11 ¹ Nau ol manmeri i toktok planti long ol hevi bilong ol na God Yawe i harim i stap. God Yawe i harim ol man meri na i belhat. paia i kam long God Yawe i lait namel long ol na kukim sampela kemp long arere. ² Na ol manmeri i singaut long Moses, na Moses i prea long God Yawe, na paia i pinis. ³ Dispela ples i kisim nem bilong em olsem Tabera, bilong wonem paia bilong God Yawe i lait namel long ol. ⁴ Sampela ol manmeri bilong narapela hap i wok long kam na stap wantaim ol tumbuna pikinini bilong Israel long kemp bilong ol, ol i laikim gutpela kaikai long kaikai. Na ol manmeri bilong Israel i stat long krai na tok, husait bai i givim mipela mit long kaikai ? ⁵ Mipela i tingim ol pis we mipela i kaikai fri long ples Isip,ol kukamba, ol melon, ol kumu, ol onion na ol galik. ⁶ Nau laikim bilong ol dispela samting i pinis, long wonem mipela i lukim mana tasol." ⁷ Mana i bin olsem sit bilong korinda . Em i luk olsem plastik na i stron. ⁸ Ol manmeri i wokabaut na na bungim. Ol i kisim i go brukim long ples bilong burukim wit, na paitim insait long stronpela graun sospen, boilim insait long sospen na makim i kamap keik. Em i tes olsem nupela oliv wel. ⁹ Taim wara bilong monin i pundaun long nait, mana tu i pundaun. ¹⁰ Moses i harim ol manmeri i krai insait long femili bilong ol, na olgeta man i bin stap long dua bilong haus sel bilong em. God Yawe i belhat nogut tru, na long ai bilong Moses bel nogut bilong ol i no stret. ¹¹ Moses i tokim God Yawe," Long wonem yu mekim pasin ino gutpela long wokman bilong yu? Long wonem yu i no amamas long mi? Yu makim mi karim hevi bilong olgeta dispela lain. ¹² Aiting olgeta dispela manmeri i stap insait long bel bilong mi? Em ol mi yet karim ol olsem na yu tok long mi,' Karim ol i kam klostu long bros bilong yu ol wanpela papa i karim beibi?' Inap mi karim ol igo long graun we yu bin wokim tok promis long ol lain tumbuna bilong ol long givim ol? ¹³ Long wonem hap bai mi painim mit long givim ol dispela ol manmeri? Ol krai long pes bilong mi na i tok olsem, 'Givim mit long mipela long kaikai.' ¹⁴ Mi no inap moa long karim olgeta dispela manmeri mi yet. Ol i planti tu mas long mi. ¹⁵ Long dispela as yu i wokim olsem long mi, kilim mi nau- sapos mi i iuk orait long ai bilong yu- noken larim mi lukim bagarap bilong mi." ¹⁶ God Yawe i tokim Moses," Kisim i kam long mi 70 pela hetman bilong Israel. Sekim gut na lukim olsem ol i mas ol elda na ofisa bilong ol manmeri. Kisim ol i go long haus bilong bum na sanap wantaim yu long hap. ¹⁷ Bai mi kam daun na toktok wantaim yu long hap. Bai mi kisim sampela bilong ol Spirit we i stap long yu na putim long mi. Ol bai i karim hevi bilong ol manmeri wantaim yu. Yu bai no i nap long karim yu yet. ¹⁸ Tokim ol man meri,' Klinim yupela yet, bilong tumoro na tru tumas yupela bai kaikai mit,long wonem yupela i krai na God Yawe i harim. Yupela i tok,"Husait bai givim mit long mipela? Em i bin gutpela long mipela long ples Isip." Olsem na God Yawe bai givim yupela mit, na bai yupela i kaikai en. ¹⁹ Yupela bai i no inap kaikai mit long wanpela dei tasol ,tupela dei, 5 pela dei, 10 pela dei, o 20 pela deis, ²⁰ tasol bai yupela i kaikai mit inap long wanpela mun, inap em i kam autsait long nus bilong yupela. Em bai mekim yupela sik long wonem yupela i raosim God Yawe, husait i stap namel long yu. Yu i bin krai long pes bilong em. Yu tok," Bilong wonem mipela i lusim Isip?"''' ²¹ Na Moses i tok," Mi i stap wantaim 600 000 tausen manmeri, na yu bin tok,' Bai mi givim ol mit long kaikai inap long wanpela mun.' ²² Inap mipela kilim ol sipsip na kau long inapim ol? Inap mipela kisim ol pis long sol wara long inapim ol?" ²³ God Yawe i tokim Moses," Han bilong mi sot ah?Nau bai yu lukim tok mi tok long en i tru o nogat.'' ²⁴ Moses i go autsait na tokim ol manmeri wonem toktok God Yawe i tok. Em i bungim 70 pela hetman bilong bilong ol manmeri na i lain apim ol long wanwan hap raunim sel haus. ²⁵ God Yawe i kam dau long klaut na toktok long Moses. God Yawe i kisim sampela Spirit we i stap antap long Moses na i putim i go antap long ol 70 pela hetman. Taim ol dispela Spirit i sindaun antap long ol, ol i mekim tok profet, tasol long dispela bung tasol na ol i no mekim tok profet ken. ²⁶ Tupela man i stap beken lo kemp nem bilong wanpela em Elded na arapela em Meded. Dispela Spirit tu i kam antap na sindaun long ol. Na nem bilong tu ol i bin raitim, tasol ol i no igo autsait long haus sel. Na tasol ol i mekim tok profet insait long kemp. ²⁷ Wanpela yangpela man insait long kemp i ron i go na tokim Moses,'' Elded na Meded i wok long mekim tok profet insait long Kemp.'' ²⁸ Josua pikinini bilong Nan, man bilong helpim bilong Moses wanpela bilong ol man em i makim long en, i tokim Moses,''Masta bilong mi, stopim ol.'' ²⁹ Moses i tokim em, ''Long mi tasol na yu tintin nogut ah?Mi ting tasol olsem sapos olgeta manmeri bilong God Yawe i kamap profet na em bai putim Spirit bilong em antap long olgeta !'' ³⁰ Na Moses na ol hetman bilong Israel i go bek long kemp. ³¹ Win i kam long God Yawe na i brinim ol liklik wel pisin long solwara. Ol i pundaun klostu long kemp, olsem wanpela dei wokabaut long one sait na wan dei wokabaut long narapela sait. Dispela ol liklik wel pisin i raunim kemp olsem 1 mita antap long graun. ³² Ol manmeri i bin bisi long bungim ol liklik wel pisin long moning igo abinun, na olgeta nait tu na long narapela dei tu. Nogat wanpela i bungim anaint long 337 kilo bilong ol liklik wel pisin. Ol i skelim ol dispela liklik wel pisin long lain insait long kemp. ³³ Taim dispela mit i stap namel long tit bilong ol, ol i kaikai yet, God Yawe i belhat long ol. Em i bagarapim ol manmeri wantaim wanpela bikpela sik. ³⁴ Dispela i kisim nem bilong en olsem Kibort Hatava, long wonem ol i planim ol manmeri husait i lakim tumas mit. ³⁵ Long Kibot Hatava ol i wokabaut igo long Hesarot, we ol i stap.