, pena kuero ewetsimatakabi waja yeujitaenejja waja tujjanenü pane selrinejja pa sébare, jane jorrupa ejanejja pájürapare. Dajjita peyajuno nakópabijawa, patsure seikaya pajjamü nejja me rawianeja. ²⁴ Nejjata jeba seikaya merawia nejja, pakuenia Moisés jumeitsi. Nejjata apo to abejetsi apo oróbenatsi. ²⁵ Nejjata Moisés jumeitsi: "Pajjaima baja ra pa pejuijawa ajena, tsipaji ajena pitapetsimutukabi pena kuera ewetsimatabi waja yeiyitaejawa waja tujjanenü. Ajena pajjumü apo pona mata jjünaemutsane pane notabiabi jawata. ²⁶ Pajjámü pakae tuata bianame seis (6) pa matakabibeje kuenia, beitsi jane pamatakabi penakuena ewetsimatakabi ajibi tsane maná. ²⁷ Nejjata séptimo (7) pamatakabita baja rá pa monae yajune wipitsa pa penótsinejja maná, itsiata jane baja rá pamonae apo kajjitá jurabi. ²⁸ Nejjata petú jjanenü jumaitsi Moisés jawabelia: "Depato jawabelia abajjü putajane jumekowunü tsimütsane pataka itórobi liwaisi pataka itóbijawa? ²⁹ Pataema, panija tujjanenü raja pakarrajuta penekuere ewetsi matakabinejja. Baja rá jüata sexto pa matakabita baja rá (6) ponü paka rajüta pan anija matakabibeje nejja. Kaejiwi kanakuijitsia be pona pona piajabó jawata, apobe pitsapae itsajawabelia peponaenejja baja rá pa séptimo matakabita. ³⁰ Nejjata baja rá pamonae nakuere eweta baja rá pa séptimo matakabita. ³¹ Baja rá pa tomara Israel monae wünüruba baja rá pa pejjaejawa, "maná". Baja rá jjüá raja penio pa nuejawajji be eikantno jjüto jjiwajuto jjanepana nua pakuenia be hojuelas pitsijawa benayujuwa. ³² Baja rá jjüa kuijjinae Moisés jumeitsi: Ma rá jjuaje panija tujjanenü najumekopata: pa jjunewaere nejjata baja rá pa maná kanalitayó pu jjunewaere panija monae nejja panija tomara pijiwi nejja, pane momojji penaetaenejja baja rá pan pakuabátatsi wajafo tusato jawata, pá la kujitisi kuijinae Egipto ira jawa werena." ³³ Jjüa kuijinae Moisés jumeitsi Aarón jawabelia: "Papire kanalitoyo, pa wunüre litro kueni kuemunájawa. Pajjane waitsianame pitabünejawa paniuja tujjanenü pane jjane waitsinejja, waja momujji pena taenejja. ³⁴ Pakuenia pe tu jjanenü itórobatsi Moisés, Aarón jjanewaeta penejume liweisi kapanepaeja wa arca jawata. ³⁵ Baja rá pa tomara pijiwi Israel monae jjuewanapa mana jawa cuarenta (40) paweibeje, pe patsijawabelia itsamonae pejina wanapae jawabelia. Baja rá monae jjaewanapa wü pepatsinejja Canaán irábelia. ³⁶ Ma pijinia kaeyomer raja décima seikaya kaefa jawa.