¹ Jemata,Jonatán Saúl pejjinato,jumaitsi pija pewüjüato pe yaa karanatabiabinütsi javaabelia:"Najjatsia itsapanaabelia ponatsibeje jai,Filisteovi pija tajjunae javaabelia."Itsiata bajaraaponü pajja apo tsipaebi. ² Saúl Guibeá pe to kopia vereverekae irata nukalia,granadas nae itakaünae bjjüpanata Migrón javata pe nukaenae.Bajaraponuta be seisciento ponübeje barünuka, ³ Ahias yaajava,Ahitob pejjunato,Finees pejjinato,Elí pejjunato,Petuujjanenü pija sacerdotenü Silo javata,sacerdote kuenia pe najjatatsinü.Bajarapamonae apo yapütae Jonatán pe ponaejava. ⁴ Namuto javabelia,jjuaya Jonatán jjamatabü epanikabijitsia Filisteovi pija tajjunae,ibo itapajanito kae menia bajarapakuenia ibo itapajanito itsa nenia.Kae itapajanito pewünü raja Boses itsa itapajanito pewünü raja Sene. ⁵ Kae itapajanito nawüta norte javaabelia itsa belia Micms ira kopiaruka,itsa itapajanito Geba imojjoyolia sur javaabetsia kopiaruka. ⁶ Jonatán jumaitsia pewüjuatonü javabelia peyaa karantsi tsabiabi javaabelia:"Najjatsia,apo pe nabo peerabü kaukubi pija tajjunae to epa nikabatsibeje.Belia Petuujjanenü pejjania kuene natoo ejjanaejitsipa beje,kaajena ajibi Petuujjanenü peyaa karantsi jiviyootsi pe kapanepae nejja ayaibü tsaü to itsajume be velia jivi monae ata. ⁷ Peyakaranta biabinutsi jume kanaviata"Ejjanare jjua katsijamatabü kuikuijai.Ponatsibeje jjanü raja kayajavatsi taka jumekowü nütsi neejja dajjita jjua ne itorobame. ⁸ Jonatán jumaitsi:"Vajjaitsi epa nikabianatsi itsajota bajarapamonae nubena,neejjata natae ejjanaenatsi. ⁹ Itsa bajarapamonae nakajumaitsitsane:"Pa evere bajara joota pajjanü raja pajjamü javaaberia pa patsianajü"nejjata wajjaitsi kae javata nubenaenatsi nejjata apo epanikabi tsanetsi bajarapamonae javaaberia. ¹⁰ Baitsi jane itsa bajarapamonae naka jume kanaviatsiana:"Pajjamü javaberena pa ponaremena itsa jai tsane",neejjata wajjaitsi epa nikabialiatsi bajarapamonae javaberia:tsipaji Pettujjanunü waja kobeta naka to kanaviata waja kobe javaberena.Ma pakueniaje wajjaitsi yapü taenatsi. ¹¹ Itsa bajarapajivibeje Filiteovi pija wajabütsaü javaberia natae ejjanabeje.Filisteovi jumaitsi."Pataema,hebreovirajanebaja pija wajaveerenabaja pitsapa itsajota pikani namatayaba" ¹² Nejjata bajarapa wajabütsaü wavajai Jonatán javabelia peyaa karantsinü javaaberia ata,ma jumaitsi je:"Pajjanü jababerena pa renamüre beje."Jonatán jumaitsi peyaa karanatsinü javaabeliia:"Tapünüta najetarukare tsipaji raja Petuujjanenü Israel pekobe javaberia to kanaviata. ¹³ Jonatán junaya pekobeta petajju yaajava,peya karantiabinütsi püna ponatsi.Filisteovi petüpaevi otjopa Jonatán pewajunaya,peyakantabiabinütsi pe pünü veerena pe najetarubenaevi bee pona. ¹⁴ Ajena peyaa tsiyaajematsi epatoyo Jonatán peyaa karantsinütsi,beyejeba be veinte ponübeje tsikiri irayota be quince pa irayota. ¹⁵ Bajarapatajjunaeta bitsoyokuenia ajunanaviyai,petusato javaanü java tomara tuatuajuta ata.Biji wajabütsaü ata pe nabee biabivi ata bitso junava.Ira ata natjünüta,jivi ayaikuenia namatajjaina pekajunavi. ¹⁶ Nejjata,Saúl peyaa evetsivitsi Guibeá talia Benjamín ira tane wajabütsaü bütsaüto Filisteovi pe nakayajatsi java,bajarapamonae kujinayeka najeebalia velia kujinae itsa majjunene javaberia. ¹⁷ Nejjata Saúl jumaitsi