¹ Hiram, Tiro pija reinü itóroba pija jiwi Salomón jawábelia tsipaji bajara ponü jumetane pe ungiebi jawatsi Reinü kuenia bajara pamonae pajja pe kowuta; Kajena baitsijame Hiram jitsipa dajjitamatakabi David. ² Salomón Itoroba liwaisi Hiram jawábelia jumaitsi: ³ "Jjamü yapütaneme pakuenia David, jjanü tajja, apokuene kaüjupaetsi penakuenebinejja pewünüta tajatujjanenü paboo bajaráponü pijaDIOSO tsipaji abajjü pekueyawi matátoyoronatsi, tsipaji kajena pijatujjanenü yajawáponaponatsi, nejjata bajara ponü pekueyawi petajjüjawáreka otjopabiaba. ⁴ Baitsijane aekonojjae, tajatujjanenü taja DIOSO nerajuta tanakuero ewetsinejja dajjitajawa. Ajibibaja takueyawi, piayaikuene ata. ⁵ Bajarápakuenia üjütajü jjanü templobo tanakuenebijawa tajatujjanenü taja DIOSO pewününejja, pakueniabaja tajatujjanenü barükuikuijaitsi David, tajja, jumaitsi: Nejjünato, pajiwiyo jjanü nija trono jawata etsijitsianü nekowüta, nakuenebiana templobó tawünüta. ⁶ Nejjata, Janee, Itorobare barüpabitsaüto pe ukutsinejja Cedros Libanojawa jjanünejj. taja pieniwi nakaituatsiana jjamü nija pianiwijawabelia. Nejjata jjanü karajutsianatsi pematamo jjanewaitsiakuenia. Nejjatajjua nejamatabüjüpame neitsinejja tsipaji yapütaneme ma jotaje pe ajibijawa wajjaitsijawata pajiwiyo yapütane pe ukutsinejja naejawa be Sidoniowi. ⁷ Nejjata Hiram jumetane Salomón pejumee, baraponü barüya pejjamiakuenia néjjata jumaitsi: "Ajena to pejjaniakuenetsi wajatujjanenü ponübaja rajuta David pejjünato pejamatabükuene nawitsinü papejjania tomarataje. ⁸ Hiram najume itoroba Salomón jawabelia, pakueniaje: "jjanü baja jumetaniji, tane najumerutsikueniamü. jjanü karajutsianatsi dajjita Cedro yatawa ciprés nejitsipaekuenia. ⁹ Taja pieniwi karunainika manua mene itapa jawabelia nejjata jjanü nakuenebianajü tjaübürüto ta itórobi nejja itsa panakua jawabelia ne jumaitsimü. jjanü bijianaenajü tjaübürüto bajara jota, Nejjata jjamü kaponaename tajü jjamü ne jume kowünütsianame tajitsipaejawa jjuarajutame pejjai nejja taja monae." ¹⁰ Bajará pakuenia nejjata Hiram rajuta Salomón dajjita naijawa jjua bajaraponü pa cedro abeto pena matá wenonae jawa bajara ponü. ¹¹ Salomón baja rajuta Hiram veinte mil (20000) pa medida beje pe jjaejawa harina pija bó nejja veinte (20) pijinia jjua beje pa aceite beje pe itanio jaira. Salomón ma rajüta jjuanüje Hiram kaiwai epato konakujitsia. ¹² Wajatujjanenü rajuta pe jamatabü kuene nawitsi nejja Salomón, pa kuenia baja jumaitsitsi. pe jjania kuenia jinawanapa tsipaji na jamatabü jüpabeje. ¹³ Petujjanenü Salomón atiebiaya taika penakuenebiwi dajjita Israel pijiwi treinta mil (30000) ponübeje. ¹⁴ Bajaraponü itoroba Libano jawabelia diez mil (10000) ponübeje kaijuameto kanakujitsia penakowü ewetsinejja. Kaijuameto kanakujitsia enabiabapona Libanojawábelia pijinia jinawanapabiaba najua juametobeje pijabojawata. Adoniram wününü naitajjütokaeweta biabaponapanatsi pakuenia asaüyata nakuenebawanapa. ¹⁵ Salomón jjaina setenta mil (70000) pajiwibeje pekaponaiwi piarewejawa pijinia ochenta mil (80000) pajiwibeje pekapo naewi cantero ünutsutojawábelia. ¹⁶ Néjjata tres mil trescientos (3300) penamatakaitorobobiwi Salomón pijajiwi penaitajjütokaewetsiwi penakuenebiwi yajawa. ¹⁷ Pe namatakaitorobinü, pejuméta juka pe jjaniapiniji ibotojjanetonü pe babatsi nejja templo. ¹⁸ Baja ra jjuata, pena kuenabiwi Salomón pijajiwi Hiram pija pieniwiya jawa gebalitawi yatawa nakueneba tsarütanaejawanü ibotonüyajawa pe nakuenebinejja Dioso pijabó.