¹ Pikuijinae Salomón tajjujjuaba waja tujjanenü piajaboo jjuaje itsi cuatro cientos ochenta (480) pepitsipae kuijinae Israel monae Egipto tomarawelia pematakanukae kuijinae cuatro (4) paweibeje Salomón mata kanuka Israel tomara Zif, pea juametota penayentsi juametobeje. ² Paboo tonakueneba nakua ewetsinu Salomón wajatujjanenü DIOSO nejja veintisiete (27) metros peapiajawa y kaejawa perowiajawatsia. ³ Pena matajjainaejawa baupae jjaneto jawa jiwi pepona biabi jawa boo jawa jjeima nueve (9) metros pia apiajawa arpakuenia pijinia pe unü tua tuajawa arpa boo cuatro y medio me unü apia boo. ⁴ Pena itapa kapitsitsijawa pejaboo nakueneba itabara tsojota pejumpunü jawabekua wekua pe unuaberena. ⁵ Bajarra pa yenepana wekua pe namatajjainae ünüta bajarra ponü nakueneba cuartonü matatoyorrotsia bajarra ponü nakueneba dajjita yenepananü matatoyorrotsia ⁶ Petoyaekae ira jjeina dos (2) metros y veinticinco (25) centímetros aenupia tuatuajura jjenia dos (2) metros y veintisiete (27) centímetros pe unu jawa y tres (3) metros y quince (15) centímetros tuatuajawa bujumpununania arponu nakueneba pejjanewaitsinejja boo najumerawelia tajjita pejum penunania pemaru booto jjatata boo peya tukutsijawa. ⁷ Arupa boo nakuenebeta ibotonuta pe ubi ibotonuta itsa wereteta arupa boo apona jumetae pematabajawa apo ukubabenua, arujjüata apo jjeinae pekana kuenebi jawa hierro jawanu pakuijinae arupa boo nakueneba. ⁸ Pejjeinae jawata tsia boo jjeina pejonejawa be iriyo , jawa arujjua kuijjinae junatsi be atuju buyo wajuto arujjua kuijinae tuatuajawa pena yentsi jawa beje. ⁹ Arujjua kuijinae Salomón nakuenebeta boo wereta mata jjatateta pepanuta. ¹⁰ Arupanu nakuenebeta peyenepana jabelia peyatukubijaba boo, kae yenepana jawawelia dos (2) metros veinticinco (25) centímetros pemata tunukaejawa bitsijane najua ena boonü. ¹¹ Waja tujjanenu piaja liwaisi Salomón jumaitsitsi: ¹² "Yeitanejü pa booje jjua nakuenebame itsa ponaponame jjuakato kopatatsi, itsa itsimi pejjania kuene itsa katsitekame jjuakato kopatatsi ina pona poname arpamonae jawata nejjata jjanu kajumeitsitsi tsane jjamuta jjua itsinu ajja David. ¹³ Jjanu pona ponaenajü tuatuajawata Israel tomarrata apo jjüabetsinu tsane". ¹⁴ Pakuenia Salomón nakueneba itsiata wereta. ¹⁵ Arujjua kuijina arponu nakueneba boo pepanuta cedro. Irawetsia kuijinae peyenepana ata, arponu jjatata naejawanuta bunbunuwerena arponu ira jjatata boo (ciprés) pepanuta. ¹⁶ Arponu nakueneba nueve (9) metros peunuboo cedro pepanuta ira peyenepana yatukuta boo unu seikaya tsitane. ¹⁷ Penamatajjeinae unü petsitae jawa jjeina dieciocho (18) metros piapia jawa. ¹⁸ Boo unu jjeina cedro pepanü, pesiwijawa jupa kalabaza y pamatonotonu pena yetsijawa tajjita jjeina cedro bujum punu jawerena apo natae ibo tonu. ¹⁹ Salomón uni jjanewaita boo uni jjanewaitsijitsia tabike pacto Dioso jawa waja tujjanenu jota. ²⁰ Pe unü jjeina nueve (9) metros pinija tutuajawa y nueve (9) metros pia piajawa Salomón karanata peyatukutsiajawa oro yajawa cedro naejawanuta karanata altar. ²¹ Salomón jjatata büpunu werena boonü kakeika oro jjatata nua bunjunpunuwelia kadena mautota oro jjeina ipitapa welia nua jjeina ü oro. ²² Jjatata tajjita bupunü welia oro tajjita boo wereta karanata nua oro altar jjua jjenia bupunu unu. ²³ Salomón nakueneba najua querubín nubeje olivo naejeba nubeje arponubeje jjeina cuatro y medio metros piapianubeje penutsinejja bupunuta. ²⁴ Pemata jjeinae kerubin pekorofeto jjeina dos metros (2) y veinticinco (25) centímetros peapiajawa arupakuenia pe upikopia korofeto jjeina itsa korofeto wekua jjeina cuatro metros y medio. ²⁵ Itsa kerubin nü jjeina pecorofeto jjeina cuatro (4) metros epatoyo najua kerubines najupa beje bitso. ²⁶ Penukaenubeje kerubines jjeinabeje cuatro (4) metros epatoyo itsa querubin najupa beje. ²⁷ Salomón nuta beje kerubines nubeje peyatukutsi jawata. Kerubines pekorofeto beje apia ejjana nejjata itsanu petorofeto beje jeyata peyatukutsiajawa itsanu pekorofeto kerubin jeyata peyatukutsijawa. Nakopia korofeto jeyata beje tuatujüta peyatukutsia jawata. ²⁸ Salomón akata ü oro kerubines nubeje. ²⁹ Arponu yakina tajjita liwaisi boo junpunu jawanania junpe nuba nua Kerubin nua naejawanu pebotonu ipematonotonu yereta bupubelia ubujunbunuwelia peyatukutsijawata. ³⁰ Salomón ira karanata tajjita boo ü oro najua bupunua ibujunpunu jawawelia peyatukutsi unuta. ³¹ Salomón nakueneba baupanu olivo naejawanuta pejonejawa werena peyatukutsi unuar na, penaka yautsijawa baupae jjeina cinco (5) pa unubeje. ³² Nejjata nakuenewa baupanu olivo naejawanuta arponu jumpe nuba kerubines, kuojjubotonu pematonotonu nayerta. Arponu akota oro jawanuta arponu jeba ü oro kerubines jawata kuojjubotonu. ³³ Arupakuenia nakueneba baupae pekauju paenejja boo, olivo naejawanuta cuatro (4) peajue unu beje najua naejawa baupae beje ciprés naejawanuta. ³⁴ Najua baupae bajjuto beje jjanewaetsia napetsojonabeje itsa najua bajjuto beje ista baupae beje jjanewaetsia napejetsojonabeje. ³⁵ Arponu kerubines yakina kuojjuboto naenü ipematonoto yereta karanata ü oro penakuenebi jawa jjua jumpenuba. ³⁶ Arponu nakueneba bupunu welia tres (3) pakoroboto weje ibotonuta pe ukubijawanu kaekoroboto pemaruboto naenü cedro jawa. ³⁷ Waja tujjanenu piaja boo jjua jjeina itsi cuatro (4) paweibeje ipiaja juametota raponu Zif. ³⁸ Once (11) paweibeje Bul, pia juameto beje jjua pia jjuameto ocho (8) tajjita arupaboo wereta tajjita jjuajjeina pakuenia tajjita jumaitsitsi. Salomón wereta siete (7) paweibeje kuijinae penakuenebi jawa arupa boo.