¹ Naporó Estrasëso oshanën yonquiatón, nánëquëhuarë, isonahuatón yosë péinën notënanquë. yosë nontarin, notohuaró piyapi'santa yamopí, quëmapiro'sa, sanapi'sa hua'huaro'sa, inahuaso' israiro'sa, niyontonpi inaquë, piyapiro'saso' na'nërantapi. ² sëcaniasëso; Jéin pa'pin Ëlam shinpita inahuaso' "istrasëso itapon" Quiyaso co'no'tequën yosëimaraihuë, quiyaso' nisha sanapiro'sa a'quë ya'huëpiso sa'atërai. Nipirinhuën, napopiraihuë' tahuën ya'huërarin israiro'sa marë. ³ Napoaton yosërë'coi yaanoyatantarai, naporahuatoi sa'ahuëinta a'parai hua'huinarëchachin yosë camaitërinso' të'huatatoi. ⁴ Huaniantaquë, i'so co'noyahuë nisarinso anoyatëquë, quiyaro'coi huaniquë chini'quë huaniquë nanitëran. Itopi. ⁵ Napotohuachinara Istrasëso huaniri huachi, sontaro hua'ano'sa corto hua'ano'sa, natanacaso' marë, nihuiro'sa ya'ipi israiro'santa. ma'sona yonquipiso' inachachin nicacaiso marë, ya'ipi inahuaso yonqui acopiso inapocha'chin nicacaiso ya'huërin. ⁶ Istrasëso yosë pe'inën no'tëtënanquë huaniraton joatan pëinënpa' pa'nin, iriasi hui'nin inaso'. Inaso'co manta ca'ninhuë, copaan tërauta co'ishatërauta corinhuë; inaso' napion cancantatón co' natëtopisahuë' yonquiaton naporarin inaso. ⁷ Naporahuaton nana'n a'papi cotaquë Quirosarinquënta yaipi ninanoto'sa ahuëtono'sa yamoanta'ina Quirosarinquë. ⁸ Cara tahuëri na'corin piquëranhuarë canquihuachina, sontaro hua'an Ansiano'sa nanan acopiso tëhuëtohuachina ocoirapi inahuaso' ina huëntonquëran co'huachi ananitapihuë ya'conatona ahuëtacaiso: ⁹ Napoatón, ya'ipi cota Mincamin piyapinënpita Quirosarinpa' niyontonpi cara tahuër: ni yontonpi. Naporo' yo'quirosaso iscón yaqui catoshanca tahuëri nisaso. Ya'ipi piyapiro'sa prasaquë niyontonpi, yosë pëinën notëtënanquë pa'pi payanatona' inaquëran chini'quë o'nan anotëribso' nicatona'. ¹⁰ Corto hua'an Istrasë huanirahuaton tapon: "canpitaora cha'chin tëhërama. Canpitaso nisha sanapi macatoma' Israiri'sa na'intërama. ¹¹ Napoatón yosë na'con chinotoco', tatamashonëma yasënëna; ina na'tëco: sa'apatëco no'paquëra pi'pico' nisha sanapi'sa manamasonta a'poco', ¹² ya'ipi nihuëntopiquë chini'quë apanitarin: quisaso nisaraiquëma tënanso. ¹³ Napoanahuë nanco piyapisa ya'huëin, naporose pi'pion onapi, co chiniro'i ya'huëtëincoihue aipiran pi'picarhuaiso iso'so co cato, cara tahuiri sacatohuë, napoaton campoaso nani parica tëhuërëhuaso ya'huëterinpoa tenin. ¹⁴ Tanapitahua nipachi sontaro hua'anosa. Inahua pa'ina nihëntonpiquë pa'ina, ya'ipi nohuantohuachina sano'pisa ya'huëina, campoa ninanoquë anciano'sa notënanquë huënina, campoa ninanoquë. Yosëso nohuitonpea