8 ¹ God Yawe i tokim Moses olsem, ² "Tokim Aron olsem, 'Dispela 7-pela lam mas givim lait long stik bilong lam taim yu laitim lam". ³ Aron i bin mekim olsem, em i laitim lam na putim antap long stik bilong lam na givim lait i go long olgeta hap, olsem God Yawe i bin tokim Moses. ⁴ Ol i bin mekim stik bilong lam long dispela wei, God Yawe i bin soim Moses rot bilong mekim. Em i bin yusim hama na nilim wantaim gol long namel i go antap long het bilong en, em i olsem kap bilong plawa. ⁵ Bihain gen God Yawe i tokim Moses olsem. ⁶ "Kisim ol Livai namel long ol lain manmeri bilong Israel na mekim ol i kamap klin. ⁷ Mekim dispela long stretim ol, na mekim ol i kamap klin, kapsaitim wara bilong wasim sin bilong ol. tokim ol long katim gras bilong olgeta hap bilong bodi, rausim ol klos, na long dispela rot bai mekim ol yet i kamap klin. ⁸ Na bihain tokim ol long kisim yangpela bulmakau na ofa bilong wit wantaim gutpela plawa na owel. Larim ol i kisim narapela yangpela bulmakau olsem ofa bilong rausim sin. ⁹ Bai yu kisim ol Livai na sanapim ol namel long haus sel bilong bung na sanapim olgeta manmeri bilong Israel. ¹⁰ Taim yu kisim ol Livai i kam long God Yawe, ol manmeri bilong Israel mas apim han i go antap na putim han bilong ol long Livai. ¹¹ Aron i mas mekim ofa bilong ol Livai i go long God Yawe, olsem ofa bilong holim long han na mekim i kam long mi bilong lain manmeri bilong Israel bai ol i ken mekim wok bilong God. ¹² Ol Livai i mas putim han bilong ol long het bilong ol bulmakau, yu mas mekim ofa long wanpela bulmakau, olsem ofa bilong rausim sin na narapela bulmakau bilong mekim gutpela smel i kam long mi, long rausim nogut bilong ol Livai. ¹³ Kisim ol Livai i kam long Aron wantaim pikinnini na litimapim ol olsem ofa bilong holim long han na mekim i kam long mi. ¹⁴ Long dispela wei yu mas skelim ol Livai namel long ol lain manmeri bilong Israel. Ol Livai bai stap lain bilong mi oltaim. ¹⁵ Bihain long dispela, ol Livai i mas i go long haus sel bilong bung na helpim wok. Yu mas mekim ol i kamap stret. Yu mas mekim ofa bilong holim long han i kam long mi. ¹⁶ Mekim olsem, long wanem dispela em ol lain bilong mi i stap namel long ol Israel, bai ol i kisim ples bilong pikinini man husait i opim matmat, namba wan pikinini bilong olgeta tumbuna bilong Israel, mi bin kisim ol Livai bilong mi yet. ¹⁷ Olgeta namba wan pikinini man namel long lain Israel i bilong mi, em ol man na animol wantaim. Long wanpela de bai mi kisim laip bilong olgeta namba wan pikinnini man insait long hap bilong Isip, em mi makim ol bilong mi yet. ¹⁸ Mi bin kisim ol Livai namel long manmeri bilong Israel inap long mi kisim olgeta namba wan pikinini man. ¹⁹ Mi bin givim ol Livai olsem presen long Aron na pikinini bilong en. Mi bin rausim ol long namel long ol lain manmeri Israel long mekim dispela wok long lain Israel insait long haus sel bilong ples bung. Mi bin givim samting long ol bilong mekim ofa bilong sin bilong ol manmeri Israel olsem bai nogat belhat na nogat bagarap bai kamap long ol manmeri long taim ol i kam klostu long ples i holi". ²⁰ Moses, Aron na olgeta lain manmeri bilong Israel i bin mekim olsem wantaim ol Livai. Ol i bin mekim olgeta samting God Yawe i bin tokim Moses, long tokim ol Livai, em ol manmeri bilong Israel i bin mekim olsem wantaim ol. ²¹ Ol Livai i bin mekim ol yet i kamap klin, wasim klos, na Aron i bin givim ol olsem ofa bilong holim long han i kam long God Yawe. Na em i bin mekim ofa bilong rausim sin bilong ol na mekim ol i kamap klin. ²² Bihain long dispela, ol Livai i bin i go wok insait long haus sel bilong ples bung, i go long Aron na pikinini bilong Aron tu. Dispela em God Yawe i bin tokim Moses long ol Livai. Ol i bin lukautim ol Livai long dispela wei. ²³ God Yawe i tokim Moses gen olsem, ²⁴ "Olgeta bilong dispela samting, em bilong ol Livai husait i winim 25 yia na i go antap moa. Dispela lain tasol i mas stap long dispela grup long mekim wok insait long haus sel bilong ples bung. ²⁵ Ol i mas i stap long dispela wok inap long mak bilong 50 yia. Husait man i winim dispela yia na moa, em i noken mekim dispela wok. ²⁶ Ol bai helpim brata husait i wok long haus sel bilong bung.Tasol ol i noken mekim wok moa.Yupela i mas soim ol Livai long mekim dispela wok".