¹ Itsabaja imojjoyota piaja matakabi David petüpaenajja bajara ponüitoroba Salomón pejjünato jumaitsi. ² Jemata rabaja tüpaenajU, ajamatabükuene Saümü rabaja tsane. ³ Jumejjaniataeya peitorobiliwaisi petujjanenü nijatujjanenü ponaponaename piajo namutata, nejumekowünütsinejja jjua kaitaweta, jjua ata koitoroba, bajara ponüpeliwaisi jjua ata najumekapanepaeya bepejjünatowenia jumaitsi, yopütaeya kuenia nakuenebianame paliwaisi najumepueneta Moisésta, ayaijawajjanetonü nekobecowü nejjainaenejja, itsa belia poname. ⁴ Bajara pakuenia petujjanenü pejjaniajaijawanejja taneitorobiliwaisi jjanü yabara jumaitsi: Itsa nejjinakuene ewetsiana, baitsi jinanawanapaena taitabarata nejumecowinitsiaya dajjita pejamatabü itjütowetsina pejamata bü cueneta ato, jjamü baja kajena apo katosajinactsame nejji pemomojji peyanakua ewetsinejja petujjanenU pitapetsiwi (Israelita). ⁵ jjamü ata baja yapütaneme Joab, pejjunato Sarvia jjuanejjana, jjua ata ejjana pajaraponü anijanübeje penamatakoitorobinübeje petujjanenü piaja wajabitsaiwi, Abner pejjünato Ner, Amasa ata pejjünatojeter, bajara ponü beyajjuabatsibeje. Pejana kayajato apo penabematakobi ruto pejana pe epamaitota penatajjujjatatsijawata ata. ⁶ Jjamü baja najamatabUcuenekajitsiaya neyapütaeyacuenia Joab itsimütsane itsiota pütsa itsa perujüjjaniwaetsia mitjütone. ⁷ itsiata baitsijane, to najamatabü itajüre nebejiobiotaejawa pejji barzilai galadita, majunare mijamezata pejjaewijawato penajjaenejja tsipaji bajarapomonae neyawenonopokujinae nebarajima Abson nijabonanü. ⁸ Taema, bajara jotayajawa ponaponame simei pejjünato Gera, pejjünato Benjamin, Bahurim, naca pijinü ponünebijatone pibitsiajumeta pamatacabita ponajü Mahanaim. simei necopiapita Jordán büjjüfotota, jjanünajamatobü capatajjü taja tujjanenijawabelia, jamatabü jumaitsinü jjanü apo cabeyajjuabitsanetsi espadata. ⁹ Bajara jota, baja pütsa ananecotsijinünejewa capotame, jjamü neyapütaenü jjamü yapütaename pacueniaitsimü tsane pajaraponü ramaereca pematayajjirinaenü mitjüareca pejano wünücaenü. ¹⁰ Nejjata baja David majita piaja monacta baja kotokaewa mütjütsatsi baja David pija tomorajawato. ¹¹ Pamatakabi beje David yanacua eweta ponapona petujjanenü pitopetsiwitsi cuarenta pawaibeje bajaraponü yanakuo ewetaponapona siete pawai beje Hebron macuota treinta y tres pawaibeje pijinia Jerusalen jawata. ¹² Nejjata Salomón juya naejjana peyanacua ewetsinü pajja David peckaetajjunaeta. peyanacuo ewetsicuene bitso rovia. ¹³ Bajara pacujinae Adonias, pejjunato Haguit pona Betsabé jawabelia, pena Salomón jamaitsi bajara papetiriwa imajetorukame tsabaja nesiwajamatabUcuenejjanepa naeya? bajara ponüjumepita; jaja jai. ¹⁴ Jumaitsipajaponü; jjanü jjainajü itsa liwaisiyotacajumaitsinejja, petiriwa jumepita kuai kuaijamire baitsi baja. ¹⁵ Adonías jumaitsi; jjamü yapütaneme panacua ta ewetsinü nejja, tajjita petujjanenü piajo jiwi eweta wonopa jjanü tayanacuo ewetsinejja, baitsi jane, tayanacua ewetsicuene itjotjiana peewetsinejjo tajabananü, macuo nacuenebünü pejamatabücueneta. ¹⁶ Betsabé pejjania cueneneto ejjanaename