¹ Mincamin, Cata, inimiconën pitarë'chachin na'tantopi, piyapi'sa quëpapiso' api'quëran. inapoatona' a'na pëi' ani'tarin Sinioro chinotacaso' marë, inaso' isërairo'sa Yosënën chachin. ² Na'poton hua'ano'sa quëmopinënpita, mashoro'santa inapitarë' Zorobabel paapapi. Pa'sahuatona' inapitari itërin: "Tanapitocoi nii' canpitaro'coi canpita pochachincoi quiyanta, Asiria Copirno Esar Haton hua'anëntaso' iso' ro'paquë quënincoi quiyanta Yosëma chinotatoi ma'sha tëparai Yosë marë'" ³ Zoropapiriso', nipirinhuën' Cosoi, Hua'ano'sa quëmopinënpirë' cha'chin, ma'shoro'santa itërin: "Co canpitahuë', quiyachaso', ni'cahuaiso' pëi' Yosënëhuëi marë', quiyari nanitërai nicahuaiso' Sinioro marë', inaso' isërairo'sa Yosënën cha'chin, Pirsia Copirno Ciro itopiso' sha'huitërincoiso' cha'chin: ⁴ Inapoatona piyapi'sa inaquë ya'huëpisopitari cotioro'sa a'payanpi. A'payanatona Yosë pëinën nisapiso' acopitopi. ⁵ Na'porahuaton inapitari pahuërëpi sacatapiso' acopitaimarë'. Inapita ni'pi isopita Ciro Copirno hua'anëntërin tahuëri'sa ,inaso', Pirsia Copirno. Ni'sahuaton Tario hua'anëntërin tahuëri'sa quëhuarë. ⁶ Asuiro Copirno hua'anëntaso' caniarinamën tahuëri'sa, Inapitariso' cotioro'sa nonpinapitona' sha'huirapipi, Quirosarinquë ya'huëpisopitanta inapotopi. ina marë nishirapitopi: ⁷ Artajerjes Copirno tahuëri'sa, Bislam, Mitritates, Tabeel compañeronënpitarë Artajerjes nishirapipi, ina quirica nishitopiso' aramio nananquë nonpiso', nishitantapi Persa nananquë cha'chin. ⁸ Niun sontaro hua'an nisahuaton Simisai nishitona'pi, inapita nishitopi, Quirosarinquë naporapiso' Artaquirquisi copirno anitotacaso'marë isopochin nishitopi: ⁹ Inapoaton Niun,Simisai companironënpita, Coisëro'sa, nisahuaton sontaro' hua'ano'sa, Iric, Copirnoro'santa, Papironiaro'santa, nisahuaton ilanquë Susa yahuërinso'. Inapitari a'na quirica nishirapipi: ¹⁰ Asonaparo Copirnori ni'sha piyapiro'sa samariaquë ya'huëcaiso marë' quënin. Inapitarë cotioro'santa nipayatona ya'huëpi. Yai'pi anapitanta ninanoquë ya'huëpisopita, i'sha aquëtëran ya'huëpisopita quëhuarë: ¹¹ Iso' ana' quirica nishitopiso' copianën, inahuapita Artarquirqui a'patopiso': "Yosë piyapinënpita isha' a'quëtëran quëmapi'sa ya'huëpisopita, iso' nishitopi. ¹² Copirno nitotamarë cotioro'sa pi'pipiso quamaquëran, chini'quën huanitërinacoi quirosarinquë'pa ana' ninano' nicacaiso'marë co'natëtochina'chinhuën cancatopiso' pita. Inapitaso' muroro'sa ananipi onëro'santa anoyatopiso'. ¹³ Copirno ipora nitochin, no'tëquën iso' ninano' ni'pinan moronta ananipinan, inahuaso' co masha topinan quëtapihuë coriquinta co' quëtapihuë,' co copirno ma'sha quëtohuachinahuë onpointa ya'nopona'. ¹⁴ Quëma pahuërërancoi ni'ton ma'sha yaonpotohuachinën co quiyariso' canirapita'huaiso' ya'huërinhuën'. Napoaton nitocaso' marë iso' nanan sha'huitaranquën, iso' no'tëquën, ¹⁵ Copirno anitotarai. Yonicamarë' pa'pin ninishirapirinquën, nisahuaton natantamarë' ina ninanoso' co natëtopihuë, Copirnoro'sa naponin nitaimarë ninanoquë ya'huëpisopita. nishan nisha nanan ya'huëtopi ni'ton Copirnoro'sa ninanoquë ya'huëpisopita. napoatona' co' natëtopihuë ira'ca quërahuarë, na'puaton ninanona' atahuantopi: ¹⁶ iso ninano', pairanën inapita noya acoantahuachinaso', co huachi cortanii aquete provinciaro'saso pahuerëi nenso yonquiapihuë. Ina sha'huitaranquën nitota caso mare, itopi ninshitatona ¹⁷ Ina nontaton copirnori'so napita a'panirin "Niomo Simisai a'napitanta Samariaquë catahurinquëmasopita cortanii aquëteron catahuaranacosopita iso nanan a'pata rahuë: ¹⁸ Quirica a'patëramacoso nani o'huerërahuatona nontopiso' natanahuë ¹⁹ Napoaton noya nitota'huesa marë, quiricaro'sa quë yonipi no'tëquën mini. ina no'paro'quë ya'huëpisopitaso; copirnoro'sa yachinitop. ²⁰ Naporahuaton chiniquën nanantona'pi copirnoro'sa. Quierosavinquën ya'huërin ya'ipicicortanii aqueteron no'paro'sa hua'anentopi onposo pahuëcaiso camaitohuachina pahuerëpi copirno mare: nininsonta quëtopi. ²¹ Iporaso nipirinhuë canpita camaitoco sacatopiso copita'caiso marë carichachin camaitaanta quë huarë ninano noya acoanta'ina ²² Ni'cona opinapichin camaitotoma. Ina partiquëron hua'anënterahueso ayatohuata. ²³ Artaquiriquisi copirno quirica a'pairinso, Niono simisai nisahuatan catahuarinsopita natanpi. Nata nahuatona a'naroachin Quirosarinquë pa'pi; Yose chinotacaso pëi nisapiso acopitacaiso marë. ²⁴ Inapoatona peirapiso Tario copirno cato pii hua'anentaque huarë copitënin, Tarioso Pirsia copirno.