¹ Ben Adad Aram pijinü, kaetuata dajjita wajábilsü treinta y dos (32) pá wajá bitsaü nüyóbeje baja rá ponüta caballos carros yájawa. Baja rá ponü yaküita Samaria ba rü biá. ² rBaja rá ponü piajiwi itó roba baja rá Acab piaja toma rá belia, Israel piaja reynü jumaitsi: "Ben Adad jjüá jumaítsi: ³ Nija palata nija oro jjanü tájawa. píjinia, Nija wájji, nejji, baja rá pamonae pé asiwá jáwa, jjanü rabja táwaja." ^{6 4} Israel piiaja rey jumepíta: "Jjamü pakuenia jjamü pákuenia jumaítsimü, taja tujjane nümü taja reynümü, jjanü rábaja dajjita jjüayóbeje jjainajü yájawa pitsiáname." ⁵ Piajiwi ikatsiá pá rena jumaí tsitsi "Ben Adad nejjata jumaítsi: kaná jume itó robatsi má jumai tsinü né rajútsiame nija palata, oro, nijawájji nejje.v 6 Baja ra jjüa kuijináe itó robiánajü tajiwi mé rawiá, Bé pitsi hórage, piaja kuata taíkaena pekobeta nija bóo wé rena, niájiwi piaja bóo wé rena jjua pejjane panáe jawánu." ⁷ Nejjata rey Israel pijinü junata dajjita péna mata kanübe naewi baja rá paí ra pijiwi jumai tsejebi: "pejjania kuenia, pá yákino re pakuenia ponü naka anáe ejjanáaje. Baja rá ponü nenájume itó roba, neyá küjüir tijitsia dajjita tajawá yobeje, tájji palata,, oro, jjanü júme ápo janü ⁸ Dajjita ancianowi dajjita jiwi jumátsi Acab jawábelia, "pütsa jume kowünü tame, o júme kujunáwame peka neko nitsijáwa. ⁹ Baja rá, pekuenia jumaitsi Acab, Ben Adad piaja jiwi jawábelia: "Jumaitsi müre taja tújjanenü jawábelia reynü jjanü jéjanü jjüábeje nenajúme itó robame jjanü jawábe rena, namatá jjainaya pajume, jané baitsi kótokaewi pajume júme." Nejjata pejume kápona biábawitsi nawiaba, nejame kápona Ben Adad Jawábelia. ¹⁰ Nejjata, Ben Adad júme kanawiata Acab, má jumaitsi, "jimá nitsi diosonüjji bitso, itsa nekapata abajjü ayi ipúmana Samaria jáwata pamónae tayájawa ponaewi kaenü kana kuijitsia kobená ponaena." ¹¹ Israel piaja rey jume kanáwiata jumaitsi: "Jumaitsi mü re Ben Adad, jawábelia kaenü ata abajjü ápo natsita kübi weretsi, jjanü baja we retajü ta isikaejawa be penaisi kuejawa." ¹² Ben Adad jjüá jumetá neje má pajumeje abajjü itsa ba rü ápa piaja reynüjji piaja bóo jjíya, Ben Adad itó roba ma pá pebijiwi: "paná kaetuá re pána kuja rubá re waja namajjü wanitsi nejja" má pakueniáje Naüjüba pakuenia tsimajjü ponájitsia, toma ra pijiwi we retijitsia. ¹³ Baja rá jjüa küjinae patába profétanü Acab jawáta, Israel piaja rey, jumaitsi petú jjanenü jumaitsi: "¿táneme má pajabítsaü? Taema, jjanü katsi kobe kópa tsianatsi nekobeta ágena, yapütaéname Dioso kuénenü." ¹⁴ Acab júme kánawiata: "¿Itsa ponüta?" Dioso jume píta, jumaitsi: "Wajabitsaü pewü juawi nüjjita, peyá ewetsiwi pitó robiwi tsikiri toma rajji" Baja rá jjüa kuijinaé Acab jumáisi: "¿Ipatsá kóbe namáta jjáinata biana?" Dioso jume pita "jjamü." ¹⁵ Baja rá jjüa kujjinae kaetuata ü pewüjüáwi wajabitsaü, peyá ewetsi pitó robiwi táma rajji. Baja rá pamónae pikani doscientos treinta y dos (232). Baja rá jjüá kujjináe Acab káetwata wájabitsaü, dajjita