¹ Acab tsipaeba Jezabel dajjita Ellías pe ejjanaejawa yajawa pakuenia werebiaba dajjita profetawi pija espadata. ² Nejjata Jezabel itoroba mensajeronü Eias jawabelia, jumaitsi: "Pakuenia ne ejjanaena diosowi, aurajibia, itsa apo ka ejjanaaetsianetsi pakuenia ejjaname profetawi tüpaename merawia pa horaje. ³ Pakujinae ajarajjua Elías jumetane, najetabijirawa pe beyajjuabi yaniwatsi pona Beersseba jawabelia, Judá irat.alía ajura jota pueneta peto nakuenebinütsi ⁴ Ajara ponü pona desiertojawa kae matakabi, rena ekojopa enebronae büjjüpanata. Jamatabü tüpa yajawa jumaitsi: "Jjanepana apo jjanepanaenü tajamonae petüpaewi wekua." ⁵ Nejjata majitanuka enebronae bujjüpanata. Jemata angelnü jeyatatsi yajawa jumaitsi: "nonotapunare jjaema." ⁶ Elías naukota, imojjoyo pe matabokoto jawata boka panbü pe sebibü iretota yajawa merabü. Nejjata nábane mera apa ikatsia boKa. ⁷ Ikaitsia Dioso pija angelnü patajopa, jeyatatsi: "Nonotapunare jjaema, tsipaji bitso nakuenebianame jjamü." ⁸ Nonotapuna jjane, apa mera, pejjaejawa asauya ejjantsi pona cuarenta (40) pa matakabibeje yajawa cuarenta (40) pa merawibeje Oreb jawabelia, Dioso pija unu. ⁹ Waju jawabelia pona ajara jota pona pona. Nejjata Dioso jumaitsitsi: "¿Elías itsajjua jaita ponaponame jotaje?" ¹⁰ Elías jumaitsi: "Bitso jamatabü bü janü Dioso yabara, ejercito pija Diosonü, tsipaji Israel tomara nakofünüba nitorobijawa kato bijiana nija altar jawanü, kato beyjeba espadata nija profetawi, jjanü kaenünü, nakopatajü ajara pamonae jjanü ata jamatabü nebeyajjuaba. ¹¹ jDioso jumaitsi: "Pitsapare petsuto jumata núkare netsita naitajüre. "Nejjata Dioso ajarajjuayo najetaruka yajawa piasaü jowibo asaüya jüababa nejjata iboto tojjotojjoka Dioso pitabüta, jané baitsi Dioso ajibi jowibota. Jowibo kujinae, ira jiárata, ajarajota Dioso apo najetaruka. ¹² Pe ira jiaratasikujinae naje taruka isoto, jane baitsi Dioso apo najetarukae ikatsia isoto kujinae pejume najetaruka. ¹³ Pacujinae Elías jumetane ajara pajume, naitabara akata pija panata pitsapalia, waju wüpata nukojopa. nejjata ajara ponü jumetane pe jumaitsi jumetsi: "¿Elías itsa jjua jaita ponaponame jotaje?" ¹⁴ Elías jumaitsi: "Bitso jamatabü bü janü Dioso yabara, ejército pija Diosonü, tsipaji Israel tomara nakofunuba nitorobijawa kato bijiana nija altar jawanü, kaato beyejeba espadata nija profetawi. Jjanü kaenünü, nakopatajü ajara pamonae jjanü ata jamtabü nebeyajjuaba?" ¹⁵ Nejjata Dioso jumaitsitsi: "Kaewüalia nawiaremelia Damasco piji tusato jawabelia, pakujinae paremelia ungibianame Hazael reynünejja Aram jawata, ¹⁶ Yajawa ungibianame Jehú Nimsi pejjunato reynünejja Israel jawata, pijinenia ungibianame Eliseo Safat pejjunato Abel Mehola piijinü profeta nejja nekowüta. ¹⁷ Jehú pina beyajjuabiana pajiwi wekua panepaeata Hazael pija espada, nejjata Eliseo beyajjuabiana wwkua panepaeata Jehü pija espada. ¹⁸ janünejja kopatsianajü siete mil (7.000) ponübeje Israel pijiwi, pematabakabüta apo penawajükaewi Baal jawabelia, pijinia apo tsutsubanutsi." ¹⁹ Nejjata Elías pitsapalia ajara jota kajjitajaraba Eliseo Safat pejjunato, doce (12) pa yuntatabeje bueynuanüta ajara ponü pitabünejewa, ajaraponü araba ponapona pena kopatsi yuntata. Elías lïa ajara ponü jawabelia pija mantata juma okata. ²⁰ Eliseo nejjata kopabanuba bueynuanü, napona Elías peputa; Ajaraponü jumaitsi: "We napüjiobajü tajja taena yajawa, ajarajjua kujinae kayapüna ponaenutsi." nejjata Elías jumaitsi." liamüre najamatabüna pire jjua ka kujarubatsi." ²¹ Ajarapakuenia Eliseo kopata Elías Ajarapa kujinae pita Bueynuanü pija yunta beyejeba pija nüjji, ajara jjua kujinae pewí seta yuntanaenuta. Nejjata ajaraponü rajuta pija jiwi ajarapamonae pejjaenejja. Nonotapuna, Elías pepüta na pona peto nakuenebinejja. yunta beyejeba pija.