pitsamejume jjuabame, Betsabé jumaitsi bajara ponüta "kuikuijamirebaja. ¹⁷ Bajara ponüjumaitsi: Pejjanicuene neto ejjanacname, neto barikuikuijamitsane Salomón nacua ewetsinüta, tsipaji apo kawekua asiwatsane jjua wajitane, tanerajatsinejja Abisag sunamitamacuapijiwa tajawa nejja. ¹⁸ Betsabé jumaitsi "Bitso jjanedana, jjanU raja tomara peewetsinü barükueikueijanütsame." ¹⁹ Betsabé, nejjata, pona tomara peewetsinü Salomón jawabelia pebarü kueikueijai nejja yabara Adonías. Peewetsinü tomara nanatapuna pebarü nakajjitajarabinejja arapowa jjukujinae arapowa pitabarayareka ekareka jjukujinae araponü eka piaja tronota pena nejja ata tomara peewetsinü tsipitsi ejjana pe ekaejawa. Arapowa eka pekuajania. ²⁰ Jjukujinae Arapowa jumeitsi: "Jjanü kawajütatsi pejjania kuene, neto itoyamü pütsa." tomara peewetsinü jume kanabieta arapowa: "Jumaitsi taena, apo kato itoyatsanetsi." ²¹ Arapowa jumaitsi: "Kopare Abisag sinamitawa jemabaja to ponae Adonias, nemata pijinü, be pija wa." ²² Tomara peewetsinü Salomón jumepita jumaitsi peenata: "¿Dejjujitsia apo wajütsimü jjamü ira aradonü nejja ata, ba biji aradowü newekua matapijinübo ara ponü nejja, Abiatar sacerdotenü nejja, joab nejja pejjünato Sarvia? ²³ Nejjata tomara peewetsinü Salomón nawajüta petujjanenü jawabelia, Jumaitsi: "Petujjanenü bajarapakuenia jjanü ne ejjanae, Adonías itsajumeta ata apo jumaitsi, aponabaranatsipaebi." ²⁴ Be jumaitsitsi ajjonajjae, ponapona petujjanenU, araponU tsipiji ne eeta piaja tronota David tajja, boo neto nakueneba pakuenia baja nejumaitsi tsidaji Adonías baja wüpetüpaeneja. ²⁵ Bajara pakuenia tomara peewetsinü Salomón itoroba Benaía pejjünato joiada, Benaía kajjitajaraba Adonías jjukijinae Beyajjüaba. ²⁶ Jjukujinae tomara peewetsinü jumaitsi Abiatar Sacerdotenü jawabelia: "Ponare anatot jawabelia, pija tusatobelia nejamatabü jjanepanaenü, bajarajjuata jjanü apo kabeyajjuabi tsametsi, tsipaji jjamü yawenonaya kaponame piaja moo petujjanenü DIOSO pewajunaya David tajja nabijiobitamü pakuenia tajja bitso nabijiobita. ²⁷ Bajara pakuenia Salomón jjüaba Abiatar piaja Sacedotenü kuenia petujjanenü, ikani araponü pakuenia rijume kowünatsimejja petujjanenü, arajjuata to yabara kueikueijai, Elí piaja boo silo jawata. ²⁸ Pejanajawa to patatsi Joab, tsipaji Joab yawenona Adonías, apo yawenonae ata Absalón. Ara jjüata, Joab namuetsi nabekua pona petujjanenü piaja pekanajitsi boo yaabelia to nota pe jebi mataetonü pena wajükabiabi boo jawata. ²⁹ Tsipaibatsi tomara pe ewetsinü Salomón, Joab pe najaitabijiribijawa petujjanenü pija boo yaabelia ajjonajjaita ponapona pena wajükabiabi boo mujjüne neta nejjata Salomón itoroba Benaía pejjünato Joiada, jumaitsi "itsimüre." ³⁰ Bajara pekuenia Benaía rena petujjanenü pijaboo jawawerena jumaitsi "tomara peewetsinü najjatsia pitsaparemena." Joab jumepita "Jjanü jota apo tüpainü tsane." Barajjüata Beneía nabieta pejanakuenia tomara peewetsinü jawabelia, jumaitsi "Joab junaitsi bajaraponü pina jitsipa petüpaejaba penawajüka boo ünüta." ³¹ Tomara peewetsinü jawabelia: "Itsimüre pakuenia araponü