¹ Bajáyota dieciocho (18) pawaitami rey Jeroboam, Nabat pejjünato, Abiam tajjü jjüaba pitó robijawa Judá. ² Acueyabi pawai tres (3) Jerusalén ito roba. Pena pewünü Maaca. Baja rá powa pewünümi Abisalom. ³ Baja rá ponü kuiji ruu tane pe ejjana biabi jawa pebisia kuene; apo najamatabü jjaniawaeta ponaponae jjania waetsia piaja tujjanenü Dioso pakoyeneta David, pakuenia piaja monaemi jinawanapa. ⁴ Jane baitsi David piaja tüjjanenü pe asiwa jjaetsi, piaja Dioso rajutatsi lámpara Jerusalenta nejjata pejjunato najamatabü yawenona Jerusalén. ⁵ Dioso itsi majjuaje tsipaji David tó nakueneba pejjania kuene Dioso pitaba rata; pia saü epatoyo, tsipaji apo jume jjuabi kaejawaya ata. Jjuabeje ito robatsi, itsiata bitso apo dajjita to nanekonita Urías el Itano, nejjata nawaja bitsiüta. ⁶ Nejjata nawaja bitsiüta beje Roboam, Jeroboam beje, pisaü epato Abiam. ⁷ Itsajaba na mujjuna eweta ponapona Abiam. jjüa baja ra ponü nokobe tane, ¿Ma jotate apo nato yaquina rutsi Libro jawata jjuabeje nakuene ba Reyes monae Judá pijiwi? Natsekona beje Abiam Jeroboam. ⁸ Abiam tüpa mutütatsi jota piaja manaemi bobena, David piaja toma ra iratalia. Pejjünato. Asa, ito roba pekowüta. ⁹ Veinte (20) waita Jeroboam rey Israel jawata, Asa tajjüaba, ito roba ponapona jitsia Judá. ¹⁰ Pa waibeje cuarenta y un (41) ito roba Jerusalén tomara. Pakue pewünü Maaca, Abisalom toyo. ¹¹ Asa tó nakueneba pejjania kuena DIOSO pita jjuta, pakuenia David, pakuenia piajamonae tsu nakuene batsi. ¹² Baja rá ponü jukapenta pe kenetsia taewi pe wüna pebijiwi itsa jota nawa jüka biaba wekua juka dajjita piaja dioso nüjji piajo monaemi penatsi cobe ejjane jawa. ¹³ Pijinia juta jüaba pakue Maaca, reyna wekua, tsipaji baja ra powa natsi cobe ejjana pe atae jitsibi jumape dioswa Asera. Asa jjuaba buatsia pita junawi jumape tajuita Cedrón bujjüpa foto jawatsia. ¹⁴ Jane baitsi atjübuyo pe rube naejaba apo tijjibi. Baitsi jane, Asa to najamabü kania waeta piaja Dioso tajjita matakabi nejja. ¹⁵ Kajoneyo Dioso piaja boyalia jjua kana kueneba biaba pekobe cowü pajja, jjüajji, wajji, pekana kueneba bibijawa plata wajji oro wajji. ¹⁶ Natsekona beje Asa beje Baasa Israel piaja rey pamatabi yobeje ito roba ponapona. ¹⁷ Baasa, Israel piaja rey, biajatane ayai kuenia Judá, nuta Ramá, pekajane yeniwá itsa jiwiyota o pepitsapae ejjanae yeniwa, Asa piaja iraa jawa berena Judá piaja reynü. ¹⁸ Nejjata, Asa pita dajjita palata oro yajawa pena kopatsi jawa pekae tuata bibiota DIOSO, piaja bota, itsa jota kaetuata rey piaja palacio tutuaju jawata, nejjata piaja jiwi ito roba to kapona jitsialia a Ben Adad Tabrimón pejjünato, pejjünato Hezión, Aram piaja rey, Damasco jawata pe pona ponaenü. Jumaitsi: ¹⁹ "Neyai taenatsi beje jjamü, jjanü ata pijinenia, pakuenia nayei tanebeje tajja, ajja beje. Taema, kato ito robatsi palata