¹ Napopachina pënëntonápi aquio itopiso aquio itopiso naporahua ton zacariasë,itoo huíni pënëntonapi,israiro'sa cota huëntonquë cotioro'sa penënin quirosarinquë naporin. ² Zoropapiri,saratiri hui'ni,naporahuaton quisoa cosata huinin,inapita caniaritopi yosë chinopiso pei' nicaiso' quirosarin ninanoquë anaquën anaquën pënentona'piro'santa nohuantopisopitarë naporapi. ³ Napopachinara tatanai itopiso,inaso' chirinchi a'na propinsia sitari isha itopiquë,parti ya'huerinso' posënai amiconënpitarë huesahuatona itëipi:"¿inta nanan quëtérinquëmá iso' pëi' nicatomá ya'ipi payoranëonta ananicaso?" ⁴ Napotopachinara inahuantá taponá:"mapitata ninintopi isopi'pëi nisapiso pita? ⁵ "Napotopirinahuë cotio ansianoro'santa' yosëri nisarin ni'ton iniminëpitari co nanitopihuë sacatapiquëran ananiatacaisó Naporahuaton inahuasó ninapirinahuë nishitahua toná copirnonëna a'patacaiso'. ⁶ Iso carta nininso tatanai,sitari boznai inaporahuaton amiconënpita sontaro hua'an inapita tario copirno a'patopiso. ⁷ inapitaso shahuicaisomarë sopochin ninshitahuatona' tario copirno a'patopi:"ya'ipi canpitaquën sano concatomá ya'huëcama nii. ⁸ copirnonta anitotoco quiyaso' cota huëntónpa' pa'nai inaquë yosë chiniquën nanantërinso pëinën ya'huëri ina nicacaiso marë panca napirósa quë naraquë inaquëpita payonën acotapi.ina sacatoso' imirinaquëran acotapi ina sacatoso' imirinaquëran sacatatona' noya ya'noarin. ⁹ quiyariso ansiano'sa natanotoi:dinta nanan quëtërinquëma iso pëi,payoranëpita inapita acotacaso pioquiyarinta' nininëna' natanai ¹⁰ quëmarinta nitotacaso inpitasona ina quëmapisa' quirica apatarinënsó. ¹¹ inapitaso' apanitatona' tapona:"quiyaso yosë pi'irotë acorinso' insoro'panta' acorinso ina piyanëncoi.quiyasó isópëi niantarai huaqui pií nahuërin iraca israiro copirnori anitaton noya tënipirin huën. ¹² Napopirinhuë,iracaquiya tatamashonë huëico noyahuë nisapi niton yosëri no'huiton papironia copirno napocoton itopiso'.ina imirinquë quetërin,inari inapëi' ohuatahuaton piyapinën papironiaquë quëpapi. ¹³ Aquëtë tahuëri huëniquë,siro copirno papironia quë ya'nan huánëntëriso pii siro copirno nanan acorin yosë pëinën niantacaso'. ¹⁴ Ciro Copoirnonta aro,coriqui inapita,ayanin napocotono copirnori quirosarinquëran yosë pëinënquë ya'huërisopita quëparinso' papironiaquë mamanshi chinopiso peiquë quëpapirinhuë inari nanan anoyataton sësipasaro chirinën nichina onchachin. ¹⁵ Copinori itapon:isopita masapaton.paquë yosë pëinë anoyatonquë quirosarinquë ya'huërinsó.yosëpeinën anoya tantacaso' ya'huërin tënin." ¹⁶ Napopachina ina sësipasaroso' quirosarinquë huëntarin:yosëpëinën achinicaso' ninisopita acotintaton caniaritërin yosë peinën nicacasó;napopirinhuë pahuanarin nanirinso chachin acocaso'. ¹⁷ Iporachaso',copirnori noya cancantoyapachin papironiaquë quiricaro'sa acopiso' pëiquë noya ni'ina.quirisarinquë,yosë pëinën niantacaiso yonquiaton copirno nanan acorinsó,ya'huëapachinso.' copirnori a'paicaso' yonquiaton a'patincoi."