jumaitsi beyajjuabare mütjüre jumetejema tane wekua pitsinejja jjanü pakuenia tajja piaja boo jawata pe jana jjüaba a nekuenijibia." ³² Petujjanenü itsiata kato kanabiatsiana ne jana pepo piaja matabokotota, tsipaji araponü waitaba najuanübeje pija jamatabü jjanepanae nübeje wekua arapoü jjukujinae araponü beyajjüababeje espadata Abner pejjünato ner, pija waja bitsaü tujjanenü Israel tomara pijinü, Amasa pejjünato Jeter, penamata kanukainü Judá tomarata, apoyapütae nejeba tajja David. ³³ Bajara pekuenia nejjata Joab to kanabietatsi pe jana pematabokotota dajjita piaja monae wiriabi ata, dajjita matakabi jawabelia nejja David nejja yajaba piaja monae, piaja boo nejja pe yajamatabükuene jinawanopaejitsia jjania waitsia kuenia baruyaya dajjita matakabi jawabelia DIOSONÜ pija jamatabükuene. ³⁴ Nejjata Benaía pejjünato Joiada tsamajjü junaya Joab peyajjuaba bajara ponü piajanümi mutütatsi pe ekaibota wayato tusatota. ³⁵ Nakua ekietsinü nuta benaia pejjünato Joaida wajabitsaü piaja tajjünaita, pijinia nuta sadoc Sacerdotewi piaja tajjunaimita Abiatar. ³⁶ Bajara jjüa kuijinai nakua ewetsinü itoroba junatsi ejjana simee, jumeitsi mapakueniaje: nakuenabare jjamü nejja nejja boo Jerusalén tomarata bajara jota ponaponainamü pütsa pitsapamü itsa tajjünaiyabeliata. ³⁷ Pamatakabi jjamü pitsapainamü itsajawabelia valle Cedrón bebeliyo yapütanemü jjamü netüpainü nejja, niaja nekone yabara. ³⁸ Nejjata simei jumeitsi nakua ewetsi nü jawabelia "Jüa jumeitsi mü jjanepana. pakuenia taja tujjanenü jumeitsi bajara pakuenia nija jiwitonü ejjanaina." Bajara pakuenia simei ponapona Jerusalén tomarata bajaya jebi. ³⁹ Nejjata akueyabi pa waibeje kuijinai najjua nübeje najitabijiraba beje Aquís, pejjünato Maaca nakua ewetsinü Gat tomarabelia. Simei tsipaibatsi penu kaijawabeje piaja jiwitonü beje Gat tomarata. ⁴⁰ Simei najjaniabaija juma küba piaja dajubi pona peya pü jaitsinü piaja jiwitonübeje Aquís Gat nakua ewetsinu jawabelia kajjitajaraba piaja jiwitonübeje, kanawiarena bajara pa nakua Gat jawaberena. ⁴¹ Itsa jiwiyo tsipaipa nakua ewetsinü Salomón jawabelia simei peponaijawa penawiatsi jawa Gat tomara jawabelia. ⁴² Nakua ewetsinü Salomón itoroba piaja jiwi junatsi ejjana simei jumeitsi mapa kuenia ¿Apo kajumeitsitsi nejjata jamü DIOSO pita barata pütsa pitsapamü Jerusalén tomara wekua itsa jawarelia ata kajumeitsitsi itsa pitsa painamü ponainamü Jerusalén tomara wekua tupainamü jjamüne jumeitsimü taja tujjanenü jjanepana pakuenia jumeitsimü bajara pakuenia ejjaina niaja jiwetonü. ⁴³ Nejjata dejjutsia apo jume kowünütsimü jjua kajumaitsitsi DIOSO pita barata? ⁴⁴ jjamu yapütanemü pa pebisia kuene ejjanamü tajja David jawabelia. DIOSO kana nekonitsi ejjanaina pa pebisia kuene ejjanamü. ⁴⁵ jjanü nakua ta ewetsinü Salomón neyajawa tsane DIOSO nera jutsiana pinijikuene bajara pijinia pakuenia tajia David wünü tsitekaina DIOSO pita barata dajjita matakabi jawabelia ⁴⁶ nakua ewetsinü itoroba Benaías pejjünato Joiada pebeyajjüabinejja simei. Bajara pakueneta Salomón nakua ewetsinü najamatabü itajüta ayeijamatabü kuenü kuene.