peyaajava nukae tomara javaberia:"Panamataajure pa taema nua jipatsa naka vekua ajibitsarukae".Pakujinae bajaraapamona namataajuta,Jonatán peyaa karantabiabi nütsi saajinabeje. ¹⁸ Saúl jumaitsi Ahias javaaberia:"Karenamure Dioso pe ekae bota tsabiabi ma jotaje"(bajaraapakujinae abajju Israelitavi Dioso yaajava tsabiabitsi.) ¹⁹ Abajjü pakujinae Saúl sacerdotenü barü kuikuijaitsanukae,Filisteovi pija tajjunaetalia ajumali aitjotia bitso bitso ayaikuenia airujubia pevajunaeyaaberia.Nejjata Saúl jumaitsi sacerdotenü javaberia,"Kobe namatajjainare". ²⁰ Saúl dajjita jivi pebarü nukaevi ,nakaetuata pebarü natsekonae nejja ponaria.ü Filisteovi pe nabe javata nakakuata nubena ü nakaemonae,bitso bajarajoota matajjaina. ²¹ Hebreo monae pamonae Filistevita na jinawanapa,pamona pija tajjunae jjavaberia na püna pona,bajara pamonae,Israelita Saúl Jonatán beje pe barü nukaevi na kuene yanata. ²² Pakujinae Israel pijivi Efraín tsutoonü javata namatayabawanapa,jumetane Filisteovi pe ruküpekaejava,bajaraa pamona pü baraajina pe natsekonaejavata. ²³ Nejjata Petuujjanenü baraa pa matakabi Israel pijivi kapanepa,Bet Avén be beliayo kopia pata pe nabeejava. ²⁴ Bajarapamatakabi Israel pijivi bitso jamatabü bü jai tsipaji Saúl ma jumaitsi:"Maldito ra tsane pajiviyo nabaniana merevi neejava jjanü tane yaamatamotsi neejja tajawajabütsaü vekua."Nejjata pija wajabütsaü pejjaejava apo pajani. ²⁵ Nejjata dajjita jivibitsaüto unuaberia joneya bajarajotalia irata jaabibanaanü yaaena. ²⁶ Pakujinae dajjita tomara unuaberia joneya,jabüraanü pitsapaina,baitsi itsiata kaejiviyoota apo nakuibop kakujitsi tsipaji dajjita tomara kujanava pebisiakuene pe tsijopae yanivatsi. ²⁷ Jonatán itsiata pajja pe jumaitsijava apo jumetae dajjita tomara pe najanibotsinejja.Bajaraaponü pija kuererebo upita kaüjjüna jabümujjupa.Bajaraaponü nakuibo kakujita,bajarajoota itajjuto yonojai. ²⁸ Nejjata kaenü tomara pijinü jumepita:"Ajja kaajena ayaikuenia jumaitsi dajjita pajivi javaaberia:Maldito ra tsane papebi nabaniana ma pamatakabitaje,abajjü yapütae ata abajjü pe kurunaejava piijani yaabara. ²⁹ Jonatán jumaitsi:Tajja saya ma pa iraajavataje ayapübeje ejjana.Pane itajjuto taema jane itajjuto nivevebianü saya ta pajanijjae ma pa jabüra ³⁰ ¿Jjanepanaejitsipa meta tsipae ajena dajjita tomara penabonijava jjua pe yaabara nabe java pijawajabütsaü pe kijürübijava?Abajju jane Filisteovi javataria nayapütae jjaniavaetsia jivi pe beejava". ³¹ Bajaraapamonae yakarantsia tsekona Filisteo monae baja pamatakabi Micmas veria kujina Ajalon javataria kopia vereta .Dajjita tomarayo bitso akueronaeyai ³² Kabitsojina bitso barüyaya pekobe kowü notijitsia yaajava nota ovejaanü,bueyes yaajava corderonü,irata saya bia.Dajjita tomara yaajanae jjane. ³³ Bajarajjua kujinae bajara pamonae Saúl javaberia paeba:"Taema,dajjita tomara pebisiakuene ejjanaPetuujjanenü itajjutua tsipaji raja yaajanaa jjane". ³⁴ Saúl jumaitsi:"Apo pe jume kowünütsi kuenia saya pa ejjaname.Juya,iboto pa tororena jjanü javaaberena".Saúl jumaitsi:Patsipaebare dajjita tomara ,"Dajjita peebijivi kaponaerena pija buey pija oveja yaajava,jota pa beeyejebianame jotaje pajjaename yaajava.Pütsa jane ikatsia Petuujjanenü javaberia pa na nekonitame pejana pa ne