¹ Ikatsia ma jjüakujinueje, ma ponüje rei Asuero Hamedata pejjunato pinitsikuene jawabelia tijjita ma ponüje Agagueo, inuabaja etatsi autoridad siyata matatojjemetsi oficialwi pamonae baraponüta najiwanapa. ² Dajjitayo reinü piji pianiwi pamonae reinü pijabaupa itapa ya ewetabiabia rei pamonai dajjitamatakabi pemataba kata nübenabiaba ikatsia nabejiobitabiaba pitabünejewa Amán, pakuenia reinü itorobabiatsi pe itsinejja. Baitsijané Mardoqueo pematabakabüta ata apo nükaejitsipae. ³ Nejjata reinü pijapianiwi baupata penübenaewi Mardoqueo jumaitsitsi reinü pijajiwi: ¿Dejjutsia apo jume kowünutsimü jjua reinü peka itorobijawa? ⁴ Bajarapamonae kaematakabi kanakujitsia barükuikuijai bajaraponü, beitsijané apojitsipae pejume kowünütsijawa jjua itorobatsi. Bajara pakuenia anambana kuikuijai Mardoqueo yabara peliwaisi petainejja itsa bajarapakuenia nakopatijitsia, Mardoqueo nüabaja jumaitsi bajaraponü judionü kuene. ⁵ Pa kujinai Amán tané Mardoqueo pematabüta apopenükaija apo peyaiyatoejjaitsi ata nüa bajaraponü Amán nejjata bitsi anaipama. ⁶ Bajaraponü najawatabüjjaina kainü pebeyajjuabinejja kainü Mardoqueo, reinü nejjata pijajiwi petsipaibijjaitsi jjua Mardoqueo pijatomara, na ena rei Asuero Jawata. ⁷ Pemata jjainaijuameto (Nisán jamebaja pijajuameto) doce (12) pawaibeje itsajjaima rei Asuero, Bajará pamonae natsipeneta waü Amán pitabünejewa, pejjaniakuene kaimatakabikanakujitsia juameto yajawatsaponae, doce (12)juametota matapania suerte tsiyajopatsi (Adar pijajuemeto). ⁸ Nejja Amán tsipaeba rei Asuero: "Ena pepokuene tomaranü nakyajatsi nawekua tajayotsarutsi nija irata itsajota rei nümü. Itsa liwaisi jjaina kaitomarra kanakujitsia, apo jume kowünüa rei peliwai, apo jjanepanae. ⁹ Reinü piaja anillo pe sallababiabi jawa pita, jjua bajara ponü wekua pita Amán jawabelia, tsikobe ruta Mardoqueo. Ester, Mardoqueo jawabelia rejuta pe ewetsi nejja Amán piaja jawami. ¹⁰ Nejjata bajaraponü nawekobe jonota anillo jjuata sellababiaba y tsikobe ruta Amán jawabelia pejjünato Hamedata Agaguenü, judiowi pe atejetsibiwitsi. ¹¹ Reinü jumaitsi Amán jawabelia: "Taenajü palata pekato nakanawiatsi jawa nija tomara piajiwi yajawa. JJamü itsimü tsane bajara jjuata ne jitsipae jawa. ¹² Nejjata reinü peto yakinabiabiwitsi junutatsi trece (13) matakabita beje kujinae petajjujuabi juemetota, yakina pejume bajjuto pejumeitsi tsarutsi jawa dajjita pakuenia Amán jumaitsi dajjita pe itorobanübenaewi reinü piaja irajji jawa, pamonae nubena bajara pa irajji jawa, pe itorobanubenaewi dajjita tomaranü y wajabitsaünüanü dajjita tomara jawa, kae tomara kanakujitsia pe yakinaekuenia piaja jumeta. Yakina reinü Asuero pe wünüta yajawa sellaba piaja anillota. ¹³ Pe itorobi liwaisianü kanawiaba pe kaponaewi bajara pa bajjutonü dajjita piaja irajji jawa reinü, pe werebabe nejja, pe beyebi nejja, pe werebiabi nejja judiowi, pewajji y petiriawi ata, kae matakabita- doce (12) pa juemeto jota beje y trece (13) pa matakabita beje jawabelia (Adar juemeto) y piajawanü pe yakajürübi nejja. ¹⁴ Kae iranüjawa kanakujitsia bajara pa liwaisi itoroba pena itsi nejja pe itorobi kuenia. Kae irajawa kanakujitsia dajjita jiwi yapütaya ejjanatsi bajara pa matakabi nejja. ¹⁵ Liwaisi kaponaewi dajjita jawa bitsojinaruta petsananae nejja pa bajjuto reinü itoroba. Bajara pa bajjuto pe itorobi jawa pijinia tsana rei piaja bo Susa jawata. Reinü yajawa Amán najua apayeka beje, baitsi jane Susa tomara apo yapütae jjua kuene yabara bajara pa liwaisi itoroba.