¹ Pakujinae Mardoqueo yapütane dajjita jjuanü itsi, najume ese titina y natsijuma ruta y natsi otjona ipumana. Bajara ponü tomara tutujuta, wawajai ayai jumeta najume bijiobitsiaya. ² Kaenü lia reinü piaja bo baupayabelia, tsipaji kaejiwi apo joneya ejjanatsi pe natsi jumarutsi jiwiyo bajarajjua. ³ Dajjita irajawa tsajjuayo pe najume itorobi jawa kanawiaba, bitso nabijiobita judiowi jota, na jani kopata, nabijiobita y aüaüjai. Pamonaeje natsijuma ruba nubena yajawa natsi otjoka ipumana. ⁴ Pakujinae pejanawajji y piaja pieniwajji Ester bajara powa jawa berena ponarena y jumaitsitsi: Reina jamatabü kuene bijiobi. Bajara powa penajjatabi jawa to itorobalia Mardoqueo nejja (Pe najonotsi nejja pe natsijuma rutsi jawa), baitsi jane bajara ponü apo pitsi.

⁵ Nejjata, Ester junata Hatac jawabelia, piajiwitonü reinü piaja pieninü kuene peto notsinütsi. Bajara powa itoroba pe lia nejja Mardoqueo jawabelia pe yapütae nejja y de jjua yabara bajara jjua najjatata. ⁶ Nejjata Hatac pona Mardoqueo jawabelia tomara tutujuta reinü piaja bo baupata. ⁷ Mardoqueo tsipaeba jjua yabara itsia bajara jjua, pa palata wajüto Amán to buatijitsia pe kaetuatabiabi jawata reinü pe be nejja judiowi jawabelia. ⁸ Pijinia rajuta itsa bajjuto tsajota yakinaruta bajara pa liwaisi pe rajutsi jawa Susa jawata pe werebiabi nejja judiowi. Itsi jjuaje Hatac tsitajütijitsia Ester jawabelia, pe lia ejjanae nejja reinü jawabelia pe wajükae nejja bajara powa yabara, y wajükaejitsia piaja tomara yabara. ⁹ Nejjata Hatac nawialia y jumaitsi Ester jawabelia pe jumaitsi kueniatsi Mardoqueo. ¹⁰ Ester barükuikuijai Hatac pe jumaitsi nejjalia Mardoqueo. ¹¹ Pijinia jumaitsi: "Dajjita piaja pieniwi reinü, pa jiwi ata jinawanapa reinü piaja ira jawa, yapütane itajjutejema jiwi ata pebi o petiriwa itsa junua panabuabelia junutsi nejewatsi, kae liwaisi saya bajara jjua yabara: Pe tüpae nejja- baitsi jane itsa reinü piaja oro naebota nakobe yotsia pe asaü tsanükae nejja. JJanü apo nejunatsilia reinü pa treita (30) pa matakabita jawaliaje." ¹² Nejjata Hatac jumaitsi Ester pe liwaisi Mardoqueo jawabelia. ¹³ Mardoqueo najume itorobalia pa liwaisije: "JJamü akuenebi ne najamatabü jjainae jawa ne ponaponaejjae reinü piaja bo jawata, wekua panepanukaenajü dajjita judiowi jjua pe itsi nejjatsi. ¹⁴ Itsa moyamü tsane pa matakabije, pe jamatabü kuene baüyanejja itsa jawerena pitsapaena pe yawenonae nejjatsi judiowi, baitsi jane jjamü y ajja piaja bo werewerekaena. ¿De ipatsa yapütane itsa jjamü reinawa kuene ka itapeta pe pitsi matakabi nejjaje?" ¹⁵ Nejjata Ester najume itoroba pa liwaisi Mardoqueo nejja. ¹⁶ liamüre kaituare dajjita judiowi pa monae jinowanapo Susa jawata, putsa pajjaneme tajamatabükueneta. putso pajjaneme tajamatabükueneta. putsa pajjaneme putsa pa apame akueyabi mata kebibeje, merewi matakebi yajawa. taja pewüjüawi jjanü yajawa, bayara pakuenia apo pa jjainü tsane. Nejjata jjanü lianü tsane reinü jawabelia, apo jume kowünü tsinü tsane bara pa Ley. itsa jjanü tü painajü, tü painajü. ¹⁷ Mardoqueo nawieta, itsi dajjita jjua Ester jumaitsi pe itsinejja.