¹ Petuujjanenü Samuel javaaberia jumaitsi:"¿Paepato jeebi siva najamatabüjjainaename Saúl,tapua tijitsi rey kuenia Israel vekua?wünüre pe mataeto aceitera ponare.Ka itorobianatsi Belén javaaberia Isaí pija nakua javaaberia,tsipajinato tsatajû pejjunato rey nejja. ² "¿De pakuenia jjanü ponaejitsipajû?Itsa Saúl jumetane,bajaraponü nebeyajjuabijitsipa."Petuujjanenü jumaitsi:"Pire peejana naejjanae vaca jumaitsimüre:"Jjanü raja najetarukajû ta to tsakiapae nejja Petuujjanenü. ³ Natsipü junare Isaí ne tsakiepae javaberia,jjanü raja katsitajitsinatsi jjua ejjanaejitsianü.Jjamü mata ejjabianame jjanü tawünüta pajiviyo jjanü katsita jutsianatsi." ⁴ Samuel ejjana pakuenia Petuujjanenü itoorobatsi neejjata Belén javaberia pona.Perüjuvi tomara pijivi nekonekojai pakujinae bajarapomonae kopiapitatsi neejjata jumaitsitsi:"¿Najetarukame jamatabü jjanepanaya?" ⁵ Bajarapionü jumaitsi:"Jamatabü jjanepanaya najetarukajû;jjamü najetarukajû Petuujjanenü ta to tsakiapae neejja.Panajjaniavaere Petuujjanenü javaberia jjamateejema to tsakiapaejitsiatsi najatsia paneyanare."Nejjata bajaraaponü Isaípejji yajava saikaya tsata pe tsakiapae neejja. ⁶ Pakujinae bajarapamonae ponarena,bajaraponü Eliab naikota neejjata jamatabü jumaitsi Petuujjanenü pe itapetsinütsi imojjoyo taitabaraata nuka. ⁷ Baitsi jane itsiata Petuujjanenü jumaitsi Samuel javaaberia:"Pütsa saya naniavelia taneme,itsa jume piapianüjjae;tsipaji raja jjanü navekua tsatajû.Tsipaji raja Petuujjanenü apo tae pakuenia jivitonü naükota,jivitonü ra saya nania veria jjua ba tane,itsiata Petuujjanenü pe jjamatabü ütjüta naükota. ⁸ Nejjata Isaí junata Abinadab,neejjata Samuerl pitabaraata nukae ejjana.Nejjata Samuel jumaitsi:"Ponüata raja Petuujjanenü apo itapetsitsi. ⁹ Bajarajjua kujinae Isaí jjone ejjana Sama.Neejjata Samuel jumaitsi :"Petuujjanenü apo itapetsi ma ponü ata. ¹⁰ Isaí nejjata jone ejjana siete pa pajivibeje Samuel pitabaraa javaaberia.Nejjata Samuel jumaitsi :Petuujjanenü apo itapetsi;kae jiviyo ata bajaraapamonae vekua. ¹¹ Nejjata Samuel jumaitsi Isaí javaberia:"Dajjita baja maje pamonae nejjije?Bajaraponü jume kanaviata:"Abajju nakopata juyapijinü pepo pewüjüato,baitsi jane bajaraponü oveja evetaponapona."Samuel jumaitsi Isaí javaberia "Itoorobare pe junatsi nejjaliatsi pa kaponaremena;tsipaji raja apo enaetsanetsi itsa bajaraponü itsa apo patsi." ¹² Isaí jumaitsi ejjanaria pe kaponare neejjatsi yaajava.kajena,ma ponüje bitso peyajjaniavaetsinü pejjania itajjutonü dajjita pe ya kuene jitsipaenütsi.Petuujjanenü jumaitsi :"Nonotapünare mataejjabare tsipaji raja bajaraaponü tatsatsinü". ¹³ Neejjata Samuel,pemataeto pita aceite yaajava mataejjaba pematapijivi tuatuajüta.Petuujjanenü pija Espiritu David yajavaetsi baraa pa matakabi kujinae.Bajarajjua kujinae Samuel nonotapüna Ramá javaabeberia pona. ¹⁴ Petuujjanenü pija Espiritu Saúl naitajjutojematatsi juya pe abeje espiritu Petuujjanenü to kopatatsi pe jamatabü itonotsi neejjatsi. ¹⁵ Saúl pija pianivi jumaitsitsi:"Taema,Petuujjanenü pebisia espiritu kopata peka jamatabü itonitsi nejja ¹⁶ Itorobare pe tane matakanukaenü,ponü itoroba nija pianivi,pamona jjamü paka to nakuenebatsi,jaitsi kae pebi arpa pe yapütaenü pe rakatsijava.Nejjata pakujinae pe bisia espiritu Dioso peka tsiya ruutsijava,bajaraponü rakata biabianajjamü juya jumali jjanepana biabianame. ¹⁷ Saúl jumaitsi pija pianivi javaberia:"Paneto kajjitaajarabare kae pebi perakatsinü jjaniavaetsia jjanü javaaberena pa neto kaponaremena. ¹⁸ Nejjata kae pewüjüato jumepita ma jamaitsije:"Jjanü taniji Isaí Belén pijinü pejjunato,yapütane bitso pe rakatsijava,piasaünü,piaitsakanü,pe nawabütsaütsinü,jjania kuene kuikuijai,pe yajjaniavaetsinü,Petuujjanenü yajavaatsi. ¹⁹ Nejjata Saúl to najumerulia Isaí neejja neejjata jumaitsitsije:"Neto itorobaremenanejjunato David,ponü oveja javataria nuka". ²⁰ Isaí buruyo vaetaba ayaijava pan tsijumaküta,bajaraapakuenia kae vajji vinora,kabritoyo yaajaba,to itorobaria pejjunatota David Saúl neejja. ²¹ Nejjata David Saúl jababerena rena pijapianinü kuenia jonejopa.Saúl bitso kuenia asiva,nejjata peyanatsinütsi ejjana. ²² Saúl to najumerulia Isaí ma pajumeje:"David neto kopare,tsipaji raja bajaraaponü netsita jjanepana taitajjutuaya. ²³ Pakujinae Pakujinae pebisia espíritu Dioso pe to rutsi javatsi Saúl kaüpabiabatsi,David arpa to rakatabiaba.Bajarajota pebisia espíritu kopatabiabatsi Saúl juya jumali jjanepanabiaba.