Israel piaja wájabitsaü nüyóbeje; siete mil (7.000) pónübeje. ¹⁶ Kániwiyo ponéka. Ben Adad apaé pónapona aítajibi tsapóna ponae piaja bóota, Baja rá ponü piaja treinta y dos (32) reye nüjji piaja jamatábü jüpaenü jjitsi. ¹⁷ Wájabitsaü pewü jüawi peyá wenonaéwi toma ra itó robiwi kuiji ruu namáta jjaina rüküpa. Nejjata, Ben Adad tsipáebatsi péna itájjüto kaéwitsiwi baja rá ponü bajará ponü pitó robiwi "Samaria wé rena küijinae tane pébijiwi. ¹⁸ Ben Adad jumaitsi: "Jimá jiná wanapaé áta o naka tsimajjü ponaeáta, pá taíka re páka poná remena." ¹⁹ Baja rá pakuenia pewüjüawi wájabitsaü peyá wenonáewi pitó robiwi toma rajjí pitsapa tóma ra wékua nejjata wajabitsaü ba rápona. ²⁰ Kaenü kana kuíjitsia piája wajabitsaünü Béya jjüaba Arameos mónae nejjata rüküpeka. Israel bá rápona. Ben Adad, Aram piaja rey Nájeta bijí rawáa piaja cobollota itsa caballo bitáütota pepüta. ²¹ Nejjata, Israel piaja rey tó tsekóna piaja caballo, piaja carrro yájawa, wé reta Arameo mónae ayay kuenía. ²² Baja rá pákuíjinae, Israel jawá bé rena patajópa profetanü rey jawata jumaitsitsi: "Póna re nákue rá kaéka re Nasaü kaetua re, nejume taéma dé pakuenía méta itsinü tsane, tsipáji kae wai kuijinae, rey Aram pijinü kátsimajjü ponaena ikatsia." ²³ Aram piaja rey píajawi jumaitsitsi baja rá ponü jawabelia: "Nija dioso únü diosonü. Baja rá jjuajitsia bitsó asáü wajjai wékua, Nejjata júya pajanü pá ba rü nabénajü péjuma tsútota péna pebétsi jáwata, pajanü raenta jané pamoneya biánajü." ²⁴ Má jjüá jámü rée: Júme jai re reye mónae; kápona ré dajjita jíwi piaja comando wékua núba ré pitó robiwi wajabitsai ewetanú bejaetsia. ²⁵ Ikatsia matakó ré wájabitsaü bé pitsi bitsaüto najjüabame, caballo pá caballobéje carro pá carrobeje, ikatsiá pába rü nabénajü pé napebetsi jáwata baja rámeta jané pá amonéya bianajü. "Nejjata Ben Adad júme kobünüta baja rá pakuenia pamónae jumaítsi." ²⁶ Pakúijinae tajjü jjuaba péjana waí Adad kaetuata Arameos mónae bá rüpóna Afec tsekónajitsía Israel mónae. ²⁷ Dajjita Israel mónae núbena ewetá nubena piaja wajabitsaü péna bá rü natsékonáe nejja. Israel mónae páta baja rá pamónae jawata bé anija cabra bitsiüto yóbeje, jané baitsí jané Arameos mónae yákajüpa baja rá páwayafo. ²⁸ Nejja Dioso pía jíwitonü kuijitatsi ba rü kuikui jaitsi rey jumaitsitsi: "Petujjanenü jumaitsi: tsipaji Arameos mónae jumaítsi Petujjanü unü piji diosonü, itsiata baja rá ponü ápo únu piaja diosonü. Jjanü nubiá najü baja rá pawajabitsaü kátsikobe kopatsia nátsi, mátaponía jjamü yapü táename Diosonü kuenenü." ²⁹ Pá kuijinae, wajabitsaü patakaejíwi kana kuijitsia nataénu bena siete (7) pá máta kábije baja rá pá siete (7) máta kábita tajjü jjuaba pena tsekonéjawa beje. Israel piájiwi béyajjüaba cien mil (100.000) ponü beje arameos pijiwi káe mátakabi. ³⁰ Itsa bitsaüto rükü peka Afec jawabelia, tóma rá tútujuta, veintisiete mil (27.000) ponü beje tsímata jópaikatsi penayá ká rante kaejawa (muralla) ápo pená