¹ Roboam lía Siquem, jawabelia tsipaji tajjita Israel monae jinawonopa Siquen jawatalia petujjanenu nae ejjanajitsia. ² Jerobam Nabat, pejjunato jemata jumetane jjüáji (tsipajji arponu abajjü Egipto, belia arponu kuijinatabejiriwa petujjane nu Salomón), tsipají Jeroboam Egipto jawatalia pona pona. ³ Nejjata arpamoane itoroba junata, Jeroboam tajjita pena kaetuanaewi Israel monae tsipaeba Roboam jawawelia. ⁴ "Ajja peneto kopata pata nakuenewijawa asauta aikonojjae peneto jjanepanae ejjanare pata nakuenebi jawabitso jjua ajjä peneto kopata peneto jjanepana ejjanare jjua ajjä peneto kopata nejjata paka tonatuene bianatsi." ⁵ Nejjata Roboam jumeitsi: " pa ponare tres (3) pamata kabiwejw nejjata pana wijabare." Jjanu jawawerena nejjata jiwi nawiaba. ⁶ Arponu petu jjanenu Roboam yajaniowa perujununü kopiya penubenaiwi Salomón, arponu pajja itsa abajju asau tsapona ponae arponu jumeitsi: '"¿Depakuenia pena mujjujiobijio wianame pamonaeje jumejinujitsia?" ⁷ Arupamonae barukueikueijeilsi jumeitsitsi " itsajjamu netonakuenebinu ajena arpamonae itsa tonakuenebame, jumepita jumeitsi pejjania liweisi, nejjata arpamonae tajjita mata kabi jebi pekatonakuenebiwitsane." ⁸ Itsiata bijitsane Roboam apo jume kowunutsi pemujjujiowijawatsi perujuwi itsiata rajutatsi peyajiniobinejja pewujuawi penajua witsabiwi natsaneka kopia. ⁹ Arponu jumeitsi: Dejjuane pajjamu pene mujju jiobame jjanu jumenijujitsia bamonae nebaru kueikueijei jumeitsinua: "putsa bitso penenakuenebi ejjaname jjua ajja penenakuenebi ejjana?" ¹⁰ Roboam pena juawitsabiwi jumeitsitsi , pakueniaje : " barukueikueijamure pamonae jjamu kajumeitsi ajja raja salomon penenakuenebi ejjana asauta jjamu itsiata butsabitso penenakuenebi ejjaname jjamu jumeitsimutsane arpamonae : taja kobesitoyo pinija jjaneto tajja jjeina tsikar tabusipallo. ¹¹ Nijjata pikani tajja jjua pakatoruta penenakuenebinejja asauta, nejjata jjanu pakatorutsianatsi peka itorobijawami tajja paka kueintabiawa, jjanu paka kakuatsiejjanainatsi silikitonuta." ¹² Jeroboam tajjita jiwi ponarena Roboam tercer (3) natakabijabata pakuenia petujjanenu jumeitsi: " panawiabaremena jjanu jawaberena tres (3) pamatakabijabata. ¹³ petüjjanenü jumeitsi jiwi jawabelia asauta apo jumekowunutsi pemujjujiowijawatsi perujuwi jjua jumeitsitsi. ¹⁴ barukueikueijei pakuenia jumeitsitsi pewujuawi jumeitsipakueniaje: " tajjabitso pakanakuenebi ejjana peasaujawa , jjanuitsajjawa, jjanu itsajawa pakato rutsianatsi jjaua paka toruta tajja paka kueninta , itsiata jjanu paka kakuatsiejjanaena silikitonuta". ¹⁵ Petujjanenu opojumetae jiwi , tsipaji penakaetuanaejawata najamatabu kuene buatanubena wajatu jjanenu nejja najumekobunutijitsia paliweitsi jumeitsi Jeroboam jawabelia Nabat pejjunato Ahias pejama tabukuenejawa silonita nua. ¹⁶ Pakuijinae tajjita Israel tane petujjanenu aponamujjunaewititsi, nejjata arpamonae jumepita ijumeitsi pakueniaje : " ¿ Dejjua pajjanu panajjeina ju , David jawata? ¡ pajjanu apo pana jjeinanu pataneto puenetsijawa Isai pejjunato! paponare penekanajitsi boonu jawajjia, Israel aikonojjae taema niaja boota David". Arupakuenia Israel nawiarena pekanaji tsiboowerena. ¹⁷ itsiata Israel