1
Salomón nakueneba trece (13) pa way beje pe weretsi nejja pija boo.
2
Ajara ponü Líbano unu pijinae nüta nakueneba Palacio bo. Cuarenta y cinco (45) pa metro beje apia, veintidós metros y medio (22 1/2) patutuja, trece metros y medio (13 1/2) atjübüa betsia. Ajarapa palacio bo jjaina cuatro (4) jjua beje na püna nubena cedro naesi turutonü, naesi turutonü jawa cedro majjü botonü bóbena.
3
Bo mata akata cedrota. Ajarapa majjü botonü bobena naesi turutonü juma wereka. Jjaina cuarenta y cinco (45) pa majjüboto beje, quince (15) jjua beje kae pena püna nubenae jawa beje kana kujitsia.
4
Tres (3) pa korobo beje ventananü kae ventana kana kujistsia nasaütarubena itsa ventana tres (3) pa conjuntobeje.
5
Dajjita baupanü yajawa nae jawanü cuadrados jawanü ejjana pe majjü botonüta, yajawa ventananü nasaü tarubena tres (3) pa conjuntota beje.
6
Veintidos metros y medio (22 1/2) apia naesi turu korobo trece metros y medio (13 1/2) pe tutuju, pórtico ruta rowialia, pe nasaü tanubenae jawa yajawa mata akata.
7
Salomón nakueneba pe ekae jawata nejja pakujinae name konitsia ejjanae jitsia, ajarapa salón ü cedro jawa.
8
Salomón pijabo, pe pona ponae bota nejja, itsapanatalia palacio bo pija irata, pe jüpae kuenia nakueneba. Ajara ponü nakueneba ajara be pitsibo Faraón pejjünatoyo nejja, ajara ponü pijawa.
9
Edificionü itabüta pena mata motsi ibotonüta, jjania waetsia kaukuba, ruba pe kau jupae kuenia koni jaiya ejjana pe mujju nenia. Ajara ibo tonü kana kueneba pe tabü topa welia kujinae, atjubüa betsia, panabo jjaneto jawabelia yajawa.
10
Petabü topa nakueneba piniji iboto jjane tonüba pena matamotsi ibotonü tres metros y sesenta centímetros (3,60) yajawa cuatro y medio metros (4 1/2) apia.
11
Pejuma wetsia jjaina pe mamatamotsi ibotonü, koni jaiya ejjana yajawa kaukuba pe kaüjüpae kuenia yajawa cedro majjübotonü.
12
Palaciobo panabo jjaneto matatoyorotsia, jjaina tres (3) pa napüna nübenae jawa beje pe kaukubi ibotonü yajawa napüna nubena cedro majjübotonü, pakuenia DIOSO pija templo bo tuatua pórtico yajawa.
13
Reynü Salomón pitsia ejjanalia Hiram karena Tiro jawa werena.
14
Hiram pejjünato pamona pe wekua tüpae watsi Neftalí wiriawa; pajja Tito pijinü bronce jawanü pe nakuenebinü. Hiram yapütame yajawa yapuütame pe nakuenebi jawa bronce jawanüta. Reynü Salomón jawa bereba pona peto nakuenebi nejja bronce jawanüta.
15
Hiram nakueneba anija bronce naesi turuto beje, ochenta metros y diez centímetros (80, 10) apia kae nae kana kujitsia yajawa cinco metros y cuarenta centímetos (5,40) mata
16
toyorotsia. Ajara ponü nakueneba anija pekonijai bronce capitele beje pe nubi nejja naesituru matatuta. Dos metros y veinticinco centímetros (2,25) apiatsia kae capitel kana kujitsia.
17
Pe matatu kapitsabi jawa yajawa coronanü be cadena kuenia, ruba capitele jawa pe itabütsinejja naesiturutonü, siete (7) jjua beje kae capitele kana kujitsia.