ya'tananpitërinpo. ¹⁵ Asaëri huininso Jonata itopi, Tipa huinse Jaasiasë itopí isopochin acorin Misoran, sapitai, Nipita inapita caitahuarin. ¹⁶ Niahuëpiso piqueran huëntahuachinara, Istrasëso corte hua'an ni'ton inari huayenin quëmapi'sa, inaran huayenin hua'ano'sa, tatamashoin ya'huëpiquë, pini nitiquiconinso yo'quique sha'huitërin. ¹⁷ Yoqui caniaritërinso tahuëri naporo yaipi sanapisa a'nopi, inso quëmapireta ya'huarinso. ¹⁸ Corto hua'anosa shinpita a'nara sanapi nisha piyapirë ya'huarin itopi. Esua shinpita Josata hui'nin inaso, inpitanta inaquë ya'huapi, Maasia, Eliasëro, Jari, Getaia inapita inaquë ya'huapi. ¹⁹ Naporo sa'lina a'papihuachi, inahua tëhuëpiquëran inahuase ohuicaro'sa yo'pi huachi yo'cacaiso ya'huërin. ²⁰ Imer shinpita ina'opi Anani, sepatia, inapita inaso. ²¹ Arin shipitantaso: Maasia, Eniasë, Semaiasë, Jeir, Osiasë itopianta. ²² Pasaro shinpita nininsa: Irionai, Moosiasë; Ismaire, natanai, Osapa, irasa. Inapita ya'huëpi. ²³ Nihuihuentono'sa nipiso: osapa, Simai, Quiria, inaso nipiriën Quirita Itopi, P'taiasë, cota, inaran, iriazarë. ²⁴ Cantana'puro'sa nipisopita: Iriasipi ya'coana to'shitëro'sa nipiso: Saran, Tëremo, Inaran. Uri Itopiso. ²⁵ Israiro'sa Patoma Ináran parasë shinpita nininsa: Ramia, iziasë, Marquiasë; Mincamin, Iriazare, Mariquasë, inaran, pinaia. ²⁶ Iran shinpitanta: Mataniasë, zacariasë ëirë, Apeti, Irimoto, Ineran. Iriasë. Itopiso. ²⁷ Sato shinpitonta: Irianai, Iriasipi, Mataniase; ërimote, Zapata, Inoran, Aziza ²⁸ Pëpai shinpitanta: chopana; Ananiasë, Zapai, Inaran Atarai. ²⁹ Pani shinpitante;: Misoran, Maroco, Ataia, Asopo, Inoron, Siarë Ramoto. ³⁰ Paata Maapa. Shiinpita ni'piso: Atana, Quiërorë, Pinaia, Maasiase; Mataniasë, Pizariri, Pinoi, Inaran Manosësë: ³¹ Harim: Shiinpitan, Iriazerë, Isaiasë, Maraquisë Simaiasë, Simion, ³² Mincamin, Maruco, Simariasë Inánopo Harimi Shimpita ya'huëterin ³³ Hasón itopiso' Simashonënpitaquëran: ya'huëantapisopita, Matënai, Matata, Zapata, Irihuito, quirimai, Manasësë inaquëransëmëi itopi. ³⁴ Pani shimanënpitanta' isopita: Matai, Amramo, Oirë, ³⁵ Pinaiya, Pitiasë, quiroi ³⁶ Paniasë, Mërimote, Irisipa, ³⁷ Mataniase, Matënai, inaquëran Jaasaisë itopi. Naporohuaton Pinoi Shimashenënpipita yahuëantarinso' isopita; Sëmëi ³⁸ Peni Pinoi, Simëi ³⁹ Serimiasë, Natan, Ataiya ⁴⁰ Macanatipai, sasai, sarai, ⁴¹ Asarëiri, Sërimiasë, Simariase; ⁴² Sarom Amariasë inaquëra Cosi. ⁴³ Nipo shimashoriënpitanta' isopita: Jëiri, Matatíasë; Zapati, Zepina, Atao Coiri inaquëran pinaia ⁴⁴ Ya'ipi Isopita Nisha Sanapisa macatona' anaquën Hui'nina ya'huëtopi ina sanapiquëron.