¹ Bel bilong king i olsem baret wara i ron insait long han bilong God Yawe, olsem na em i save amamas na stiaim king. ² Olgeta man i save ting olsem pasin bilong ol i gutpela long ai bilong ol yet, tasol God Yawe i save skelim bel na tingting bilong ol man. ³ God Yawe i save laikim tumas ol gutpela na stretpela wok yumi mekim na i winim ofa yumi save givim i go long em. ⁴ Pasin bilong daunim narapela man na hapim nem bilong yu yet em bai lait na soim narapela man olsem yu man bilong mekim sin ⁵ Man bilong wok i save tingting gut na mekim wok na em i gat planti samting, tasol olgeta man husait i wok hariap i bai sot long ol samting. ⁶ Man i giaman na kisim planti moni, em i olsem sno i stap sotpela taim tasol na i pinis hariap na trep i holim em na kilim em i dai. ⁷ Strong bilong man nogut bai kisim ol i go longwe, long wanem ol i no laik mekim gutpela pasin. ⁸ Pasin bilong man i mekim asua em i no stret, tasol man husait i stap stret i save mekim stretpela pasin. ⁹ Long stap antap long kona bilong het bilong haus i moa gutpela long stap insait long haus wantaim meri bilong bel hat na tok kros. ¹⁰ Man nogut i save hangre long mekim ol pasin nogut, man i stap klostu long em i no save lukim gutpela pasin long em, ¹¹ Taim ol i mekim save long man bilong mekim tok pilai, man nating i nogat asua long en i kamap gutpela man na taim gutpela man i skulim em, em i save holim strong gutpela save. ¹² Stretpela man i was long haus bilong man nogut, na kisim ol man nogut na stretim ol. ¹³ Wanpela man husait i pasim yau bilong em long harim krai bilong man i nogat samting, em tu bai krai strong, tasol ol bai i no inap long bekim. ¹⁴ Man i kros na belhat long yu orait yu mas hait na givim presen long em na belhat bilong em bai i pinis. ¹⁵ Taim stretpela pasin i kamap, em i save bringim amamas i kam long stretpela man, tasol em i save bringim pret i kam long man i save mekim ol pasin nogut. ¹⁶ Wanpela man husait i go longwe long rot bilong kisim gutpela tingting, em bai malolo wantaim ol man i bin dai pinis longtaim. ¹⁷ Husait i laik long amamasim bodi bilong em bai i no gat samting, man husait i laikim wain na wel em bai i nogat planti samting. ¹⁸ Man i save mekim pasin nogut i kisim ples bilong gutpela man na i helpim em, na man bilong mekim sin i kisim ples bilong stretpela man na helpim em. ¹⁹ Em i gutpela tru long stap long ples nating na stap longwe long meri i save belhat na kros. ²⁰ Man i gat gutpela tingting i save bungim ol kain gutpela samting na wel long haus bilong em, tasol man i no gat gutpela tingting i save pinis ol samting bilong em. ²¹ Man husait i mekim gutpela pasin, dispela man i painim laip, stretpela pasin na biknem. ²² Man husait i gat gutpela tingitng i makim ol man husait em i ting olsem ol inap pait strong na kisim biktaun bilong ol strongpela man. ²³ Husait i tingitng na toktok i no save kamapim hevi. ²⁴ Man i hapim nem bilong em yet, em i man bilong tok pilai na em i save mekim em yet i kamap bikpela na wok long hapim em yet. ²⁵ Man i save les long mekim wok long wanem wok bai i kilim em i dai. ²⁶ Olgeta dei em i save tingting long i gat ol kain samting, tasol stretpela man i save givim na i no save kisim bek gen. ²⁷ God i no save laikim ofa bilong man i save mekim pasin nogut, em i no save laikim, long wanem em i kisim i kam wantaim tingting nogut. ²⁸ Tok bilong giaman man bai i pinis, tasol man i save harim toktok bilong ol narapela man, toktok bilong em bai i stap longpela taim. ²⁹ Man bilong mekim pasin nogut i no save soim amamas, tasol stretpela man i save long wanem pasin em bai i mekim. ³⁰ Nogat gutpela tingting, nogat gutpela save na nogat gutpela skul tok bilong yupela long mekim samting bai inap long winim God Yawe. ³¹ Yu ken redim hos bilong pait, tasol win em bilong God Yawe.