yaojava jjae kuena javaria".Nejjata kaejivi kanakujitsia tomara pijivi baja pa meravi pija buey bajarajota beyajjuaba. ³⁵ Saúl nejjata altar to nakueneba Petuujjanenü,bajarajjua kajena pe namatajjainae altar Petuujjanenü to nakueneba. ³⁶ Bajarajjua kujinae Saúl jumaitsi:"Pübaraajinaenatsi ajena pa meravi Filisteovi yaküjürübianarsi meravi pe kobia vereverekae javaberia.Pütsa itsajiviyo ata asaü".Bajaraapamona jumepita:"Jjamü pakuenia jumaitsimü bajarajjua naejjanae."Itsiata baitsi jane sacerdotenü jumaitsi:"Dioso javaberia naimojjoyotatsi jotaje." ³⁷ Saúl bitso Dioso javaberia jamatabüyanijioba,"¿Meta pübarajinaejitsipajû Filisteovi?¿Israel pe kobeta to kanaviatsipa meta?Baitsi itsiata Dioso apo jumepitsitsi bajaraa pa matakabi. ³⁸ Nejjata Saúl jumaitsi:pa naimojjoyoobare pajjamü pane mata konubenaevi dajjita Israel paneyaa evetsivi,payapütaema pa taema yaajava pakuenia pa neekoni ajena tanetsi: ³⁹ Petuujjanenü pe asaüjjae Israel pe kapanepabiabinü,abajji bajaraa pa nekoni tajjunatota ruka,bajaraa ponü meta kaajena tüpaena".Baitsi jane itsiata kae peebi bajaraa pa tomara tutuajuta apo jumepitsitsi. ⁴⁰ Bajaraajjua kujinae bajaraponü dajjita Israel javaaberia jumaitsi:"Pajjamü itsajiviyo pa jamatabü livaitsi yanatame,jjanü tajjünatobeje itsa livaitsi pajjainajû beje."Baja pa dajjita tomara jumeitsi Saúl javaberia:"Ejjanare pakuenia katsita jjanepana". ⁴¹ Nejjata Saúl jumaitsi Petuujjanenü javaberia,Israel pija Dioso.:"ütajure Tumim."Jonatán Saúl beje itapetatsibeje,nejjata dajjita tomara apo itapetsitsi. ⁴² Nejjata Saúl jumaitsi :"Pajjamü pa itapere tajjunato Jonatán itsajume jjanü".Nejjata Jonatan itapetatsi. ⁴³ Nejjata Saúl jumaitsi Jonatánjavaaberia:"Nejumaitsimüre jjua ejjaname".Jonatán jume kanaviata pajja:"Jjanü pajjaniji tsikir jabü rayo naeboupita ta kobeta ta kanukae nae.Nukajû butsi baja maje;tüpaenajû baitsi nejjata baja. ⁴⁴ Saúl jumaitsije:"Dioso jjua ejjanae,jjanü ata nejja,itsa apo tüpaenü,Jonatán". ⁴⁵ Nejjata dajjita tomara Saúl jumaitsitsi:"¿Be tüpa Jonatán,pekueyevivi pe amoneyabünü Israel neejja?Jume kajena.Pakuenia Petuujjanenü asaü pütsa kae matanato ata ira bereka jopa tsipaji kaajena bajaraaponü ajena Dioso yajavaatsi."Bajaraapakoyeneta dajjita tomara Jonatán pe beyajjuabijabamünejjatsi kapanepatsi. ⁴⁶ Nejjata baja Saúl kopata Filisteovi pe barajinaejava,Filisteovijaya pija niraaberia ponalia. ⁴⁷ Aajena Saúl tajjujjuaba Israel nakua pe matakanukaejava,barü nabiadajjita pekueyavi dajjita java.Bajaraponü Moab barü nabia,Ammon piuja tomara,Edon ata,Soba pija reyevi,Filisteomonae ata barünabia.Itsa beria napünüyorta bajaraaponü,bajaraaponü ayaikuenia amoneyababiaba. ⁴⁸ Bajaraaponü bitswo itatsaka Amalecitavi amoneyaba.Bajaraaponü Israelpijivi kapanepa pe ya tomara bijianaevitsi. ⁴⁹ Saúl pejjimi raja Jonatán,Isúi,Malquisúa ata.Pajjinatoyobeje pewünümi raja Merab,matapijiwa,juyapijiwa Mical. ⁵⁰ Saúl pijawa pijiwami pewünü Ahinoam pejjinatoyomi.Pija wajabüyaü Matabokotonü raja Abner Ner pejjunatomi,Saúl pajjuyo. ⁵¹ Cis pijinümi ra Saúl pajja Ner,ra juya Abner pajja,Abiel pejjunatomi. ⁵² Pakujinae Saúl matakanuka bitso ayaikuenia Filisteovi barünabia .Saúl itsa tayabiaba pajiviyi tsita asaübeje itsajume pitatsakajiviyo,pijajivi ejjanabiaba.