monae jinawonopa judá tomarata , Roboam naejjana petujjanenu arpamonae jawata . ¹⁸ Nejjanata petujjanenu Roboam itoroba Adoram , jiwi peitorobinu Asauta penakenebijja itsiata bitsijame Israel monae ibotonuta pella jjuaba. Nejjata petujjanenu Roboam naeita wejiriwa najjatsiyo piaja mota jerusalem jawawelia. ¹⁹ Nejjata Israel monae baru anaipana David piaja boomonae abajju pamata kubitaje. ²⁰ Jemata pakuijinae tajjita Israelmonae jumetane Jeroboam pena biatsi jawema arpamonae ponalia ijunata pena kaituanaejawata nuta nejjata petujjanenu nejja tajjita Israel tomarata. itsa jiwiyota apo jitsipae David piajamonae , Juda piaja jiwi seikaya natsitane. ²¹ pakuijinae Roboam patojopa jerusalem , jabawerena junata tajjita boonu juda tomara monae ¡ Benjamin ; piaja salinae a rujota ayeibitsautojjaneto upebi jiwi ciento ochenta mil ( 180.000) peita petsinubeje uwajabitsaununü pebarunabe nejja Israel piaja boonu monae. IkatsiaRoboam petu jjanenu nae jjanajitsia Salomon pejjunato. ²² Dioso piaja liwaisi rena Semaías, jawaberena jumeitsi Dioso piaja jiwitonu jawabelia. ²³ Baru kueikueijámure Roboam, pejjunato Judá petujjanenü tajjita bonü Judá tomarata i Benjamín, itajjita monae; jumeitsimure. ²⁴ wajatujjanenü jumeitsi jjuaje pajjamu apo pobemutsipae peniaja monae, Israel bitsauto kaei pebi kanukuijitsia nabia tsiana najawa jjanu itsinü . "Nejjata arpamonae Namujjunaeweta waja tujjaenu peliwaisi, Najunu punuyoroba nawiaba piaja mamutonu jawabelia ijumecobunuta piaja liwaisi. ²⁵ Nejata Jeroboam nakueneba Siaquen Unu tomarata. Efraín, itane arujota. Pitsapalia arujota Nakuenebó penuel. ²⁶ Jeroboam najamatab jjeina pejamatabu utujutowerena: " Jumeitsi petujjanenu nawiatsiana David piaja woota." ²⁷ Itsa pomonaeje junaina perajutsinejja waja tujjanenü piaja boota Jerusalén tomarata nejiata pejamatabu utujutonu pamonaje nawiabiana ikatsia Roboam Jawabelia Judá petujjanenu. Arpamonae nebeya jjuabiana inabiabiana Roboam jawabelia Judá, tomara tujjanenü." ²⁸ Nejjata arponu petujjanenu Jeroboam jeita pemujjujíobi jawatsi nejjata nakueneba dos (2) becerro oro nubeje,. Arponu jumeitsi tomara jawabelia: "Ayei bitsauto raja penejunainejja Jerusalén. Jawabelia taima pamonae raja niaja dioso nunü Israel, peka kapitsipaewi Egipto irrawerna." ²⁹ Arponu nuta caejawa Betel jawata itsajawa nuta Dan jawata. ³⁰ Nejjata jjuanakuenebame arujjua raja pecado. Arupamonae pona itsa monae jawabelia nawunüpona, tajjita namuto Dan jawabelia. ³¹ Jeroboam nakueneba boo petsutojawata itsinua sacerdotesnunu tajjita jiwi Leví apo piaja jiwi. ³² Jeroboam jumeitsi penakuenebi nejja jota jiwi nakaetuanajitsia panata tabita quince (15), octavo (8) pajuametobeje pakuenía jiwi nakaeituanabiaba Judá tomarata, ijuna altar jawabetsia itsi Betel jawatalia bijiobi ejjana becerro nunu arponu itsi ikapona Betel jawabelia sacerdote nunü petsutota arponu penakuenebi jawata. ³³ Jeroboam juneya altar jawa betsia arpou penakuenebi jawa Betel jawata quince (15) matakabi jawata octavo (8) pajumeto jawata arponu najamatabukuene wereta jjüanajamatabu jjeina arponu jumeitsi penakaituanaenejja Israel monae junaya altar jawabetsia tajuitijitsia petujju jjuwijawa.