¹ Nani Inapita tiquihuachinara huëcapairahuatona shahuitërinaco Israirosanta, corto, hua'anosa, nipitarosa Inapitaso co nohuantopihuë ninano yahuincananpicaiso co noyahuë yonquipisopi: Cananino, Ititas, huirisio, Iposio, amonita, moapita i'sio amorosa. ² Israirosaso inahua piyapirosa hui'nina mapi, huininapitanta Israirosa Sanapi mapi Inapoatona Yosë piyapinënpi nisha piyapirosanta, hua'anosa nipisopitanta inapochin co noyahue nipi'. ³ Ina natantahuato napión Séterahuë cotonnehuë osharahuë ainehuenta shinara'tenehuenta huinquitato Iquin na'tanato co noyahuë co noyahuë cacantiyarahuë. ⁴ Co notënquënachin Yosë natetonahuë nisha Sanapisa mapisopitaso papi sëtatona huëcapairinaco tapanatona Ihuarayahuarë huënseasoco huecapairinaco. ⁵ Cohuara Yosë quëchaterasohuë yaipi yanquirahua maninsona Nicahuaso yonquiato cotonëhuë Amorahuëso oquichinachin Cancatërahuë nipirihuën Isonato Imirahuë querán Anquirahuë Sinioro marë. ⁶ Ni'quë caso oshahuanato, Yosë tapantatë pochin nitërahuë nipirinhuë huënsaato quëmaquëpa yonquirahuë oshahuanëhuaso, yonquinënpoa, quërán, panca, tehuëre huaso pochin Yosëpa yacanin. ⁷ Iraca quërarahuarë mashocorosa Inapochin yonquipiso Iporahuanta tehuërëhuaso yahuarin. Canpoaso yaipi hua'anosa corto hua'anosa napoaton yaipi oshahuanëhuaso Isorópaquë yahuëhuasopita Iporahuanta saquio Ira'ca ihuatërinso pochi nipirëhuahuë co tapanë hua huë; Iporahua'nta. ⁸ Napoaponahuë pi'pián tahuërimarë Seniroso quëterinpoa, onpo yahuëcasona. Inaquërán nohuantërinpoa yamiatacasonta. Isonta Yosë nohuantërin apintatëpochin niterinpoa, co noyahuë ninin quëran ocoinpoaso, nohuantërin. ⁹ Nosorotapiraihuë, co naniantërancoihuë pa'pinosorotërai quërán, anotërancoi noyánininso Pisiria hua'an, notëtenan quëtërancoi nanpicahuaiso quë peinën niántahuaiso, napo'onin nininso, quëtarancoi papoyaran cota huento payora Anoyátahuaiso quirosarinquë. ¹⁰ Iporaso Yosënenpoa ¿Matá Itahuaso huachi yaipinpoa co noyahuë ninihuaso piquëran? Shahuitërin poaso cotëtërëhuahuë. ¹¹ Camaitërin penantonapirosa querán Ayonquirin, anipita nopanënaquë pánëhuayaconëhua mapacaso marë. Co noyahuë tapipi piyapirosa ana parti yahuaatona co noyahuë ninápirosa, Inachitopisoráchin co Yosë yonquipihuë mamanshi moshapi co noyahuë nicaisorachin yoquiatona yahuëpi. ¹² Naporahuatón napoterin'quema ama nohuantocoso huë hua'huama nimacacaiso, nisha piyapirosarë Inapitaso conoyahuë nininso ya'nipi piyapisa; chiniquën yonquíco noyachin nicacaso yahuëramaquë Inapoatehua anatahuëri canpoaquërán yahuëpisopita noya yonquiatona yahuápona. ¹³ Yaipi co noyahuë nipiso piquëran canpoarachin tehuërehua, papi conoyahuë nicatehua, oshanenpoa payaterehuá marë, co anainterinpoa huë co noyahuë nininsomarë anaintaoncoso nipirinhuë co anaintërancoihuë. ¹⁴ ¿Nanitërai naquëchin tahuë'antahuaiso co natë'tërain'quëranhuë? Camaiteranso yamo'antahuaiso piyapiro'sapitaróco anapita co quëyatona'pirosa quëranhuën. Co nica nohuitërëquënhuën quëya marë capa nitacamaso co huachi nanpicahuaiso nica? ¹⁵ Seniro Israirosa, Yosënëna, quëmaso noyasáchin ninan, quiyamarë, quëmari shahuitërán ana huëntona, nanitopi nanpitona, quënanacaiso quiyaso tenhuënchachin tehuërai quëmamarë. Napoatón co naniteraihuë quëma notenanquë nicacahuaiso.