¹ Rey Salomón dajjita israel piaja reinümi. ² ¨Pe yawenonae witsi: Azarias pejjünato Sadoc sacerdotenü. ³ Elihoref, Ahias, pejji Sisa, peyawenona yakinaejiwibeje. Josafat pejjünato Ahilud peyakinaejiwibeje dajjita jjuanü ejjana. ⁴ Benaía pejjünato Joaiada pe itorobinü wajabitsai bitsaüto. Sadoc, Abiatar sacerdotenübeje. ⁵ Azarías pejjünato Natan pe yaewetsinü pe itorobiwinüanü jawabelia. Zabud pejjünato Natan sacerdotenümü, reynü pija amigonü. ⁶ Ahisar bojawata penakuenebinümü. Adomiran pejjünato Abda pe yaewetsinümü pe ayai jawanü pe nakuenebijawanü. ⁷ Salomón jjaina doce (12) ponübeje pe itorobinüanü dajjita Israel jawata, pamonae to kapata biaba pejjaejawa reinü, pija bo nejjanüa. kaenü kanakujitsia pejjaejawa to kapatabiabatsi kae juemeto, kae wai kanakujitsia. ⁸ Bajara pamonae pewünüanüje: Ben Hur, Efrain ibotsuto jumatatsia; ⁹ Ben Decar, Macaz jawata, Saalbim, Bet Semes yajawa, Elón Bet Hanán; ¹⁰ Ben Hesed, arubot jawata (piajawa yajawa Soco dajjita iranüa Hefer); ¹¹ Ben Abinadad, dajjita distrito Dor jawata (Bajaraponü barüponapona Tafat, Salomón pijjünatoyo pijawakuenia); ¹² Baana pejjünato Ahilud, Taanac, Meguido jawata, dajjita Bet Seán pe ekaejawa Saretán mujjuneneta, Jezreel kujinaereka, Bet Seán kujinae Abel Mehola jawabereka itsa mujjuneniabereka Jocmeam; ¹³ Ben Geber, Ramot Galaad jawata (yajawa pija tomaranümi Jair pejjunato Manasés jjua Galaad jawata, Argob nakuata bajaraponü pijawami, pe ekaejawanü Basán jawata, sesenta (60) pa tomara jjanetonü ya itajjatatejeba, pe baupa jjatatsi nejja bronce naebonü); ¹⁴ Ahinadab pejjünato Iddo, Mahanaim jawata; ¹⁵ Ahimaas, Neftalí jawata (pijinia bajaraponü pita Basemat Salomón pejjünatoyo pijawakuenia); ¹⁶ Baana pejjünato Husai, Aser jawata yajawa Bealot; ¹⁷ Josafat pejjünato Parúa, Isacar jawata; ¹⁸ Simei, pejjünato Ela, Benjamin jawata; ¹⁹ pijinia Geber, pejjünato Uri, Galaad pija irata, Sehón pija nakua , amoreowi pija reinü, yajawa Og Basán pija reinü, bajaraponümi kaenü pe itorobinü kuene nakopata pa irataje. ²⁰ Judá yajawa Israel bitso pepo ayaibitsaütomi, be tajeta monae manueme jawata. Bajara pamonae jjane, apaenajebalia na barüyatane. ²¹ Salomón reinaba dajjita reinojawanü jawa, mene jawerena kujinae Filesteowi pija ira jawabereka, Egipto pija ira jawalia. Bajara pamonae kaponarena pe matamatsinejja Salomón jawabelia, dajjita matababi yawenonatsi pe asaüepato. ²² Pejjaejawa Kae matakabita Salomón nejja treinta (30) pa wajjibeje doscientos veinte (220) pa litrobeje pepo pejjania Harina, pijinia sesenta (60) pa wajjibeje doscientos veinte (220) pa litrobeje harina kae jawa kanakujitsia ²³ diez (10) pa bueyebeje penasitsinüanü, veinte (20) pa bueyebeje pona jjaenüanü, cien (100) pa ovejabeje, namatajütsi nejewa owebi, kenanali dajjita dajubijji penasitsinüanü. ²⁴ Bajara jjua kujinae bajara ponü dajjita nakua itoroba, mene pa itsa panajawelia, Tifsa jawereka kujinae tajü jawabereka pakuenia Gaza, dajjita itoroba reyewi pa mene itapa welia, bajaraponü jamata ejema ponapona dajjita jiwi jawabelia pemujjuneneta pejinawanapaewi. ²⁵ Judá yajawa Israel jamatabejema jinawanapa, kaenü kanakujitsia pija parra büjüpanata, pija Higo naejawa büjüpanata, Dan jawata kujinae Beerseba jawabereka, dajjita Salomón pija matakabianü. ²⁶ Salomón jjaina cuarenta mil (40000) pa caballobeje establojawata pija carronünejja, doce mil (12000) ponübeje pe yajinawanapaewi nejja. ²⁷ Pamonae pe itorobiwi pejjaejawa to kaetuata biaba rey Salomón nejja, yajawa dajjita nejja pamonae pata Salomón pija mesajawa berena, kaenü kanakujitsia pija juemetota. Apo sajinaeya ejjanae kaejawa ata. ²⁸ Bajara pamonae pijinia kaponarena Cebada jawanü, póna caballonü nejja carro pekajinawanapaewi, caballo pe juma jinawanapaenüanü, kaenü Kanakujitsia pe kuene kajüpae jawatsi. ²⁹ Dioso rajuta Salomón jawabelia ayai kuene peyapütaenejja, pejumetaenejjanüa, pepo ayaijawa kuene pejumetaenejja pakuenia tajeta manuemene itapata. ³⁰ Peyapütaejawa Salomón kuene matatojjeneta dajjita waüyabereka pe jinawanapaewi pe yapütaejawa matatojjenetsiyo, dajjita Egipto matatojjeneta peyapütaejawa. ³¹ Bajara ponü dajjita jiwi matatojjenetsiyo yapütane- matatojjenetsiyo Etan, Ezraítanü, Hemán, Carcol, Darda, pejji Mahol, kuene yapütaerutatsi dajjita nakua jawa, jjuanü matatoyoronatsi. ³² Bajaraponü tres mil (3000) pa peyapütaejawa beje jumaitsi yajawa pe wajianü mil cinco (1005) pa wajibeje. ³³ pe naitajjuto kaewetsi jawa naejawanü yabara yakina, Cedro Líbano jota pe nukaenae yajawa hisopo ponaenü pared jota juwa. pijinia tsipaeba piayainüanü , pe punaenüanü, pe bokaponaenüanü, dujainüanü yajawa. ³⁴ Jiwi ponabiaba dajjita nakua jawerena pe jumetae nejja Salomón jjuanü yapütane. Dajjita ira pija reyewi na ponarena pe jumetaeta pe yapütaenü kuene.