¹ Salomón namja monaenü ejjanu Faraón nüta Egipto pija Rey, itsa pita Faraón pejjünütayocapona David pija tomarabena, peweretsikuijinue pija bó. Dioso pijabo ata peyanaitacaranjijawa Jerusalén ata. ² Bajara patomora mijiwi ejjana sacrificio petsuto jumata. ³ Salomón nakuena itejüta, pejitsipaejüwu Dioso, pekanonoewa pajja peliweitsi David, Itiato abajjü pabajara ponü Salomón abajjü ejjanabiaba Sacrificio petsuto jumata. ⁴ Rey Salomón pona sacrificio pe ejjanoenejja Gabaón jawata tsipaji pena niatamotsi tajjünae Sacrificio. Salomón rajutamil jjüabeje petajuitsinejja bajara po altar jawata. ⁵ DIOSO tsitanaütejeta Salomón Gabaón jawata mejitsinacbota: baraponü jumeitsi iNewajüre jjüa jitsipame taka rajütsinejja! ⁶ Nejjata Salomón jumeitsi: "Jumü raja cajena tsitaejütame peponejitsipaejüuu tojja David, tsipaji bajara kuta ponapona nitebarata najamatabü copataiaya jjamüta jjanepanaya jamütabukuene roviaya. jjamü raja jjanewaitame niaja perijijamatabükuane rajatame nua pejjünato pe ekaerejja trono jawata ajena. ⁷ Ajena, tajutujjanenü Dioso necjamame Rey, tajja pekowüta, itsa jjanü pe wüjüatona, apo yupütainüta mata caponaenejja Rey kuenta. ⁸ Niaja pienünü raju nuka tomara tutajüta ponci itapetame, itsipaji raja matomara mijiwi ayei bütseito jjaneta itsajiwi ata aponamatajitsi tsipae. ⁹ jjanü nejarajure nija pianünü taja jamatakuene yapütaejawa ta ewetsinejja nija tomara pijiwe uapütaejitsiaminuu, pensikuene pejjaniukuene yajawa. ¿Jipatsi kuene kajipatsi pecwetsinejja ayei bütsaito jjaneto nija tomara pijiwi? ¹⁰ Pewajijawa Salomón tsita jjaneponatsi Dioso. ¹¹ Nejja Dioso jumeitsi: Detsa jjuaitsia jjua newajütamebajara jjüa aponewajitsimü jjamü raja apo rewajütsimü bajayajebi neponaponaenejja mopanakuata nejjeinanejja nua nekueya ato ta werebiabinejja saya newajütamejjamü nejja peyapütaejamatabükuene pejjaniakuene ne ejjanaenejja. ¹² Taima ajenaconojjae itsintsane tejjitu jjüa newajütame. karajutsiunatsi peyapütae jamata bükuene itsi jiwiya ata apo bejjamü tsane newajinaya ajibi tsane bejjanü pemamatakotsinejja jjamü wekua. ¹³ Kairajutatsinua jjua aponewajütsimü karojutsionatsinua nejjeinajawa pekayeitayanejja, jjamü wekua itsa reynü ata be jjamütajjita matakabi. ¹⁴ Itsa jjamü ponaponainame taja namutota nejjanewaitsi nejja taju tiwaitsi taka kuajarubijiwa be ajja David ponapona nejjuta kato apaejjanantsi nija matakabi. ¹⁵ Nejjata Salomón naükota pe amajitsineejawata tane pana Jerusalén jawabelia nukajopi Dioso pija arca del pacto pitaborato bajara ponü rajuta ofrendas pactojuitsijawa pejjaneponae ofrenda, ekka itoma dajji paja paniwinejja ¹⁶ Nejjata anajawabeje penamatayajitsi wabeje ponabeje Rey javabelio nukabeje rey bitoberata. ¹⁷ Kaepetiriwa jumaitsi "taja tujjanenü murapowabeje ponajua ponaponajü beje kaebota, jjanüitajitajü pebinakueto itsa abajjü bota nakopate imisiu." ¹⁸ Nejjata akueyabi pomatakabibije kuijinae peitaejitsikuijinae bajara pabota. ¹⁹ Nejjata bajara powa pejjünatoniyo tüpa bajara pa merawitsipaji matokinünuka. ²⁰ Nejjata bajara puwa nenatupuna merawitutujütapita tajjünütoniyo jjunü wekua itsa abajjü nijapianüwa majitaji, nisibuata petipacnakueto. ²¹ Itsa neikotajü matakabiwüpata tano mirajütsinejja tajunitoniyo toneji petsipae nakueto. nejjata pakuijinae tanijijjanewaitsia bajaya taniji apotajjünütoniyo poniyo itaejitajü. ²² Nejjata itsa wa jumaitsi: "Jume raja piaaseü nakueto tajjüto, petsüpaenakueto jjamüraja jjamü nejjünato." nejja bajara powabeje kuekuejeibeje Rey pitabaratu. ²³ Nejjata Rey jumaitsi: "Payayuno jumeitsinbeje: tajjutoreja neto asei, jjamü raja nejjüto kato tüpa itsowa jumeitsi: june jjanü nejjünutoraju katotüpa jjanüraja netoasei." ²⁴ Nejjata Rey jumeitsi: Espada panetokarenamire." nejjata to karenatsi kae espada Rey pita baratu. ²⁵ Nejjadu Rey jumeitsi: "patuputsane anija epatobeje pia asei nakueto rajure kae epato ma papetiniwaje, itsa epato itsua wa. ²⁶ Nejjata petiriwapekoji aseiwa barikuekuejei Rey tsipaji tsijamatabükuene wünükatsi peitujjüto tsonio taejawa tsipaji pejjünatenateniya jumaitsi "taja tujjanenü, rajure bajara powa muasei nakueto, itsa kuene yabaru putsa beyajjuabame." itsa wajjumeitsü bajara panakueto apo jjunünejjuni jjamü ata tsare. ²⁷ Nejjata Rey jumeitsi: "rajure popetiriwa copiayapia aseinakueto pütsa pabeyo jjuabame tsipajirajapena." ²⁸ Itsa dejjita Israel jumetane jjüa ejjana pejjania kuene puejjanae jawa, bajara pamonae yeitene Rey, tsipaji tane Dioso peyapütaejamatabükuene perajutsijawatsi Salomón.