¹ Husait em i stap autsait em i bihainim laik bilong em yet, na kros pait wantaim gutpela toktok. ² Longlong man i nogat gutpela save, tasol em i save bihainim laik bilong wanem samting i stap insait long bel bilong em. ³ Man bilong pasin nogut i ting narapela man i samting nating na i save bagarapim nem bilong ol na mekim ol i sem. ⁴ Toktok bilong ol man long maus i olsem wara i save ron olgeta taim na gutpela tingting i ron olsem bikpela wara. ⁵ Em i no gutpela long haitim lesman na tok giaman long stretpela man. ⁶ Ol bikhet man maus bilong ol i save kamapim hevi, na taim maus i mekim kainkain toktok i save kirapim pait. ⁷ Ol bikhet man maus bilong ol i bagarap, na i pulap long kainkain tok nogut i stap long tang bilong ol yet. ⁸ Ol toktok bilong kamapim tok baksait, em i olsem switpela kaikai i save i go insait tru long namel hap bilong bodi. ⁹ Sapos,wanpela i slek long wok bilong em, brata bilong em bai bagarapim olgeta wok. ¹⁰ Bikpela God Yahweh nem bilong em i olsem strongpela haus, stretpela man i save ron igo long em na i stap gut. ¹¹ Ol mani man i ting, mani bilong ol bai banisim ol long stap gut, tingting bilong ol em i olsem stongpela banis bilong taun. ¹² Man i save litimapim nem bilong em yet i save pundaun. Sapos yu i no daunim yu yet, yu no inap kisim biknem. ¹³ Putim gut yau pastaim, bipo long yu toktok sapos yu no mekim olsem em longlong pasim na bai yu kisim sem. ¹⁴ Sapos man i sik, na i gat strongpela tingting long winim sik, orait em inap winim sik. Tasol tingting bilong man i bagarap olsem wanem bai em i winim sik? ¹⁵ Man i gat gutpela bel em i save strong long kisim ol kain save, em i save putim yau gut long ol man i laik skulim em. ¹⁶ Sapos yu laik toktok wantaim wanpela bikman, yu mas bringim wanpela presen i kam long em na em bai amamas na larim yu i kam lukim em. ¹⁷ Taim wanpela man i sanap long kot na toktok olsem, em bai win taim birua bilong em i askim em long mekim tok klia long ol man long husat tru bai win. ¹⁸ Sapos kot i no inap stretim hevi bilong ol manmeri long blok, kot inap putim strongpela tok lukaut long tupela wantaim. ¹⁹ Sapos yu mekim brata bilong yu i bel nogut long yu, orait em bai i no laikim yu moa,olsem strongpela dua i pasim rot bilong man na em i no inap i go insait long haus. ²⁰ Toktok bilong yu i gutpela, bel bilong yu bai pulap long amamas. ²¹ Toktok bilong yumi man inap mekim yumi stap gut o bagarapim yumi, olsem na yumi mas yusim gut maus bilong yumi na stap gut. ²² Sapos yu painim gutpela meri na maritim em, dispela em i gutpela samting tru. God Yahweh bai amamas na belgut long yu. ²³ Rabis man i save toktok isi na askim em long helpim ol, tasol mani man i save bekim tok strong. ²⁴ Man i gat planti pren bai kisim bagarap.Tasol sampela man i gat narapela pren, sapos tupela pas gut na stap wanbel, pasin bilong tupela i ken winim pasin namel long tupela brata.