¹ Samuel jumaitsi Saúl javaberia :"Petuujjanenü raja neitoroba taka tsatsi nejja Israel tomara ne matakanukae nejja rey kuenia.Juya jumetaema Petuujjanenü jjua jumaitsi. ² Ma jjuaje wajabütsaü matabokotonütuujjanenü jumaitsi:Jjanü raabaja yapütaniji jjua Amalec ejjana Israeltalia pe yaa namuto karantsi java taja tomara,pakujina Egipto veerena ponarena. ³ Juya riamüreAmalec javaaberia tsekonare to bijianare ayaikuenia dajjita jjua jjaina.Pütsa bijiobitaneme,dajjita beyejebare,pakuenia pebi petiriabi ata,pejewajji penakuetojjiyaajava,buey nianü,ovejaonü,camello burruanü ata. ⁴ Saúl pija jivi kaetuata Telaim tomaratalia namataajüta:Dociento pa mil beje petajjuta pe ponaevi,diez mil pa pebibeje Juda pijivi. ⁵ Nejjata,Saúl Amalec pija tomarabelia paria nejjata pepjoto jjanetotalia wajunae eveta. ⁶ Nejjata Saúl jumaitsi Quenitas javaberia:"Papitsapare,Amalecitas pa vekua pitsapare,pa kata yaajava verebiabi yaniva.Tsipaji jjamü Israel tomara itajjutotsonia taneme,pakujinae bajarapamona Egipto veerena ponarena."bajara pakuenia nejjata Quenitas Amalecitas vekua pitsapa juya. ⁷ Nejjata Saúl Amalecitsmonae tsekona Havila kujina Shur javata kopia ruta,Egipto vekua oriente veria eeka. ⁸ Saúl Agag ya asaüya vaetaba,Amalecitas pija rey;bajaraaponü dajjitajiviyo verebiaba pija espada upita. ⁹ Saúl pijajivi yaajava Agag ya asaüya na too kopata,bajarapüakuenia pe jjanepanae ovejanü,bueyevi,penasitsi vak,korderovi ata.Dajjita jjua jjanepana,apo bijianae.Jjua tsita abejetsi jjua apo jjanepana itsakuene nejja bijiana. ¹⁰ Nejjata Samuel Petuujjanenü pijajume tsijamatabü patatsi,ma jumaitsije: ¹¹ "Jjanü Saúl yaabara bü janü rey ta ejjanaejjae,tsipaji nevekua natsata apo jumekowünütsi jjua to yakinabuatajû."Samuel bitso jamatabü najunaviaka,nuaa bitso Petuujjanenü javaaberia dajjita meravi. ¹² Pepo bajaikunua Samuel naükota Saúl pe kajjitaajarabi nejja matakabi neejava.Samuel jumaitsitsi:"Saúl Carmel javaaberena rena penajumape kataenü nuta,bajarajjua kujinae Gigal javaberena naviareka. ¹³ Nejjata Samuel Saúl javaberena pona,Saúl jumaitsitsi:i Jjamü pejjania kuene Petuujjanenü katane!Jjanü ejjanajû jjua Petuujjanenü netoo yakinabuata. ¹⁴ Samuel jumeitsi:"¿De jjua ma neejjataje oveja ne tsimajju najumetaje,bueymonae ne tsimajju piaba?". ¹⁵ Saúl jume kanaviata:"Bajarapamonae raja Amalecitas veerena kaponarena.Tsipaji bajaraa pa tomara pe jjanepanae ovejanü bueye ata na to nuba Petuujjanenü nija Dioso pe too tsakiapae neejja.Itsamona pepo pa bijianaenü jjaniavaetsia kueneta." ¹⁶ Neejjata Samuel jumaitsi Saúl javaberia:"Evere,neejjata katsipaebianatsi jjau Petuujjanenü ne jumaitsi ajena pa meravi.Saúl jumaitsi:"kuikuijamüre". ¹⁷ Samuel jumeitsi:"Jjanü neejja pikani natsita tsikirinüyoonü ata,Israelviriavi pe matabokota kuenia apo ka nutsi?Petuujjanenü jjamü ka mata epanae ejjana meti ra Israel pija rey neejjanü: ¹⁸ Bajaraa pa tuujjanenü ka to itoroba livaisije ma jumaitsije:"Ponare dajjita penanekonitsivi verebiabare,Amalecitsamonae,barü nabeena ne amoneyabi jababeria." ¹⁹ Tsipaji apo jumekowünütsimü Petuujjanenü