18
Hiram kae naesituruto kana kujitsia pe matatuta nakueneba anija na püna nubenae jawa beje pe decorabinejja capiteles jawanü.
19
Capitele jawanü naesituru matatuta decoraba lirio jawa nüta un metro y ocho centímetros (1,8) apiatsia.
20
Capitele jawanü anija naesituruto beje jawata ruba, pe matatu imojjoyo jawata, doscientas (200) pa granada beje na puna ruba mata toyorotsia.
21
Ajara ponü mata kota naesi turutonu templo bo pija pórtico jawata. Pekujua naesituruto wünü ruba Jaquín, petsaweni naesituruto wünü ruba Boaz.
22
Naesituru matatuanü itabüta liriota. Ajarapakuenia nakueneba naesiturutonü.
23
Hiram nakueneba pe mata toyororokae manua mene pe tsapapae metal jawata, cuatro y medio metros (4 1/2) pe tutuya. Dos metros y veinticinco centímetros manua mene irawetsia kujinae apiatsia trece metros y medio (13 1/2).
24
Pe mujjunene büjjüpana manua mene, rubena dere büanü, kae codo kanakujitsia diez (10) jjuabeje, kae kuene jawa tsapapa manuamene yajawa, manua meneta tsapapa.
25
Manuamene eka doce (12) pa buey beje jumata, tres (3) ponübeje taenubena juameto itsa wetsia pitsaba, tres (3) ponübeje taenube na itsa betsia juameto junua, tres (3) ponü beje taenubena pepünüyabelia, tres (3) ponü beje taenubena pe wajünaeyabelia, pe pü nenia nubena tutuju jawabelia.
26
Ocho centímetros (8) aitayau manuemene, pe mujjumene nakueneba be taza mujjunene kuenia be lirio matonoto kuenia. Cuarenta y cuatro mil litros (44.000) pora wajüto manuamene jjaina.
27
Hiram nakueneba diez (10) pa carro beje bronce monü. Kaemó kanakujitsia un metro y ochenta centímetros (1,80) apia, un metro treinta centímetros (1,30) jjaina pe tutuju, un metro y treinta centímetros (1,30) apia atjübüabetsia.
28
Ajarapa carronü nakueneba pakueniaje. Jjaina panel jawanü rubena bastidores jawata,
29
bastidores jawata nubena newütjüanü, buey nüanü yajawa querubines. Pemata tsünüca yajawa pe büjjüpana newütjüanü, buey nüanü mataba beruba coronanü.
30
Kae carro kana kujitsia jjaine cuatro (4) pa ruedabeje bronce jawanü pe najiaratsia ejjanae jawa nua, cuatro (4) pa esquinabeje nasaü tanu bena cuenca büjjüpana penasaütanikae jawata fundiba coronata pemujjüneneta kae jawa kana kujitsia.
31
Pe matatu wojoto mata toyororoka be pedestal, sesenta y siete centímetros (67) jjaina pe tutujju, cuarenta y cinco centímetros (45) pena yotarukae corona tuatuajuta ruka. Pematatu wojoto jawata rubena pejumape jawanü, cuadrado panel jawanü, apo mata toyororokae.
32
Panel bujjupana rubena cuatro (4) pa ruedabeje, yajawa ruedanü pe najiaratisia ejjanae jawanü pe enae jawanü nejja carro jjaina. Sesenta y siete centímetros (67) irawetsia kujinae apia kae rueda kanakujitsia.
33
Ruedanü jüpa pakuenia carruaje pija ruedanü. Pe ekae jawanü, llantas jawanü, anilla jawanü yajawa nadio dajjita tsapapa metal jawata.
34
Cuatro (4) jjua beje ruba pe taikae jawanü esquinanü jawa kae carro kana kujitsia.
35
Carro mata toyorotsia jjaina veintidos y medio centímetros (22 1/2) pe aita yaü jawa, carro pe matatsünüyo pe kababatsinaenü yajawa paneles jawanü najua rubena.
