¹ Trangu man husait i wokabaut long stretpela pasin em i gutpela moa long wanpela man husait i nogat gutpela tingting na maus bilong em i pulap long giaman. ² Olsem tasol i no gutpela long i gat bel kirap long mekim wok tasol nogat save na wanpela man husait ran hariap stret bai abrusim rot. ³ Ol manmeri asua bilong ol i save bagarapim laip bilong ol na bel bilong ol i save koros tru long God Yawe. ⁴ Manmeri husait i gat moni na planti samting bai i gat planti poroman tasol turangu man bai i no gat poroman bilong em. ⁵ Ol manmeri i save giaman bai i no inap abrusim kalabus na husait tok giaman i save kam out long maus bilong em bai i no inap long ronawe. ⁶ Planti manmeri bai askim long kisim gutpela toktok long ol manmeri i gat gutpela bel na olgeta manmeri i poroman wantaim ol lain husait i save givim samting. ⁷ Olgeta brata bilong turangu man i no save laikim em na em bai olsem wanem long ol poroman bilong em husait i stap longwe long em. Em singaut long ol tasol ol lusim em na i go. ⁸ Husait i kisim gutpela save bai laikim tru laip bilong en na husait i gat gutpela save bai painim gutpela samting. ⁹ Wanpela man bilong mekim tok giaman bai painim hevi na husait tok giaman i save kam out long maus bilong en bai i dai. ¹⁰ Em i no inap tru long man i nogat gutpela tingting long stap insait long gutpela haus bilong ol bikman na em hat tru long wokboi long bosim pikinini bilong king. ¹¹ Gutpela tingting na save i mekim manmeri i no inap belhat hariap na long strong bilong em yet em inap long abrusim pasin nogut. ¹² Belat bilong king i olsem yangpela laion i save singaut tasol amamas bilong en i olsem liklik morning rain i save pundaun long grass. ¹³ Wanpela pikinini man wantaim nogut tingting i save bagarapim papa bilong en na merit meri husait i save koros planti em i olsem wara i save kapsait na nogat pinis bilong em. ¹⁴ Haus na olgeta gutpela samting i save kam long mama na papa, tasol gutpela meri God Yawe i save givim. ¹⁵ Ol les manmeri i save slip tumas tasol husait i no laik long wok bai i go wantaim bel hangre. ¹⁶ Manmeri husait i bihainim gut tok bilong God i save lukautim gut laip bilong en tasol ol manmeri husait i no save tingting long laip bilong ol bai i dai. ¹⁷ Husait manmeri givim ol samting long ol turangu lain em givim dinau i go long God Yawe na God Yawe bai bekim bek long wanem em i bin mekim. ¹⁸ Mekim strongpela toktok long pikinini man bilong yu taim em youngpela yet na noken bagarapim bel bilong yu long killim em. ¹⁹ Man husait i save belhat hariap tasol mas kisim pei bilong em tasol sapos yu savim em, yu mas mekim gen namba tu taim gen. ²⁰ Harim ol toktok na bihainim gut ol tok lukaut, olsem tasol bai yu gat gutpela tingting na kamap gutpela man tru long taim yu stap laip. ²¹ Ol manmeri i gat tingting long mekim planti samting tasol laik bilong God Yawe bai i kamap. ²² Gutpela pasin em ol manmeri i save laikim na manmeri i nogat samting i winim ol lain bilong mekim tok giamarn. ²³ Biknem bilong God Yawe i save givim laip long ol manmeri. Husait manmeri i gat dispela samting bai pulap tru na i no inap kisim bagarap long ol samting i laik bagarapim ol. ²⁴ Manmeri husait i save tok baksait bai planim han bilong en long dis, em bai i no inap bringim i kam antap long maus bilong en. ²⁵ Bagarap bai i kam long manmeri husait i save tok bilas na gutpela man bai i amamas. Givim strongpela toktok long ol lain husait i save harim tok na em bai kisim save. ²⁶ Wanpela pikinini man husait stil long papa bilong en na ronim mama bilong en i go em i save kamapim sem na nem nogut. ²⁷ Sapos yu les long harim ol tok lukaut, pikinini man bilong mi yu i no inap kisim gutpela tok bilong kisim save. ²⁸ Wanpela man nogut em bai bagarapim stretpela pasin na maus bilong ol manmeri nogut i save daunim sin. ²⁹ Hevi em i redi i stap long ol lain bilong bagarapim ol man na em paitim baksait bilong ol manmeri i no gat gutpela tingting.