pejume,juya baja pakowüta,jjamü juya pitame bajaraapamonae pekobe kowü ejjaname saya jjua Petuujjanenü pitajjutua itooya?" ²⁰ Nejjata Saúl jumaitsi Samuel javaberia:"Jjanü kaajena jume kowünütajû Petuujjanenü pejume,namuto netsitajüta Petuujjanenü baja pa namuto jaba ponajû.Jjanü Agag vaetabajû,Amalec pija rey,Amalecitas monae dajjita verebiabajû. ²¹ Baitsi jane itsiata bajaraa pa tomara pita paneyaküjürütsi kobekow,ovejanü bueyenü ata,pane bijianae neejjamü,Gilgal javataria Petuujjanenü paneto tsakiapae javaminejja". ²² Samuel jume pita:" ¿tspaji raja Petuujjanenü bitso jumali jjanepana itsa to tsaskiapatsi wajajumekowünutsi java Petuujjanenü pija jumee vekua?Pejume kowünütsi java bitso mataatojjenetsia jjanepana pe tsakiapaeja vekua,waja jumetae kuenia bitso jjanepana carnero natsitsi java vekua. ²³ Waja baraa anaepanae kuene raja neekoni pakuenia pebisia kuenia kanaüjüb,juya apo pejume kowünütsi kuene raja pebisiakuene pakuenia jumape kataevi javaaberia ejjana.Tsipaji navekua itoya Petuujjanenü pija jume,bajaraponü ata kanavekua tsata rey neejjamü. ²⁴ Neejjata Saúl jumaitsi Samuel javaaberia:"Jjanü pebisiakuene ejjanajû;tsipaji apo jume kowünütsinü Petuujjanenü pija livaisi bajjuto jjamü atanija jume,takujunavijjae bajaraa pa tomara jume kowünütajû nua pija jume. ²⁵ Juya,pejjania kuene ne ejjanare taja pebisiakuene neto ikinare,ikatsia jjanü javaaberena naviare jamateejema Petuujjanenü ta matabakata to nukaejitsianü. ²⁶ Samuel jumaitsi Saúl javaaberia:"Jjanü apo naviatsinü jjamü javaberia baja,tsipaji jjamü navekua itooyamüPetuujjanenu pija livaisi,neejjata Petuujjanenü kanavekua natsata jjamateejema Israel tsiteka pemata kaponaponae nejja. ²⁷ Aajena Samuel napünüyorotaba pe ponae neejja,Saúl juma ese waetaba neejjata juma ese titititika. ²⁸ Samuel jumaitsi:"Petuujjanenü,ajenas raabaja Israel tomara vekua rey kuenia kavekua pita itsajiviyoraabaja rajutijitsia,jjamü vekua bitso pe jjanepanaenü. ²⁹ Biji kaajena Israel pesaü apo najume tsinütsi apo najamatabü jjanetsi pija livaisi;tsipaji raja bajara Ponü apo jivitonü pe najamatabü livaisi jjanetsi neejja". ³⁰ Nejejjata Samuel jumeitsi:"Pebisia kueneejjanajü,baitsi itsiata pejjaniakuene ne ejjanere ne yeiyatae ejjanare perujuvi Israel tomara itajjutua.Jjamüta naviare Petuujjanenü tamatabakata tato nukaenejja nija Dioso." ³¹ Samuel Saúl püna naviteka Saúl nejjata Petuujjanenü pematabakata to nuka. ³² Samuel jumaitsi:"Agag karenamüre Amalecitas pija rey jjanü jaaberena."Agag ya kutsia cadenata to karenatsi nejjata jumaitsi:"Meta kaajena pe jamatabü bü jai kuene ba ajibi." ³³ Samuel jumepita:"Pakuenia nija espada petiriavi pejji neejava nakopaba,bajaraapakueniajjamü ata be tüpame ena pejjuato neejava pe nakopatsi nejja".Nejjata Samuel Agag tsikirivitojji vi tjaba Petuujjanenü Gilgal javataria. ³⁴ Samuel Ramá javaaberia pona,Saúl pijaboyabetsia pona Saúl Guibéa pija tomaraberia. ³⁵ Samuel apo tae Saúl petüpae matakabijavaaberia,tsipaji to wajükabiaba Saúl.Bajaraa pa Tuujjanenü bitso jamatabü jai penakuertsijjae Isarael rey pe to nutsijjae.