¹ Isopitaso anticoro'sa huaa'nënënpita, Bapironia quëran pi'piso naporo hua'nëntarin copirno Artiquisë itopiso. ² Finësë, Gërson inapita shi'almainpita inapitaso, Inapochachin, Itama, Naniri shirahuainpita inaso. ³ Isopita shi'ahuainpitaso Sëcania itopi. Inaran i´so shi'ahuainpita Paro itopi anta, inaran Sacari itopianta. Naporo nishitopi, Pasa anaterapo shonca huinapi'sa, quiricaquë nishitopi, inseransona huëpisopita. ⁴ Inaran a'napita shimashonënanta Paha, Moa: itopi Seraias hui'ninso Elioënai itopi, inapitarë chachin nishitopi cato pasa huinapi'sa topi. ⁵ Sëcaniasëso shi'ahuainpitaso: Bën, Jahasir itopi ya'ipi nishitopiso a'natërapo shonca, huinapi'sa topi. ⁶ Atin shinpitaso: Jonatan hui'ninso Ebe itopi, inaran nishitopiso a'natërapo shonca hui'napisa itopi. ⁷ Elan shia'huainpitaso, Ataria, ina huininso Jësaia itopi. Inaquë nishitopi canchisë shonca huinapi'sa. ⁸ Sefatia: Shi'ahuainso Micaerí ina huininso Sepatia itopi, inapitaso nishitopi canchise shonca huinapi'sa itopi. ⁹ Joab Shinpitaso: Jëhëri ina huininso Obadias itopi, inapitaso nishitopi cato pasa shonca posa, huinapi´sa itopi. ¹⁰ Sëromi, shinpitaso ítopi Josifia hui'ninso Seromi itopi, inapitaso nishitopi pasa saota shonca huinapi'sa itopi. Bëpai shinpitaso nishitopi cato shonca posa huinapi'sa itopi. ¹¹ Bëpai huininso Sacaria itopi. ¹² Asca shinpitaso, nishitopi pasa a'na shocara, huinapisa itopí, Hacatan huininso Joanan itopi. ¹³ Naporo tahueri' saquë shimasho Atonica itopi, inaran huiniso Erifië, Jeir, Semaia inapitarë nanipi saota shonca huinapisa itopi anta. ¹⁴ Bipai, shinpitaso: Utai, inaron saporësë inapitarë nishitopi, canchise shonca huinapisa itopi. ¹⁵ Estra tëcapo: caso ahuëntontarahuë tënin pa'sapiso'pitaro'co Ahapa parti, inaquë nicopoi, caratahuëri nisarai, Naporo ninano tantiarai, corto hua'anosa co nanitëraihuë quënana huaiso, Lepi Shinpita inaso, ¹⁶ Napoaton a'parahuë yonicaso marë, Erise, Aríri Sëmania, Erata, Jari, Ernata, Natanaro, Sacaría, Misoran inapita hua'an pochin nipísopita, inaran Joiari, Natan inapitaso maitro'sa inapitaso. ¹⁷ Inaran a'parai Ito, inaran Casihuia, inapita cari napotërahuë, Itoso quëma quemopihuarin Casihuiaquë sacatopisopita inapita a'paina yosë peinënquë sacatacaiso marë. ¹⁸ Inapochachin nosoatona a'pai'na, yosë imirënquë chachin aparai Sërapia itopiso, inaso piyapi pa'pi nitotërin. Inaso shimashoin Mari pa'pinso Lepi inaso israiro' Piyapi, Inaso huë'nin shonca posa huininpita ya'huëtërin inaran inpitanta huë'nin. ¹⁹ Inarë huiënin Hasapía, inoran Jesaia inaran Mërai inpitarëchachin hui'ninpitanta cato shonca quëmapi. ²⁰ Inapita piyapi'sa a'papi Yosë Pëinënquë, sacatacaiso marë, Tapiri camairinsopi Lëpitaro'sa, sirpilacaiso mare a'papi: cato pasa, piyapi'sa a'papi, a'naya, a'naya a'papi. ²¹ Inaran caso yonquirahuë ayono nicahuaso mare Aaparo i'sha yonsanquë, sano yonquiato Yosë notënanquë chachin noya ira yonicahuaso marë noya ya'huëcahuaso marë tënin. ²² Nipirinhuë tapantërahuë copirno nonta'huaso cahuarionënpitanta co yanatanahuë, inimico chinitahuaso marë yonquipirihuë, Yosë imirinenso yaipi parti ya'huarin tënahuë. ²³ Quiyaso ayanarai Yosë nontahuaisemarë. ²⁴ Napoaton cari huayonahuë shonca cato Piyapisa sontaro hua'anosa corto hua'an nipisopitanta: Sëripia,Hasapia inaran inpitanta. ²⁵ Inapitamare na'con yonquirahuë prata,oro, corto peiquë ya'huërinsopita, ofrenta Yosë marë acopiso, napoaton Copirno camairinsopita, sontaro'sa Israiro'sa co incari camairinhuë. ²⁶ Ma'sharo'sa pe'tënai, saota shonca anatërapo quëiquëninso, prata masharo'santa prata, oro inapi. ²⁷ Cato shonca tason, huaranca tarico cato Yo´me sha'pihuana oro inapita. ²⁸ Cari itapo: Canpitaso Yosë nosororinquëma, masharo'santa, mashocoro'santa nosororin. ²⁹ Nico, tapaco yaipi piyapisanta, mashoro'santa Yosë peine ya'coanaquë. ³⁰ Corto hua'anosa Lipitaro'sa yaipi ma'sharo'sa quëpaco Yosë peinenquë. ³¹ Ahapa yonquëran pipihuatëhua shonca yoqui niconinso yoqui coniaritërinso tahuëri pa'ahua Quirosaren parti. ³² Quirosarinque ya'copatehua inaquë queparitahua cara tahuëri. ³³ Catapi tahuëri nininquë, prata, oro inapita quëpahua Yosë peinenquë ina imiranënquë nisarin inaso Mërëmo, Uriase hui'nin inaso, Eliasarotan, finesë hui'nin inaso Josapa, Jesúa hui'nin inaso Noatia. Pinoi hui'nin inaso lipitapiyapi. ³⁴ Naporo yaipi pe'tenpi, pe'tënpiso tiquirahuatona yai'pi ni'ninën acotopi. ³⁵ Niahuepiso piquëran huëtarahuatona, yaipi masha ya'huerisopita Yosë marë acopi. Iscon shonca saota cornirosa, saota shonca cachise ohuicaro'sa shonca cato quëmapi oicaro'sa Yosë marë a'copi. Ya'ipi a'pepi Yosë marë. ³⁶ Napoaton huachi inapitaso, nanan acotopi copirno nitotacaso marë, sonlaro'santa, hua'ano'sa, ina a'quëtë ya'huëpisopitanta nitotacaiso marë.