¹ Filisteovi Dioso pe ekaejavata tsabiabi to nakobetojjotatsi, Ebenezer javavelia kaponalia Asdod javaabelia. ² Filisteovi pita Dioso pe ekaejavata tsabiabi, Dagon pija bo ünüalia kajunua, Dagon pemujjuneneta yaanuta. ³ Pakujinae Asdot tomara bajaikunua naükota itsamatakabi javaabelia, bajajane, Dagon nenia itapa jopaika ira javaabetsika petuujjanenu pija bo itabaraa velia.Neejjata bajaraa pamonae Dagon pita pekowüta ikatsia nuta. ⁴ Meravi pitsijavata bajaraapamonae ikatsia bajaikunua penaükobi javata, maje ikatsia, Dagon ikatsia piitabara nenia jopa iraabelia Petujjanenü pe eekae bo itabarata. Dagon pematasipa anija kobebeje yajaba irata bokabeje tjababuata,baupata.Kaejaba nakopata Dagon pe eekae javata tsabiabi. ⁵ Bajarajjuatsia,ajena jeebi,Dagon pe to wajukaevi itsajiviyo ata pe jonevi Dagon pija bota,apo tajjuna nonotsi pe jonenejja Dagon jabaabelia Asdod jabatalia. ⁶ Ayaikueneta Petuujjanenu Asdod tomara nanekotsi ajeena. Bajaraponü dajjita bajarapamonae verebiabatsi peerabu bijiana yaajava pjuratoonuta, Asdod javata pija irata ata. ⁷ Ipakujinae Asdod pijajivi taerüküpa jjua ejjana, ,neejjata bajara pamonae jumeitsi :"Dioso pe eekae bota tsabiabi apo be eekae wajjaitsijavata, tsipaji raja naka verebiabijitsipa bajarapakuenia itsi tsipae waja diosonu Dagón javalia". ⁸ Neejjata bajarapamonae filisteovi pemata kanubenaevi junatsi ejjana; bajarapamonae jumaitsi: "Deitsitsanetsi Israel pija Dioso pe eekae tsabiabi javata? bajarapamonae jumepita: "Pakopare israel pija Dioso pe eekae bo Gat javaavelia pe kaponae". Bajarapamonae neejata Israel pija Dioso pe eekae bo kapona. ⁹ Baitsi itsiata Gat itsa palia, Petujjanü pekobe tomarata nuka, namataatsapatsi ejjana. Bajaraaponü bajarapatomara pija peebijivi atane ejjana, pejewajji ata, perujuvi ata; tsipitsapae ejjana tunaltonü. ¹⁰ Neejjata itoroba Dioso pe ekae bota tsabiabi Ecron javaabelia. Baitsi kaajena itsiata aajena Dioso pe ekae bota tsabiabi Ecron javaabelia kajunua, ecronitamonae asaü kuenia jumaitsi: "Bajarajane nakatsikaponarena Dioso pe ekae bota tsabiabi naka verebiaabijitsia." ¹² Bajarapamonae neejjata junatsi ejjana dajjita Filisteovi matakanubenaevi; bajarapamonae jumaitsitsi: "Pajure veliaje Israel pija Dioso pija bo, pakanaviaremelia belia itsajota pa pitame, wajanaverebiabi neejeva wajjaitsi, dajjita waja jivi ata." Ayaikueneta bitso ajunaviyai dajjita bajara pa tomara; Dioso bitso ayaikuenia atane ejjana bajarajota. ¹¹ Pamonae apo tüpae tsipitsapae ejjanatsi tunaltonü, tomara penue jume itabojjoyaabetsia patsia.