10
1
God Yawe i toktok long Moses. Em i tok,
2
"Mekim tupela silva biugel. Paitim dispela silva long hama long kamapim biugel. Yu mas winim biugel long singautim ol man meri long kam bung na long singautim ol man meri long daunim kem na wokabaut.
3
Ol pris i mas winim biugel long singautim ol man meri long kam bung long dua bilong haus sel bilong bung.
4
Sapos ol pris i winim wanpela biugel em bilong ol lida na het man bilong ol Israel i mas kam bung wantaim yu.
5
Taim yu winim bikpela krai bilong biugel ,ol lain man meri long hap ples we san kamap imas stat wokabaut.
6
Taim yu winim bikpela krai bilong biugel namba tu taim, ol man meri long saut sait i mas stat wokabaut. Ol i mas winim bikpela krai bilong biugel na wokabaut.
7
Taim ol man meri i kam bung, winim biugel, tasol ino bikpela tumas.
8
Ol pikinini man bilong Aron - ol pris , i mas winim biugel. Dispela wok mak i mas i stap wantaim yupela na bilong ol lain man meri i kam bihain.
9
Taim yupela i go pait wantaim ol birua husait i save mekim nogut long yu long graun bilong yupela , orait yupela mas winim krai bilong giugel. Mi God Yawe bilong yupela, bai singautim yupela olsem ol lain bilong mi na savim yupela long ol birua.
10
Olsem tasol, long taim bilong bung lotu, na olgeta wankain bung olsem na long de bilong nupela mun yu mas winim biugel i go wantaim ofa ol i kukim long paia na wantaim ofa bilong mekim lotu. Dispela bai kamap olsem mak bilong tingim mi, olsem God bilong yu. Mi God yawe bilong yu.
11
Long namba 2 yia ,insait long namba 2 mun, long namba 20 de, klaut i kirap antap long haus lotu bilong bokis kontrak.
12
Ol pipol bilong Israel i wokabaut lusim drai ples bilong Sanai. Na klaut i stop long drai ples bilong Paran.
13
Ol i mekim namba wan wakabaut i bihainim ol toktok bilong God Yawe i bin givim long Moses.
14
Ol lain man meri i stap aninit long tumbuna lain biolong Juda i wokabaut i go pas, wantaim ol wan wan ami bilong ol. Nason pikinini man bilong Aminadap i go pas long ami bilong Juda.
15
Netanel pikinini man bilong Sua i stap het man bilong tumbuna lain bilong Isaka.
16
Eliab pikinini man bilong Helon i lidim ol lain tumbuna bilong Sebulun.
17
Ol tumbuna lain bilong Geson na Merari, husait i save lukautim haus sel bilong bung , kisim haus sel na wokabaut i go.
18
Bihain ,ol lain ami istap aninit long Ruben i kirap na wokabaut i go. Elisur pikinini man bilong Sedeur i go pas long ol ami bilong Ruben.
19
Selumiel pikinini man bilong Jurisadai i go pas long ami bilong ol lain tumbuna biolng Simeon.
20
Eliasap pikinini man bilong Deuel i go pas long ami bilong ol lain tumbuna bilong Gad.
21
Ol lain Kohat i karim ol samting bilong Rum Tambu na go. Ol narapela lain i go pas bai sanapim haus sel pastaim na ol Kohat bai i go kamap.
22
Ol ami i stap aninit long Efraim i bihainim na wokabaut i go na Elisama pikinini man bilong Amihut i go pas long ami bilong Efraim.
23
Gamaliel pikinini man bilong Pedasur i go pas long ami bilong ol tumbuna lain bilong Manase.
24
Abidan pikinini man bilong Gideoni ilgo pas long ami bilong ol lain tumbuna bilong Benjamin.
25
Ol ami istap aninit long ol lain tumbuna bilong Dan i go bihain. Ahiesa pikinini man bilong Amisadai i go pas long ami bilong Dan.
26
Pagiel pikinini man bilong Okram i go pas long ol ami bilong ol lain tumbuna bilong Asa.
27
Ahira pikinini man bilong Enan i go pas long ami bilong ol lain tumbuna bilong Naptali.
28
Dispela em rot ol ami bilong Israel i bin wokabaut long en .
29
Moses i toktok wantaim Hobab pikinini bilong Reuel bilong ples Median. Reuel em i papa bilong meri bilong Moses. Moses i tokim Hobab na tok. Yumi i wokabaut i go long wanpela ples God Yawe i tokaut long en. God Yawe i tok. "Bai mi givim long yupela. Kam wantaim mipela na bai mipela i mekim gut long yu. God Yawe i promise long mekim gut long ol Israel.
30
Tasol, Hobab i tokim Moses." Mi no inap i go wantaim yu. Mi bai go bek long ples bilong mi na ol lain pipol bilong mi.
31
Na Moses i bekim tok."Plis noken lusim mipela. Yu save long we long mekim kem long ples ino gat man long en. Yu mas was gut long mipela.
32
Sapos yu go wantaim mipela, mipela bai mekim gutpela pasin long yu olsem God Yawe i save mekim long mipela.
33
Ol i wokabaut long maunten bilong God Yawe inap long 3 pela de . Bokis kontrak bilong God Yawe i go pas long ol inap 3 pela de long painim ples bilong ol long malolo. .
34
Klaut bilong God Yawe i karamapim ol long de taim- taim ol i wokabaut.
35
Taim bokis kontrak i go pas, Moses i save tok," Kirap, God Yawe. Rausim nambaut ol birua bilong yu. Mekim ol birua bilong yu i ranawe long yu."
36
Long taim bokis kontrak i stop,Moses i save tok, "Kam bek," God Yawe, na stap wantaim ol panti ten tausen man meri bilong Israel."