¹ Samuel nakueto petuujjanenü to nakueneba ponapona Elí natajjuto kaevetsiaya. Bajaraa pakuenia petuujjanenü apo natsipaeba biabi bajaraa pa natakabi javalia; apo amajitsinae tsabiabi bitso. ² Bajaraa pa natakabi java, pakujina Elí, apo natsiwajünae tae pona baja, tatsiküna pona baja cepo tae baja jjaniavaetsia, pija camata boka. ³ Dioso pija isoto abajjü apo itajjupae, Samuel pe majitsinejja boka ponapona petuujjanenü pija bota itsa joota Dioso pija arca boko. ⁴ Samuel petuujjanenü junatatsi, nejata jumepita: "Nukajú. ⁵ Samuel kujinae ponalia Elí javabelia jumaitsi: "Jota nukajú, ne junatane" Jumaitsi Elí, "Jamü apo kajunatsitsi, naviaremelia bokaename ikatsia." Nejjata Samuel navialia bokajopalia ikatsia. ⁶ Ikatsia petuujjanenü junatatsi: "Samuel." Ikatsia Samuel Elí javaabelia lia jumaitsi: "Jota nukajú, ne junatame." Elí jumepita: "Jjanü apo kajunatsitsi, tajjünato; bokaremelia ikatsia." ⁷ Bajaraa pakujinae Samuel apo yaapütae petuujjanenü kuene, apo jjainae nua petuujjanenü pija livaisi petsitajütsi javatsi petuujjanenü. ⁸ Ikatsia petuujjanenü Samuel junatatsi akueyabi beje kujinae. Pejanakuenia Samuel nonotapana Elí javabelia lia jumaitsi: "jota nukajú, ne junatame. "Nejjata Elí jume yapütane petuujjanenü pejewajjinü junata. ⁹ Bajaraa jjua kujinae Elí jumaitsi Samuel javaabelia: "Liamire bokare ikatsia; itsa kajunatsiana Bajaraa ponü ikatsia pejanakuenia, jjanü jumaitsimü tsane "Kuikuijamüre petuujanenü, peka to nakuenebinü ka jumetaenuka." Nejjata Samuel navialia ikatsia bokajopalia. pijatajjanaeta ikatsia aurajubia. ¹⁰ Petuujjanenü rena naitajütajoparena; pajaroa ponü pakuenia junatabiaba: "Samuel, Samuel." nejjata Samuel nakuenebinü kajametaenuka. ¹¹ Samuel petuujjanenü taema: jaitsi; jjanü raja imojjoyo itsakuene java jamatabü ejjanajú Israel tomara, dajjita maje pejumetaejiviyo nekoneko jaitsame. ¹² Bajaraa pa matakabita ejjanaenajú jjua Elí to ratajú jjua jumaitsinü pija bo yaabara, petajjajjuabia java velia pekopia vereverekae javaalia tsame. ¹³ Jjanü tsipaebajú jjamü raja ta nekoni ejjanaenü dajjita pija bo tsipaji raja bajaraa ponü pebisia kuene livaisi yapütame pikamü tsipaji pejji pe atame livaisi neekonü yakaparena baitsi jane itsiata bajaraa ponü apo itavetsi. ¹⁴ Bajaraa jjua yaabana jjanü najume livaisi rajutajú Elí javaabelia, Peja bo pijaneekoni apo taenü tsane saya tsakiapae ata tsane dajjubi. ¹⁵ Samuel majitanuka peyaa natabi javaliatsi, bajaraa jjua kujina petuujanenü pija bo baupata. Baitsi jane Samuel junava Elí petsipaebi java jjua amajitsinaebota tane. ¹⁶ Bajara jjua kujinae Elí Samuel junata ma jamaitsije: Tajjünato, Samuel." Samuel jame pita: "jota nukajú." ¹⁷ Bajaraa ponü jumaitsi: "¿Dejjua bajaraa Ponü jjamu kabarkuikuijai?" Pejjania kuene ne ejjamare pütsa neto jumematayaatame. Belia Dioso ü jjamiü katsijopaejitsipa bitso rabiji tsipae itsa nevekua natoyatame Livaisi tanetsipaebi neejjami jjua bajaraa ponü ka barü kuekuejai. ¹⁸ Samuel dajjita tsipaeba; bajaraa ponü itsa livaisi apo jame matayatsi. Elí jumaitsi: "Petuujjanenü kajena. Ejjanaejjua tsita jjanepanatsi. ¹⁹ Samuel vitsaba, petuujjanenü yajavaatsi jjua Dioso june livaisi paeba dajjita baja pa livaisi apo jume najjuabi. ²⁰ Dajjita jivi Dan javavelia kujina Beerseba javata pata pe yapütaejava jjua Samuel petuujjanenü Dioso junie livaisi paebünü kuene pe tsatsi javatsi. ²¹ Petuujjaneni Silo javata ikatsia naitajüta, tsipaji silo javata Samuel tsita naitajutatsi, pija livaisi yaabara.