¹ Napotohuachinara, Tario Capirnoso piyapinënpita camairin: "Quiricaro'sa na'con na'con no'huantërëhuasopita papironiaquë ta'parëhua: Inaquë Yoniconco;" ² Napotohuachina, yonisápatona copirno hua'anëntërinso pëiquë quënanpi.Inaso pëi; Aquimita ninanaquë ya'huërin.Inaso ninano; Mitia Propinciaquë Ya'huërin. So'nanpi quiricaquë nishitopinan quënanpi.Inaquë iso pochin nanan ya'huerin: ³ Siro Copirno Ya'coninso pi'iquë chachin, yosë chinotacaso pëi nicacaiso marë'nanan yo'nin.Inaso pëi quirosarinquë ya'huerin. Nani Iráca ya'huëpirinhuë ohuatopi ni'ton inaquë chachin acoantacaiso ya'huërin.Inaquë ma'sharo'sa tëpatona; yosë chinatacaiso marë'nisapi:Iso pochin acocaiso camaitërin: Simintonën noya acorahuatona; caniarichina; inapatërinso; cato shonca canchisë mitra ya'huëtarini, pancanatërinsonta; na'po chachin pancanachin. ⁴ Cara panshin panca na'piro'sa quëran acoina'.Naporahuaton a'na panshina; nasha nontëquëran acoina: Ina acocaiso marë cariqui taparahuë quëran pahuërëchina: ⁵ Iráca Napocotonori yosë chinotacaso pëi queron ni'sha nisha ma'sharo'sa ahuarapiso' ocoirin. Ocoirahuaton, pa'pironia'pa quëparin.Inapitonta; naquëranchin quirosarinquë quëpananta'ina'.Ya'huërinquë chachin ya'huëantacaso marë' inapochina; tënahuë tënin. ⁶ Ina natanaton Tario Copirnoso; hua'ano'sa iopiratisii' aquëtëran ya'huëpisopita quirica a'patërin.Iso pochin anishitahuaton a'patërin: "Tatinai, Sitaroposnai, canpitaso pi'i ya'coninsa parti no'paquë,Chirinchi ya'conama', A'napita chirinchiro'santa inaquë ya'huëpiso; yonquiato, yo'ipinquëna nishitaranquëma': I'hua chachin nishitatomaco natanamaco: ¿Tëhuënchachin Siro Copirno nanan yo'nin yosë chinotacaiso pëi Quirosarinquë niantacaiso'? Itëramaco. No'tëquën mini.Napoaton ipora canpitaso; Ina pëi nisapisopita. ⁷ Ya'huincanapico: Cotioro'sa Chirinchinëna', ansiano'sa; piyapinënpita inapitari yosë chinotacaiso pëi niantaramá Iráca ya'huerinquë chachin acoina'. ⁸ Ina marë' canpitanta isopoamaso ya'huërin: cotio ansiano'sa ina pëi nisapisopita, canpitaninta catahuamaso ya'huërin. ya'huërama parti camaitërahuëso; pahuëreárinaco. Ina coriqui ya'huërin quëran, ma'pitamarësona nohuantohuachina', o'naroáchin quëtoco.Ama sacatapiso tanapitacaso marëhuë', Inapotoco'. ⁹ Quirosarin corto hua'ano'santa; ma'sona natanpachinquëma; sha'huitërinquëmaso chachin ya'ipi quëtamaso ya'huërin Toroa'huaro'sa; carniroa'huaro'sa; inapitopachina; a'naroáchin quëtoco; inapitaso yosë inápaquë ya'huërinso chinotatona; ya'ipi ahuiquitacaiso marë' nohuantopi. Trico, yamora, huino, toma, inapitanta nani tahueri quëtoco'. ¹⁰ Inapotahua'toma yosë inápaquë hua'anënteriso noya Chinotapi. Ina marë ma'sha tëpatona; ohuiquitapi na'porahuaton ca'marënta', yosë nontapi ináran huinahuë pitamarënta, yosë nontapi. ¹¹ I'sonta; camaitërahuëso na'tëco, insosona camaitërahuëso co'natëhuachinhuë', ano'intoco', pëinënquë huica ya'huëtërinso pishointoco'. Inapotahuatoma ahuanico'. Ina ahuaniramataëchin inapaquëran pitaco'. Na'porahuaton pëinëonta ohuatoco ya'mora'in. ¹² Na'a ninanoro'sa Isora'paquë ya'huërin.Nopopirinhuë', yosëso pëinën nitacaiso marë, ouirosorën ninano huatonin. Inarichachin. Insosona yaata'huanterinso', ana'inchin. ¹³ Napotohuachina Tatinai, sitarë, posonai Inapitaio'. copirno Tario Camaitërinso chachin ya'ipinipi. ¹⁴ Inapoatona', cotio hua'ano'saso', tiniaquë huarë sa'catopi. saconiasë Arquio Sinioro shahuirinso chachin nipi pënëntona'pinta inachachin sha'huirin. Isopita pirsia capirnoro'santa camaitopiso chachin tinipi: Siri, Tario Artaquirquisë, inapita. ¹⁵ Tario Copirno ya'coninquëra huarë anatrápo pi'ipi, shonca a'na yo'qui cara tahuëri nisahuaso', sinioro Chinotopiso pëi tinipi huachi ina yo'quiso atara yoqui itopi. ¹⁶ Nani aconpachinora', iserairo'sa nihui huëntonquë corto hua'ano'sa, ya'huëpisopita ca'pa concontopi capa concatatona pëi tinipiso yosë marë' acopi. ¹⁷ Naporo Tahuëri Sinioro Chinotacaiso marë' pasa toroa'hua, cato pasa carniro, catapini pasa carnitoa'hua, inapita tëpapi. Shonco cato chiponta yaipi israiro'sa oshanënamorë' noya' ahuiquitopi. Shonca cato huënton ya'huëpi niton a'nora ana huënto marë' nanirin. ¹⁸ Ina quëran corto hua'ano'santa', onporo'sona sa'catacaiso acotopi. Nihuiro'santa ma'sona nicatona catahuatacaiso acotopi. Inapoatona Senioro marë' Quirosarinquë onpo sacatacaiso shahuitopi Moisese Iráca nishitërinso chachin nicacaiso marë inapopi. ¹⁹ Ina quëra ina yoqui naniantorinquë Pascoa niton, ina pitanta Sinioro marë' na'huëpi.Shonco catapi tahueritapaso', caniaritopi. ²⁰ Corto hua'ano'sa', nihuiro'sa', inapitaso napopianachin yonquiatona nani oshanëna inquipi na'poaton yapi huënantopiso marë' na'sharo'sa tepapi.Inapoatona Sinioro Chinotocaiso' marë' na'popi A'napita corto hua'ano'samarënta tëpapi inahuora marënta inapopi. ²¹ Napoaton ya'ipi huënantapisopita Pascoa pitaquë Cosharo' nipiso capi. Anapitanta ni'sharo'sa niponaraihuë',co noyahuë'nipiso' a'porahuatona', ca'patopianta':"Sinioro Chinotëramaso quiyanta imasorai topachinara" ca'patopi. ²² Canchisë tahueri capa cancatatona pan co ahuëpocatopinanhuë ca'pi: "Sinioro catahuarinpo Pirsia Copirno Catahuarinpoa ni'ton, tënirëhua', capa Cancantopi.