15 ¹ Bihain God Yawe i toktok long Moses. Em i tok. ² Toktok long ol man meri bilong Israel na tokim ol, "Taim yupela i go long graun we bai yupela i stap long en, we God Yawe bai givim yupela, ³ yupela bai redim ofa long kukim long paia i go long God Yawe, i olsem ofa paia i kukim olgeta,o ofa yu amamas long givim, o ofa bilong givim tenkyu,o ofa long taim bilong bung, long givim gutpela smel i go long God Yawe i kam long ol bulmakau o ol sipsip. ⁴ Yupela mas givim ofa i go long God Yawe olsem ofa paia i kukim olgeta wantaim 100 grem bilong gutpela plawa ol tanim wantaim 225 mili lita bilong oil. ⁵ Yupela mas givim dispela ofa tu i go wantaim ofa paia i kukim olgeta, o ofa bilong sakrifais, wan lita bilong wain olsem drink ofa bilong wanwan sipsip. ⁶ Sapos ofa bilong yupela em i man sipsip, yu mas redim 200 grem bilong gutpela plawa ol i tanim wantaim 333 mili lita bilong oil. ⁷ Bilong drink ofa, yu mas givim 333 mili lita bilong wain. Em bai kamapim switpela smel i go long God Yawe. ⁸ Taim yu redim bulmakau olsem ofa paia i kukim olgeta,o i olsem ofa bilong mekim promis, o olsem ofa bilong mekim lotu i go long God Yawe, ⁹ bihain yupela i mas mekim ofa bilong bulmakau wantaim 300 grem bilong gutpela plawa ol i tanim olsem wit ofa wantaim 500 mili lita bilong oil. ¹⁰ Yupela mas givim 500 mili lita bilong wain olsem dring ofa ol i wokim long paia, bilong kamapim switpela smel i go long God Yawe. ¹¹ Yupela i mas mekim olsem long wanwan bulmakau, long wanwan sipsip, long wanwan yangpela sipsip man o long yangpela meme. ¹² Olgeta ofa sakrifais yupela redim na ofa yupela i mekim i mas kamap bihainim ol toktok i kamap pinis. ¹³ Olgeta as ples pikinini Israel i mas mekim ofa olsem, taim wanpela i bringim ofa ol i mekim long paia long givim switpela smel i gutpela long God Yawe. ¹⁴ Sapos man bilong narapela hap ples i stap wantaim yupela, o husait i laik i stap wantaim ol tumbuna lain bilong yupela bihain em i mas mekim ofa ol i kukim long paia long givim switpela smel i go long God Yawe. Dispela man i mas mekim wankain pasin olsem yupela mekim. ¹⁵ I mas i gat wankain lo bilong kominiti na bilong man bilong narapela hap ples husait i stap wantaim yupela,em i strongpela lo bai i stap wantaim ol lain manmeri i kam bihain tu. Wankain long yu na wankain long man bilong wokabaut i stap wantaim yu. Em i mas mekim wankain pasin yupela i mekim long God Yawe. ¹⁶ Dispela wankain lo na stronpela toktok i mas i go long yupela na i go lo man bilong narapela hap ples i stap wantaim yupela. ¹⁷ Wanpela taim gen God Yawe i toktok long Moses. Em i tok. ¹⁸ "Tokktok long ol man meri bilong Israel na tokim ol, "Taim yupela i kam long graun we bai mi kisim yupela i go, ¹⁹ taim yupela i kaikai ol kaikai i kamap long dispela graun, yupela i mas mekim ofa na givim long mi. ²⁰ Long nambawan plawa yupela tanim pinis na wilwilim yupela mas kisim hap bilong en na givim olsem bung ofa i kam long ples bilong mekim plawa. Yupela mas givim i kam long dispela rot. ²¹ Yupela i mas givim mi namba wan hap bilong plawa olsem ofa yupela i apim i kam long mi long ol lain manmeri bilong yupela long nau na bihain tu. ²² Sampela taim bai yupela mekim sin yupela i no ting bai yupela