36
Pe kababatsi nanenü büjjüpana yajawa paneles jawata, Hiram jumape ruba querubines jawanü, newütjüanü yajawa paruma botonü akata pesajinae jawa, ajara jjuanü mata toyorotsia rubena coronanü.
37
Ajara ponü diez (10) pa carrobeje ejjana ajarapa kuenia. Dajjita ajara jjuanü nakueneba molde jawanüta, ajara jjua dajjita najüpa.
38
Hiram nakueneba diez (10) pa cuenca beje bronce jawanü. Kae cuenca kanakujitsia kuene kaüjüpatsi ochocientos ochenta (880) pa litro beje mera. Kae cuenca kanakujitsia jjaina un metro y ochenta centímetros (1,80) pa tutuju ajarapa diez (10) pa carrota beje jjaina kae cuenca kaemo kanakujitsia.
39
Ajara ponü nakueneba cinco (5) pa carrobeje templo bo waüyabetsia pe taenubenae monü yajawa cinco (5) pamo beje pe mutua belia taenubena. Ajara ponü eta manuamene juameto pe pitsapae esquina jawa wetsia, tayeka wauyabetsia.
40
Hiram nakuebena cuencanü, palanü yajawa petsimata epakae wajjianü. Nejjata, to nakuenebi wereta Reynü Salomón DIOSO pija templo bo:
41
anija naesi turutobeje yajawa anija capitel beje pe jüpae jawa beje naesituruto beje matatuta pe ekae beje, anija par beje pe matatu kapitsabijawa pe ya karantsinejja naesiturto mata tuta pe ekae wajjibeje.
42
Ajara ponü nakueneba cuatrocientos (400) pa granadabeje pe matatu capitsabi jawa pita bütsi nejja: anija napüna nubenae jawa beje granada jawanü kae pe matatu kapitatsi kana kujitsia pe ya karantsinejja anija capitelebeje wajji pe jupae jawanü naesiturutonü jawa pe enae jawa.
43
Dajjita diez (10) pa wajjibeje carronüta.
44
Ajara ponü nakueneba manuamene yajawa doce (12) pa buey beje iriyo;
45
pijinenia wajjianü, palanü, lavabos jawanü yajawa dajjita pe kana kuenebi jawanü. Hiram nakueneba bronce pe koni jai jawa, rey nü nejja Salomón, DIOSO pija templo nejja.
46
Reynü tsapapaeya ejjana Jordán pija weyafota, atsanani irata Sucot jawata yajawa Saretán.
47
Salomón apo pesabi dajjita pe kobe cowü tsipaji bitso ayai jawa pe pesabi nejja, tsipaji bronce ayapúbeje pe kaüjübijawa.
48
Salomón nakueneba DIOSO pija templo bo nejja dajjita mueblenü ü oro jawanü: altar dorado jawa yajawa pejjae jawa pe buatsi mesa nejja.
49
Pitayotsi jawanü, cinco (5) jjuabeje pekujua jawa welia yajawa cinco (5) petsaweno jawa welia, tuatuajualia pa cuarto pitapa, ü oro jawa, yajawa pe matonotonü, lámparanü, yajawa tenazanü oro jawanü.
50
Copanü, despabiladera jawanü, lavabos jawanü, cuchara jawanü yojawa pe tujjüjjüwira pe tajuitsijawa dajjita ü oro jawanü. Pijinenia baupa pija bisagrenü tutujupiji cuarto, ajara jota pepo santísimo jawa, yajawa templo bo pija baupa, dajjita nakueneba ü oro jawa.
51
Ajara pakuenia, to nakuenebi wereta reynü Salomón DIOSO pija bo. Salomón kanawiata pe kobe kowü David pe tsanae jawa, ajara ponü pajja, oro jawanü yajawa mueblenü, jeba DIOSO pija bo almacenes jawata.