9 ¹ God Yawe i toktok long Moses long ples nating bilong Sinai, insait long namba wan mun bilong namba tu yia bihain long ol i kamaut long graun bilong Isip. Em i tok. ² "Larim ol manmeri bilong Israel i lukautim gut Pasova long taim bilong em stret long wanwan yia. ³ Long abinun bilong namba 14 dei bilong dispela mun, yu mas lukautim gut Pasova long taim bilong em stret long wanwan yia. Yu mas lukautim gut na bihainim olgeta Lo bilong bikpela dei na ol arapela bikpela dei i wankain olsem. ⁴ Olsem na Moses i tokim ol manmeri bilong Israel long olgeta mas lukautim Bikpela dei bilong Pasova. ⁵ Olsem na ol i lukautim Pasova long namba wan mun, long 14 dei bilong mun, long abinun, insait long ples nating bilong Sinai. Ol manmeri bilong Israel i bihainim olgeta samting em God Yaweh i toktok strong long Moses long ol imas mekim. ⁶ Igat sampela man husait i bin kamap doti long bodi bilong dai man. Ol ino inap lukautim pasova long dispela dei. Na ol igo kamap long Moses na Aron long dispela dei yet. ⁷ Dispela ol man i tokim Moses olsem, "Mipela i kamap doti long bodi bilong dai man. Bilong wanem na yuino inap larim mipela i wanbel na mekim ofa igo long God Yawe long taim bilong en stret long yia namel long ol manmeri bilong Israel?" ⁸ Moses i tokim ol, "Weit long mi long harim wanem tok God Yawe bai mekim long yupela" ⁹ Na God Yawe i toktok long Moses. Em i tok olsem, ¹⁰ "Tokim ol manmeri bilong Israel. Tokim ol olsem, "Sapos wanpela bilong yu o bilong ol tumbuna lain bilong yu ol ino klin long dai bodi o long longpela wokabaut, em inap yet long lukautim Pasova bilong God Yawe." ¹¹ Insait long namba tu mun long 14 dei long abinun, ol bai kaikai Pasova. Ol mas kaikai pasova sipsip wantaim bret ino gat yis na wantaim kumu igat pait. ¹² Ol ino ken lusim wanpela hap bilong ol kaikai inap long moning o brukim wanpela bun bilong em. Ol imas bihainim olgeta Lo bilong Pasova. ¹³ Tasol sapos wanpela man husait em i klin na em ino wokabaut long rot, na em ino lukautim gut Pasova, dispela man ol i mas rausim em olgeta long lain manmeri bilong em, long wanem, em ino mekim ofa long bihanim ol tok God Yawe i givim long taim stret bilong wanwan yia. Dispela man mas karim sin bilong em yet. ¹⁴ Sapos wanpela nupela pesman istap namel long yupela na lukautim Pasova long givim biknem long God Yawe, na em imas lukautim na mekim olgeta tok em i kisim, na lukautim olgeta stiatok bilong pasova, na harim tok na Lo bilong em. Yupela mas igat wankain Lo long ol narapela lain na bilong ol lain husait mama ibin karim long graun bilong yupela. ¹⁵ Antap long dispela dei selhaus i redi na klaut i karamapim selhaus, na liklik haus sel bilong kontrak bilong Lo. Long abinun klaut i karamapim selhaus. Em i kamap olsem paia igo inap long moning. ¹⁶ Em i stap olsem. Klaut i karamapim haus sel na kamap olsem paia long nait. ¹⁷ Long taim klaut i lusim haus sel, ol lain manmeri bilong Israel i stat long wokabaut. Na wanem hap klaut i stop, ol manmeri i wokim kemp. ¹⁸ Istap long tok orait bilong Yawe, na ol manmeri bilong Israel imas wokabaut, long tok orait bilong em, ol inap bung. Taim klaut i stop na kalapim selhaus, ol mas istap insait long kemp bilong ol. ¹⁹ Taim klaut istap yet antap long haus sel long planti dei, ol manmeri bilong Israel mas bihainim God Yawe na stia tok bilong Em na ino ken wokabaut. ²⁰ Sampela taim klaut i save stap sampela dei antap long haus sel. Long dispela as, ol mas bihainim God Yawe na tok orait bilong em, ol i mas wokim kemp na bihain wokabaut gen long tok orait bilong em. ²¹ Sampela taim klaut istap longpela taim antap long kemp long abinun igo moning. Taim klaut i lusim kemp long moning, ol i wokabaut. Taim klaut i igo yet long dei na nait, ol i mas wokabaut yet, inap long taim klaut i stop. ²² Maski klaut istap antap long haus sel long tupela dei, wanpela mun, o wanpela yia, na em istap olsem yet long hap, ol manmeri bilong Israel i mas istap insait long kemp na ino inap wokabaut.Tasol wanem taim klaut i kirap na lusim haus sel igo antap ,ol bai i redi gen long wokabaut. ²³ Ol i mas kemp long tok orait bilong God Yawe, na ol i mas wokabaut long tok orait bilong em. Ol i bin bihainim tok orait bilong God Yawe i bin givim long Moses.