mekim, taim yupela i no bihainim olgeta dispela lo mi i bin givim long Moses- ²³ olgeta samting God i toktok long yupela long Moses,long dispela taim God i givim lo na i go i nap long ol lain manmeri i kam bihain tu. ²⁴ Olsem tasol long sin yu ino ting bai yu mekim na yu i mekim na ol kominiti i no save, orait olgeta kominiti i mas mekim ofa long wanpela yangpela bulmakau olsem ofa ol i kukim long paia bilong givim switpela smel i go long God Yawe. Wantaim dispela ol i mas mekim wit ofa na drink ofa, olsem ol i tok pinis long lo ol i pasin na wanpela meme man olsem sin ofa. ²⁵ Pris i mas mekim ofa bilong sin bilong ol manmeri bilong Israel.Sin bilong ol bai i lus olsem ol ino ting long mekim ol i mekim .Ol i ksim ol ofa bilong ol i kam, ofa ol i kukim long paia i kam long mi.Ol i kisim sin ofa i kam long mi bilong rong bilong ol. ²⁶ Orait olgeta rong bilong ol manmeri bilong Israel bai i pinis, na tu bilong ol manmeri bilong ol narapela kantri i stap wantaim ol, bilong wanem ol manmeri i mekim sin ol i no ting ol i mekim. ²⁷ Sapos wanpela man i mekim sin em i no ting em i mekim , orait em i mas givim wanpela meme meri i gat wanpela yia olsem sin ofa. ²⁸ Pris i mas mekim ofa bilong rausim sin i go long God Yawe bilong dispela man i mekim sin em i no ting em i mekim . Sin bilong dispela man bai i lus taim ol i mekim pinis ofa bilong rausim sin. ²⁹ Yupela i mas gat dispela wankain lo long wanpela man i mekim samting em i no ting em i mekim em i mekim, wankain bilong as ples pikinini Israel na bilong man bilong narapela kantri husait i stap wantaim ol. ³⁰ Tasol dispela man husait i sakim tok, sapos em i as ples pikinini o man bilong narapela kantri i bagarapim nem bilong mi. Dispela man ol i mas rausim em long ol manmeri bilong em. ³¹ Bilong wanem em i no bihainim tok bilong mi na i brukim lo bilong mi, dispela man ol i mas rausim em olgeta. Sin bilong em i mas stap wantaim em yet." ³² Taim ol Israel i stap yet long ples nating, ol i painim wanpela man i bungim paia wut long Sabat de. ³³ Ol lain husait i painim em i kisim em i kam long Moses, Aron, na olgeta manmeri. ³⁴ Ol i putim em long haus kalabus bilong wanem ol i no pasim tok long wanem samting bai ol i mekim long em. ³⁵ Bihain God Yawe i tokim Moses, "Dispela man i mas dai. Olgeta man meri i mas sutim em wantaim ston autsait long kem." ³⁶ Olsem na ol man meri i kisim em i kam autsait long kem na stonim em i dai olsem god Yawe i tokim Moses. ³⁷ Wanpela taim gen God Yawe i toktok long Moses. Em i tok, ³⁸ Toktok long ol tumbuna manmeri bilong Israel na tokim ol long mekim ol rop bilas na hangamapim long ol kona bilong klos bilong ol na hangamapim ol wantaim blupela rop. Ol i mas mekim olsem long ol tumbuna lain manmeri bilong ol i kam bihain tu. ³⁹ Yupela bai i tingim mi taim yupela i lukim dispela rop na olgeta lo bilong mi na yupela i noken bihainim laik bilong yupela yet na mekim ol pasin nogut. ⁴⁰ Mekim olsem na bai mi kolim yupela ol lain bilong mi na bihainim olgeta lo bilong mi na yupela i ken stap holi ol manmeri bilong mi, God bilong yupela. ⁴¹ Mi God Yawe bilong yupela, husait i kisim yupela i kamaut long Isip na i kamap God bilong yupela. Mi God Yawe God bilong yupela.