3 ¹ Pikinini man bilong mi, yu no ken lusim tingting long tok bilong mi, lukautim gut skul tok bilong mi long bel bilong ² yu, yu bai i stap longpela taim na longpela yia na bel isi bai i stap long laip bilong yu. ³ Yu no ken larim wanbel na stretpela pasin na pasin bilong bilip i mas lusim yu, pasim olgeta wantaim long nek bilong yu, raitim namel tru long lewa bilong yu. ⁴ Orait bai yu lukim gutpela pasin na bai yu gat gutpela nem long ai bilong God na long man. ⁵ Bilip long God Yawe wantaim olgeta bel bilong yu na yu noken tingting long save bilong yu yet, ⁶ long olgeta pasin bilong yu, yu mas luksave long God na bai em i mekim gut long yu. ⁷ Yu no ken kamap gutpela long lukluk bilong yu yet, pret long God wanpela tasol na givim baksait long ol pasin nogut. ⁸ Em bai i kamap orait long bodi bilong yu na bai yu pilim gutpela tru. ⁹ Onaim God Yawe wantaim ol gutpela moni samting bilong yu na wantaim nambawan kaikai yu kamapim long gaden bilong yu ¹⁰ na haus bilong bungim kaikai bilong yu bai i pulap na ol dram wara bilong yu bai i kapsait na pulap long nupela wain. ¹¹ Pikinini man bilong mi, yu no ken lukim tok bilong God Yawe olsem samting nating na les long tok bilong em, ¹² God Yawe i save stretim ol man em i save laikim ol, wankain olsem papa i save stap wantaim pikinini i harim tok bilong em. ¹³ Man i painim gutpela tingting i ken amamas, em bai i kisim gutpela tingting. ¹⁴ Wanem yu bungim long gutpela tingting i winim wanem silva bai i givim long bekim na wantaim win moni i winim gol. ¹⁵ Gutpela tingting i gutpela moa na i winim tru ol samting i dia tumas na i nogat wanpela samting yu laikim bai i wankain long ¹⁶ em. Em i gat ol longpela taim long han sut bilong em, long han kais bilong em i gat planti gutpela samting na bikpela ¹⁷ prais. Ol pasin bilong em i gutpela pasin na em i wokabaut wantaim bel isi. ¹⁸ Em i diwai bilong laip, husait i holim em i mas holim strong, ol lain i holim dispela i save amamas. ¹⁹ Long gutpela tingting God Yawe i wokim graun, wantaim gutpela tingting em i mekim heven i kamap. ²⁰ Wantaim save bilong em olgeta hap graun i bruk na i op na klaut i lusim wara i kam daun. ²¹ Pikinini man bilong mi, yu mas toktok yet long kot bilong God na gutpela save, yu noken lusim samting yu lukim long ol. ²² Ol bai i olsem laip long sol bilong yu na bilas i gutpela long werim long nek bilong yu. ²³ Orait bai yu wokabaut long gutpela rot na yu no inap kisim bagarap long lek bilong yu, ²⁴ taim yu slip i go daun, yu bai i no inap pret, taim yu slip i go daun, yu bai slip gut. ²⁵ Yu no ken pret long hait tingting bai bagarapim yu wantaim ol man nogut, taim em i kamap, ²⁶ God Yawe bai i stap wantaim yu na bai mekim lek bilong yu i abrusim umben bilong kisim man. ²⁷ Yu no ken holim bek gutpela samting long man husait bai i kisim, taim em i stap long han bilong yu long mekim. ²⁸ Yu no ken tok long wantok bilong yu, "Go na yu kam bek long tumoro na bai mi givim yu," taim yu gat moni wantaim yu. ²⁹ Yu noken wokim tingting long bagarapim wantok bilong yu, em man i save stap klostu long yu na save gut long yu. ³⁰ Yu noken kros wantaim man i nogat asua, taim em i no mekim wanpela samting long bagarapim ³¹ yu. Yu noken harim tok bilong man nogut o bihainim laik bilong em. ³² Man i no save bihainim laik bilong God i no stap long tingting bilong God Yawe, tasol em i kisim stretpela man i kam long strongpela bilip bilong em. ³³ God Yawe i putim tok bilong bagarapim ol man nogut, tasol em i save mekim gut long ol stretpela manmeri. ³⁴ Em i save giamanim ol man bilong tok giaman, tasol em i save stap wantaim ol man i daunim ol yet. ³⁵ Ol manmeri i gat gutpela tingting bai i kisim biknem, tasol ol man nogut bai i kisim sem nogut.