oro yajawa ka rajutatsi saya. Baja pütsa jume kowünü tane Baasa, rey Israel pijinü, nejjata neyaba ra jjuabitsia". ²⁰ Ben Adad jumetane rey Asa ito roba ü pita robiwi, wajabitsaü, tsimajjü pona Israel. Bia Ijón, piajiwi, Dan, Abel yajawa Bet Maaca Dajjita Cineret monae, Neftalí piaja irata pe nubenaewi. ²¹ Pakuijinae Baasa jume taejunua ma jjüaje, nakobe copata penakuenebi jawa Ramá nawiata tirsa jawabelia. ²² Baja ra jjua kuijinae Asa na junata beje Judá. Ajibi itsajiwiyó apo jamabü jüpaetsi. Baja ra pamonae juka kapona ibo naejabanü Ramá welia, ponaenüta pikani mata kotijitsia toma rá nejjata rey Asa kana kueneba baja ra ponaenüta baja ra paibota mata kotijitsia Geba piajawa Benjamín Mizpa pijiniá. ²³ Jane baitsi itsiata jawanü apo yakinejebi Asa pekoyene, pekapane paewaja dajjita, jjüa beje nakueneba, pa toma ra beje matakota, ¿no rube nae Libro jawata jjuabeje nakueneba reye monae Judá pijiwi? Pepua petirto baja, atajjü tane tsa ru rukae. ²⁴ Nejjata, Asa tüpa mütütatsi piaja monaemi jota bobena toma ra jawata David pajja jjae. Josafat, pejjünato, rey tsanukae poko wüta. ²⁵ Nadab, Jeroboam pejjünato, ito roba ponapona katsia Israel janiaga wai beje küijinae Asa, Judá piaja rey, ito roba ponapona saya najúa waiyobeje. ²⁶ Baja rá ponü ejjana pebisia kuene pitaba rata Diosnü ejjana ponapona pakuenia pajja, pebisia kuene piakua jaya ejjana, Israel pebisia na ejjana pena kuiji ru taejjae. ²⁷ Baasa, Ahías pejjünato, piaja monae Isacar, atiaba a Nadab; Baasa Gibetón beya jjuaba, baja ra ponü yajiwinü beya jjuaba Filisteos monae tsipaji Nadab Israel monae yajawa mata toyorta a Gibetón. ²⁸ Akueyabi pawa beje kuijinae Asa, Judá piaja rey, Baasa yaba ra beyajjuaba, Nadab peko wüta rey tsanü kajitsia. ²⁹ Pakuijinae baja Baasa rey tsatabi werebaba dajjita Jeroboam piaja monae. Dajjita pemomojji werebaba kaejiwiyó ata apo nakopatsi, ma pakueniaje ajibia ejjana, pejume kowü nütsiwi, pe jamatabü jjane panaewi pakuenia Dioso tsipaeba pikani piaja profeta nüta Ahúas Silonita. ³⁰ Pebisia kuene ra ejjaname Jeroboam, jamü ra bitsó pebisia kuene ejjane jjamü ra mata kapone Israel pebidia kuene ejjana jitsia, baja ra ponü jamatabü aya ejjana piaja tu jjanenü, Israel piaja DIOSO, anaepana. ³¹ Itsajawa kuene pejja naejawa Nadab wününü, dajjita jjüa ejjana, ¿apo yaki narübi libro pejjanae jawa reyes monae Israel pijiwi? ³² Najume jaita beje pena tseco nae nejja beje Asa, Baasa beje, Israel pito robikuiji nae. ³³ Akueyabi pa wai beje kuijinae Asa, Judá piaja rey, Baasa, Ahías pejjünato, tajjü jjuaba pito robi jawa dajjita Israel monae Tirza jawata baja ra ponü to roba veinticuatro (24) pa waibeje. ³⁴ Baja ra ponü ejja pitaba rata piaja tujjanenü Jeroboam imata jjua itsi baja ra ikatsia pa namutua pona, pebisia kuene Israel tsito roba besia kuene ejjana waná pajitsia.