¹ Itsa matakabi kuijináe, Nabot bajáyata Jezreel jjainabuata pe úbijáwa palacio imojjóyo jáwata Acab, Samaria piaja rey. ² Acab bá rükuai kuaijai Nabot: "Né rajú re neúbi jáwa, itabü tijitsianü pejjae bájjuto jjita, tsipáji taja bóo wékua imojjóyo boka kakambia biabatsi pejjania pábi o, itsa jitsipame palata kamatá motsianatsi paláta. ³ "Nabot jume kanawiata Acab: "Taja tujjanenü ápo netókajitsi páe taka rajutsijáwa tane rajútsi jáwa taja monaemi." ⁴ Nejjata Acab jonéya piaja palacio jawália jámatabü büajai jamatabü anáya pejúmaitsi jjaetsi Nabot jezreelitanü pakuíjináe jumaitsitsi: "Ápo ká rájutsi tsánetsi tane rajutsi jawa taja monaemi." Baja rá ponü bokójopa piaja camata ira taya boka ápo nábani. ^{6 5} Jezabel, táyojopa pamona taenüka jopa yanijoba: ¿Itsa jjuatsia bitso nájomabü jjainane, apo nabaními áta?" v 6 Jume pita: ba rükuái kuaíjanü jezreelitanü jumaitsinü: kakomuatatsi neúbijawa, o itsa jitsipame pábi kayájawa rajutsia natsi nijá pábi nejja.´ Nejjata nejume kanáwiata jüme nejai." ⁷ Nejjata Jeabel pamóna jume kánawiata Jezreelnü: "¿Nejjata kaejena jamü ápo itó robimü Israel? Nonota púna re nabáne ree; baja rá jané jámatabü ba rüyamü tsane. Jjanü káta wekua pitsia natsi Nabot jezreelitanü. ⁸ Nejjata Jezabel cartas yakina pewüta Acab tó sellabatsi baja ráponü piaja séllota tó itó roba anciánowi, ricuwi pamánae bá rüekabiaba péna kaetuatsi jáwata baja rá pomónae jawábelia itó roba carta, pijinenia imojjoyo penübe naewi Nabot wékua. ⁹ Baja rá powá cartas yakina, jumaitsije pána juná re ayuno nejja, ápo si wá nabani Nabot pá etsiáname dajjita jiwi tuatújuta. ¹⁰ Panutsiá name jania nübeje píá kuiji rúu béje nübeje yájawa pejumaitsi néjjatsi jjamü ita tüpáe janítame Dioso rey yájawa. Baja rá jüa kuijináe pá jutsiá remeliá páne tsekonáe nejja ibótonta áta petüpáe jawábelia. ¹¹ Baja rá pomónae, ancianowi, ríkuwi toma rá pijiwi, itsítsi pakuénia Jezabel najúme itó roba cartata baja rá pomónae jawábelia. ¹² Nejjata, Nabot ápo siwá nábanetsi etatsi. ¹³ Janía nübeje pía kujji rúu beje nübeje jonena ekójopka ta beje Nabot naüka tékatsi beje. Baja rá ponübeje jume ká rubaatsi Nabot pitabü néjewa toma rá pijiwi, jumaitsitsi: "Nabot natsi itatüpae janita Dioso rey pijinenia." Nejjata baja rá pamónanae natsi majjü kápena táju rá wékua tsékona ibotónüta. ¹⁴ Ancianos mónae najume itó roba Jezabel jawabelia, jumaitsiaya: "Nabot rábaja pá tsekonajü, botonüta tüpa rábaja." ¹⁵ Pákujinae, Jezabel júmetane pé béyajjuabi jawátsi ibotónuta, baja rá powa jumaitsi Acab jawábelia: "Nonota púna re nepitsi nejja Nabot jezreelita piaja pábimi, pá pábi ápo ká kanajetsi jitsi páe, tsipaji baja rá ponü ápo asaü tsapóna pónae, tüpa baja. ¹⁶ Pakujinae Acaba júmetane Nabot petüpáe jáwa, nonotápuna núka pona reka Nabot Jezreelita piaja pábimi, baja rá pakuenia wékua pita. ¹⁷ Nejjata Dioso júme patajopa Elías el tisbita jawábe rena, jumaitsitsi: ¹⁸ Nonáta puná re liámü re táename Acab rey Israel nü, Samaria jawáta pé pona ponaénü. Baja rá ponü rá núkalia Nabot piaja pábita baja rá ponü tayójo palia najjai náya bijjitsia. ¹⁹ Copiya ba rükuai kuaijamú tsane tsipaé bianame Dioso ká jumaitsi: "¿Yaba rá beyajjua bame má jjüaje piti itsiamü. Nejjata jjamü jumaitsimü tsane baja rá ponü jawabeliá jumaitsi nejjata Dioso: itsa jóta awi rii jána raébatsi Nabot, baja rá kájana raebiana jája 'a kajána raebiana. ²⁰ Acab, Elías jawabelia jumaitsi: "¿taja wájabitsaünü máje?" Elías "júme kanawiata." jjanü ká kajji tája rajabatsi, jjamü nija kuata náka nájetame pebitsia kuene nejja náenejja Dioso pitabü néjewa. ²¹ Dioso kajujmaitsi má jjúaje: Táema, jjanü katsi máta jjamü jawata, ajibia ejjanae najü dajjita káto tupaena káe pebinuyo kánakuijitsia, pá pekatá nakueneba biábiwi itsa mónae yajawa Israel jawáta. ²² Jjanü itsinü tsane nejji jawáta pakuene itsinü pejji Jeroboam pejjünáto Nabat pakueni Basa pejji pejjüta Ahias, jjamü tsipaji bitso né anáya ejjaname máta káponame Israel pebisia kuene pé jjanae nejja. ²³ Petújjanenü pijinenia jumaitsi baja rá powa yába ra Jezabel, jumaitsi: awi rii jjaena Jezabel muro mujjunenta jezreel jawáta. ²⁴ Pá jiwi béje ná jamatabü Acab tüpa ponaena tomá raata awi rii jjaenatsi. ²⁵ Ajibi pebisia itsanüata bée Acab, siwá najamabü jjaina pebisia kuene ejjanájitsia pita bünejewa petújjanenü, pakuenia Jezabel piajawá mujjü jjaniábatsi pebisiá kuene ejjana. ²⁶ Acab itsi pekobeta wája itajunáwi jáwa piaja dioso nújji jume kowünüta, ápo jume áebi pakuenia amorreos mónae tsúu itsitsi, pamónae pájiwibe petujjanenü Israel piaja toma rá piijiwi pé wajünaya. ²⁷ Pakuijináe Acab, júmetane má pajumeje, baja rá ponü najúma jónota jjuaba pé jumá póna ponaéjawa najjatata piayó jawa jumá ayunába "najanibota", dajjita nüu najja tá reka piayó jáwa biitsó nasiwá najamatabü jjaina. ²⁸ Nejja péjume petújjanenü páta jopa Elías tisbita tsipáe batsi. "¿Táneme pakuenía Acab nebijiobi rajúta taítaba ráata? ²⁹ Baja rá ponü pená bijióbitsi jjae taitaba ráata. Jjanü ápo jámatabü bijianaenü tsane piaja mátakabita; péjjünato rájane piaja mátakabi tsane jjanü ranejeba tówe retsianajü pejji jáwa welia kuijinae.