¹ Nejjata, Rey Salomón asiwa petiriawi apo pijja nakua pijiwi: faraón pejjünatoyo moabita wajji yajawa amonitas, edomitas, sidonitas, hititas, ² baja ra panakua pijiwi DIOS piajiwi, jumaitsitsi Israel pijiwi: "Pajjamü apo paponaemü pane pitsi nejja bajra papeti riawi, pijinia baja ra powajji pütso paca napitsia ejjana, tsipaji pana nawajü kaename pija diosowi jawabelia". Itsiata Salomón asiwa baja ra papeti riawi. ³ Salomón jjaina ponapona setecientas powa beje pijawa, baja ra panakua jiwi. Piajara wajji trescientas. ⁴ Pijawajiwi nawa jükae ejjanatsi pija dioso jawabelia; Salomón jiwi na nawajüka saikaya DIOSO jawabelia; tsipaji apo jume kowünütsi pejamatabü ütüta jjania waeta David apo itsi baja ra pamonae. ⁵ Tsipaji Salomón jume kowünüta Astoret, sidonios pija dioswa, jume kowünüta Milcom, pita junawinü jawabelia amonitas monae. ⁶ Salomón pebisia kuene ejjana Dioso pita barta apo jume kowünütsi jjania waetsia petu jjaenü pakuenia David jume kowünüta apo itsi Salomón. ⁷ Nejjata Salomón pena pebetsi jabata to nakue neba Quemos nejja, pena jjuabinü pejumape nü Moab, momoto jabata Jerusalén pemütoyo, Moloc pijabo yajawa, penajjüa binü jawabelia ponüta nawa jjüka biaba, baja ra pamonae Amón pijiwi. ⁸ Nejjata dajjita piajawajji to nakueneba atjübüyó penu benae nejja, apo piaja nakua pijiwi, tajuita biaba ütsüjü juna biabaya tsakiapa biaba piaja dioso nejja. ⁹ DIOSO baja Salomón ba ra anaepana, tsipaji baja pija Dioso nakofunta, Israel piaja Dioso, abajjü itsa naitajüta najuata beje ¹⁰ ito robatsi peko patsi nejja, pena püna ponae yeniwa itsa dioswi jawabelia. Nejjata Salomón apo jume kowütsi piaja DIOSO. ¹¹ Baja ra jjuajitsia DIOSO, jumaitsi Salomón jawa belia: "Itsa jjuajitsia ma itsimü apo nejüme yeitaemü, takato yakina buatsi jawa, nejume kowü nütsi nejja jjamü baja apo ito robimü tsane, nija pianinü juya ito robiana. ¹² Itsiata David pejjüto jjaenü, apo kajuta jjuabi tsanetsi, wekua jutsianajü pekobe werena nejjünato. ¹³ Abajjü itsiata apo wekua pitsinú tsane dajjita, rajutsiana jü itsa bitsaütoyo ito roba ponapona jitsia nejjünato David pijama tabü kuene tane jume küwünü tsinü Jerusalén piajawi jjae, tsipaji jjanü ita petaju". ¹⁴ Nejjata, DIOSO tsiko pata pekueyanü Salomón, Hadad edomita nü. Baja ra ponü pepitsa pae nü Edóm jawata. ¹⁵ Pakujinae David na patajopa Edom jawata Joab piaja wajabitsaü pito robinü kapona mutjüka jistia pe tüpaewi, tajjita núyo beje were wereka Edóm monae. ¹⁶ Joab Israel beje jina wanapa seis (6) pa jua meto beje ata ü pewe re were kae jawalia pebijiwi Edóm jawata. ¹⁷ Hadad jutatsi edomita monaeta peto nakuene biwitsi pajja Egiptota, baja ra pakuiji naeta abajjü pe wüjüato nüyo. ¹⁸ Madián jawata baja apo jinawana pae pa rena Parán jawa be rena naka jioba baja ra pamonae jawabelia Egipto jawata pata Faraón rey Egiptota, bonü rajutatsi, ira pejjae jawa nejja yajawa. ¹⁹ Hadad pejjania kuenia tanetsi tsita jjane panatsi, nejjata Faraón rajütapijawa nejja pijawa pejuya pijiwa, Tahpenes pejuyá pijiwa reynawa. ²⁰ Tahpenes pejuyá píjiwa itajüta Hadad pejjü nata nüyo. Pewünü Genubat. Tahpenes witsata Faraón pija palacio. Jawata, Genubat na ponaponae itsa jota Faraón pejji na yájawa tsapona ponae. ²¹ Pakuiji nae abajjü Egiptota pona pona, Hadad jumetane petü paekuene David, Joab ata pitó ró binü wajabitsaü tüpa, Hadad jumaitsi Faraón jawabelia: "Nekópa re tana wiatsi nejja taja monae tajitsianü". ²² Faraón jumaitsi: "Dejjüa abajjü kato saika nija monae jawabelia na jaitsi jitsiamü? Hadad jumaitsi: "Ajibi. Itsiata nekopa re taponae nejja". ²³ Dioso pijinia itsanü pekueya nü Salomón tó