¹ Wain em i giaman samting na strongpela drin long kirapim pait, ol man i no givim baksait long bia i no gat gutpela tingting. ² Na pret bilong king i olsem pret bilong yangpela laion i save singaut na man i mekim em i belhat em i save kilim em i dai. ³ Em i gutpela long yupela i abrusim pasin nogut, tasol olgeta man i no gat gutpela tingting i save go insait long hevi. ⁴ Les man i no save planim kaikai long taim bilong en, taim bilong kamautim kaikai em i painim tasol em bai i nogat kaikai. ⁵ As tingting bilong bel bilong ol man i olsem wara i daun tumas, tasol man i gat gutpela tingting bai pulim i kam aut. ⁶ Planti ol man bai tokaut olsem ol i gutpela man, tasol husait i ken painim wanpela i ken bihainim dispela tok? ⁷ Na stretpela man i save wokabaut wantaim stretpela pasin na pikinini man bilong em husait i bihainim em bai i kisim blesin. ⁸ Wanpela king husait i save sindaun long sia king bilong em na mekim wok bilong skelim na rausim pasin nogut i stap long ai bilong em. ⁹ Husait i ken tok, Mi gat klinpela bel, mi yet i rausim sin bilong mi? ¹⁰ Narakain skel na giaman kilo God Yawe i no save laikim tupela pasin wantaim. ¹¹ Na tu yangpela man i save long pasin bilong em yet, em mekim pasin i gutpela o nogut. ¹² Yau bilong harim na ai bilong lukim-- God Yawe i bin mekim tupela wantaim. ¹³ Yu no ken laik long slip planti bai yu kamap rabis, opim ai bilong yu na bai yu gat planti kaikai. ¹⁴ I no gutpela. Man bilong baim i tok, tasol taim em i go longwe em i save apim nem bilong em yet. ¹⁵ I gat gol na planti ol ston i gat bikpela pe tumas, tasol maus bilong ol man i gat gutpela tingting i olsem ol samting i dia tumas. ¹⁶ Kisim klos bilong wanpela husait i bin putim olsem wasman long narapela lain na holim dispela insait olsem promis taim em i putim olsem wasman bilong rot meri. ¹⁷ Bret yu kisim long giaman toktok em swit moa, tasol bihain maus bilong yu bai pulap long wesan. ¹⁸ Stia tingting i kirapim ol samting na gutpela stia tingting bai lukautim yu long winim pait. ¹⁹ Tok giaman i save kamautim tok hait olsem na yu noken poroman wantaim ol manmeri i save toktok planti. ²⁰ Sapos wanpela i tok nogut long papa bilong em o mama bilong em, lam bilong en bai dai aut namel long tudak. ²¹ Samting yu kisim hariap long stat bai i no gutpela long bihain, ²² Yu no ken tok, Mi bai bekim rong bilong yu. Weit long God Yawe na em bai i kisim bek yu. ²³ God Yawe i no save laikim ol man bilong giaman na kisim samting bilong narapela man. ²⁴ Wokabaut bilong man God Yawe i save stiarim, olsem wanem em bai save long rot bilong en. ²⁵ Em i no orait long wanpela man i tok strong. Dispela samting em i holi, yu mas tingting gut wanem em i as bilong dispela tok taim yu mekim promis. ²⁶ King i gat gutpela tingting bai i skelim pasin bilong ol man nogut na bai em i kalabusim ol. ²⁷ Na spirit bilong man em lam bilong God Yawe, em i wok insait long man na sekim olgeta laip bilong em. ²⁸ Bihainim kontrak gut wantaim trupela pasin bilong lukautim sia king bilong em, ol i mekim na raunim wantaim pasin bilong laikim. ²⁹ Biknem bilong ol yanpela man em i strong bilong ol na gutpela bilong ol lapun manmeri em wait gras bilong ol. ³⁰ Givim kanda i save klinim bagarap na rausim pasin nogut na tok i save mekim insait bilong man i kamap klin.