ponáewi. Ben Adad páne páta biji rawa tóma rá tutuajü jawábelia, namáta yaba káe kuarto kána kuijitsia. ³¹ Ben Adad piajiwi jumaítsi: "Abajjü páne páne jume taema poná júmetaniji Israel piaja reyemonae pítajjüto tsoníataewi, pane jjata biá ejjaná ré pénojjo jái jawanü pánamáta kübena pónae najü yájawa, pá kajjitaja ra bijitsianü Israel piaja rey. Belia baja rá pákuenia ápo kábeyajjuabi tsane. ³² Nejjata, najjataba piayó jawanü naepa küba namáta kübiaya póna rey jáwabelia jumitséna pónae: "Nitó robinü Ben Adad jumaitsi: Putsa nébeyajjuaba." Acab jumaitsi: "¿Baja rá ponü káejena abajjü ápo tüpae? taja monáenü rája. ³³ Júya bája ra pámonae ewetanúbena pé jé jaíjawa Acab, pónapona kaejena jái juya baja rá pamonae, "Jája a nija monáenü abajjü asaü."Nejjata Acab, jumaitsi: "páne tó kápona remena." Ben Adad néjjata páta jópa baja rá ponü jawábe rena, Acab junáe ejjanaina piaja mó (carruaje) jawátsia. ³⁴ Ben Adad jumaitsi Acab jawabelia, káto kanawia tsianatsi tajja pátoma ra beje wekua pita ajja, jjamü komuáka re pená báni jawa jjamü nejja Damasco jawábelia, pakuenia tajja itsi Samaria jáwata. "Acab jume pita" kakopatsiatsi má pajúmetaje," nejjata baja rá ponü jawabelia jume pánepa, baja rá pakuenia kópalia. ³⁵ waja júme yeitaünü, profeta pejjünato, jumaitsi penajuá ponaponae nübeje, ü profetabeje petú jjanenü jume kowünta "najjatsiá nekónita jjüá re" jané baitsi baja rá ponü jüme jái. ³⁶ Nejjata jumaitsi pewüna profetanü jawabelia penajuá pónaponae nübeje jawábelia: "Itsa jjüá jitsia ápo júme kowünü tsimü petújjanenü, pákuijinae newé kua natsá tsianame newütjü ká bella jjüabiana."pákuijináe wékua natsá tábaja newütjü kuíjita bá renatsi béyajjüa bátsi. ³⁷ Profetanü ikatsiá itsanü kajjitaja raba jumaitsi: "Nekónita jjuá re." Nejjata kónita jjüaba títibiaba. ³⁸ Nejjata profetanü póna éweta núkaejitsia calle jáwata; baja rá ponü naitájjuto küba. ³⁹ Pakuijinae rey núkapona, profetanü wawájai rey jumaitsi baja rá ponü jawabelia, nija jiwitonü penabé jawawe rena pitsataba rena itsa wajabitsaünü nuka pónapona nékapona taja wajabitsaü jawabelia: Jumaitsi má ponü yá ewetanüka re, itsa jawayo yába rá, ajibi tsa rukáe tsáne, nejjata jjamü júya tüpaéname baja ra ponü itsa panepáe ejjanaéname o itsa jume matamó tsianame tres mil (3.000) pámoneda béje palata nüjji. ⁴⁰ Jáne baitsi nija jiwitonü kobe enatsi lía welia baja rá jjua kuijinae beliá, waja wajabitsaünü najetabiji ráwa. "Baja rá pakuijinae Israel piaja rey jumaitsi baja rá ponü jawabelia: "má rábaja jjüá jitsipomeje. ⁴¹ Nejjata, profetanü jí ráwapúna naítaba rá isikápeneta, nejjata Israel piaja rey ítaba rá yapütame profetanü kuene. ⁴² Profetanü jümaitsi rey jawábelia: Diosonü júmaitsi: "Itsa jjüájitsia kátsi kóbe pánepa baja rá ponü tá tiábinü petüpae nejja, jjamü nejjata tüpaename baja rá ponü pé panepáejjae, nija jiwi ü pámonae náwe retsiana. ⁴³ nejjata, Israel piaja reynü bitsó jámatabü büajái anáepanaya, Samaria jawalia bé pátajo palia.