kopata, Rezón pejjünato Eliada pija waja bitsaünü Hadad Ezer, Soba pija rey. ²⁴ Rezón kaetúata jiwi nawü ruba pito ro binü kaebi tsaütoyo jawabelia, pakuiji nae David amoneya ba Soba pijiwi. Damasco jawabelia pona Rezón pijajiwi na jina wanapa, Rezón ito roba Damasco. ²⁵ Piaja wajabi tsaüto Israel pakuijinae ito roba ponaponae Salomón, jama tabü jüpa Hadad baja rá jjuajitsia. Rezón atajitsibi Israel moane ito roba ponaponae Aram. ²⁶ Néjjata Jeroboam pejjünato Nabat, efrateo Sereda pijunü, waja bitsaü pitó robinü Salomón, pena pijiwami pewünü Zerúa pamona petó tüpae watsi, biajatane reynü. ²⁷ Baja rá powa jumaitsi jjüa jitsia Salomón naya pü jjatata ká ranota waja namütoyo Milo jawabelia toma ra naya pü jjatata pajja David apo yeitae. ²⁸ Jeroboam pekuijirü asaünümi pejume namatá motsinü. Salomón kuiji ru tane pena kuenebi nü pewü jüato, nejjata José piaja bota ito robiame. ²⁹ Baja ra pakuiji naeta Jeroboam pitsapa Jerusalén welia, profeta nü Ahías silonita namütota kajji taja raba. Ahías najjatata péjana kamisa pantalón yajawa kae jiwibeje ponapoa pija boyota. ³⁰ Nejjata baja rá jjua kuijinae, Ahías piaja tunika pena jjatatsi jawa titika juta doce (12) pá panabeje. ³¹ Baja ra ponü jumaitsi Jeroboam jawabelia: "Pi re diez (10) pa panabeje tsipaji pito robinü, Israel piaja DIOSO, jumaitsi: 'Taena, jjanü wekua pitsia najü piito roba ponapona jawa nejjata jjanü ka rajutsia natsi diez (10) pa jume jiwibeje jjamü. ³² Itsiata Salomón tó nakopa tsia natsi kaejiwi yobeje kae jumewi, pejume yei taejjae David tai tó robinü pena asiwa jjae Jerusalén- taita petsi toma rá dajjita Israel jiwi. ³³ Tsipaji baja rá pamonae ná wajükae jjanü jawa be rena, na wajüka Astoret jawabelia, sidonios piaja diosawá jawanelia, Quemos nü Moab piaja diosonü, yajawa Milcom baja ra pamonae piaja dioso Amón pijiwi. Baja ra pamonae apo nejume yeitae, jjania waetsia pejina wanapae nejja taita jjütua, pena jamatabü liwaisi jjania waetsi nejja tato yakina buatsi jume, pejume kowünütsi nejja taitó robi jawa pakuenia pajja David itsi. ³⁴ Itsiata bitso Salomón apo wekua pitsinü tsane dajjita. Ito robeka ponaponaena dajjita matakabi nejja peasaü epatoyo, pena jume kowütsi jjae taita petsinü David, pejume kowütsi nü taitó robijawa tane jume kowütsi nejja. ³⁵ Wekua pitsianajü nejjata nejji pito roba wana paejawa ka rajutsia natsi jjamü diez (10) pa wi ria pejjai naewi. ³⁶ Jjanü rajutsia najü Salomón pejjünato kae jume jiwi, David itsiata jjaina bia bijitsi na itayo tanu kekajitsia Jerusalén jawata, jjanü taita petsi toma ra tana wünü rutsi nejja. ³⁷ Ka pitsinatsi, ponaponae name newajü tsianame jjua beje jitsipame, reynü tsane Israel tatujuta. ³⁸ Itsa nejume kowünüta pona poname tsita jjane poname taita jjutua, najjania waeta ponaponaename. Taka ito robijawa be David nejume kowüta jjuabeje ito robajü nejjata kaya jawa pona ponaenatsi piataja bo nakuene bianajü, pakuenia to nakue bajü David, Israel nejjata ka rajutsia natsi. ³⁹ Jjanü catiká bianajü David pemo mojji, apo dajjita mata kabi nejja. ⁴⁰ Salomón jama tabü beyajjüaba Jeroam. Itsiata Jeroboam nonota puna najeta biji rawa Egipto jawabelia, Sisac jawa belia rey pijinü, baja ra jota ponapona ata petüpae jawabelia Salomón. ⁴¹ Itsiata bitsó apo küiji rÚ paebitsi jjua itsitsi Salomón, dajjita jjüa nakueneba peya pütaenü, ¿Dajjita kaejena apo yakinae Libro Hechos jawata Salomón peya kinaejawa? ⁴² Salomón roba Jerusalén jawata cuarenta (40) pa waibeje ito roba ponapona Israel monae. ⁴³ Tüpa nejjata mütütatsi itsa jota piajamo naemi bobena David pajja piaja toma rata. Roboam juya ito roba pajja peko wüta.